Parte neʼe konta istória maizumenus durante tinan 80 kona-ba Liurai Saul no Liurai David. Foufoun, Saul haraik an no halo tuir Maromak, maibé lakleur nia la halo tuir tan. Jeová la kontente no haruka Samuel atu hili David sai liurai ba Izraél. Saul sai laran-moras no koko dala barak atu oho David, maibé David la selu aat fali. Saul nia oan-mane Jonatan hatene katak Jeová hili David, tan neʼe nia laran-metin ba David. David halo sala boot balu, maibé nia sempre simu dixiplina husi Jeová. Se Ita iha oan, ajuda sira komprende tanbasá importante atu halo tuir no laran-metin ba Jeová no ema neʼebé nia hili.