Broxura Rona ba Maromak iha dezeñu barak no ninia objetivu mak atu ajuda ema neʼebé sente susar atu lee hodi aprende Bíblia. Lisaun ida-idak ho pájina rua no iha mós símbolu kiʼik ida atu lori ita husi dezeñu ida ba dezeñu seluk.

Broxura Rona ba Maromak hodi Hetan Moris ba Nafatin iha liafuan barak liu fali Rona ba Maromak, maibé dezeñu sira mak hanesan deʼit. Estudante sira neʼebé hatene lee uitoan bele uza Rona ba Maromak hodi Hetan Moris ba Nafatin, no haklaken-naʼin mós bele uza broxura neʼe bainhira sira hanorin hela estudante neʼebé uza Rona ba Maromak. Pájina balu iha kaixa ho informasaun estra neʼebé ita bele hili atu koʼalia hamutuk, depende ba estudante nia abilidade.

Ita bele fahe broxura rua neʼe iha tempu naran deʼit. Bainhira estuda broxura neʼe ho ema, uza didiʼak dezeñu sira atu esplika istória husi Bíblia. Husu pergunta hodi hatene se nia komprende ka lae. Lee no koʼalia kona-ba eskritura sira iha pájina nia kraik. Se ramata ona broxura neʼe ho ita-nia estudante, estuda fali Tuir Loloos, Saida mak Bíblia Hanorin? hodi ajuda nia laʼo ba oin no hetan batizmu.