Ita kontente tebes ho broxura no livru foun neʼebé ita bele uza hodi halaʼo estudu Bíblia. Ita harohan ba Jeová atu fó bensaun ba ita-nia hakaʼas an atu halo ema barak sai dixípulu. (Mt 28:18-20; 1Ko 3:6-9) Oinsá mak ita sei uza livru neʼe?

Tanba ita presiza uza dalan foun atu hanorin hodi uza Moris Haksolok ba Nafatin, kursu Bíblia interativu, favór halo tuir matadalan tuirmai neʼe nuʼudar Ita prepara ka dirije estudu Bíblia. *

• Lee informasaun, no koʼalia hamutuk kona-ba pergunta sira

• Lee eskritura neʼebé dehan “lee”, no ajuda estudante atu komprende oinsá eskritura sira-neʼe liga ho informasaun

• Loke no koʼalia hamutuk kona-ba vídeo, hodi uza pergunta sira neʼebé iha ona

• Kada estudu ida-idak, koko halo hotu lisaun ida tomak

Iha serbisu haklaken, fó uluk broxura atu hatene ema neʼe interese ka lae. (Haree kaixa “ Oinsá atu fahe broxura Moris Haksolok ba Nafatin kuandu hasoru dala primeiru”.) Se estuda hotu broxura neʼe no estudante hakarak atu kontinua, entaun fó livru ba nia no kontinua estuda lisaun 04. Se Ita estuda daudaun ho ema hodi uza livru Komprende Bíblia ka Hela iha Maromak nia Domin, favór troka ho livru Moris Haksolok ba Nafatin no deside atu komesa husi neʼebé.

HAREE VÍDEO BENVINDU BA ITA-NIA KURSU BÍBLIA, DEPOIS HATÁN BA PERGUNTA TUIRMAI:

• Saida deʼit mak estudante sei aprende husi livru foun neʼe?

• Tanbasá Ita presiza hatudu vídeo neʼe ba estudante foun sira?

• Ita presiza fó korajen ba estudante sira atu iha planu saida deʼit?—Haree kaixa “ Fokus no planu ba lisaun ida-idak”