Parte neʼe konta kona-ba labarik, profeta no liurai sira neʼebé fiar metin ba Jeová. Iha rai-Síria, labarik-feto ida husi Izraél fiar katak Jeová nia profeta bele kura Naaman nia moras. Profeta Eliseu fiar metin katak Jeová sei proteje nia husi inimigu nia tropa. Amlulik Boot Jeoada tau ninia moris iha perigu laran atu proteje Jeoas neʼebé sei kiʼik husi ninia avó-feto Atalia neʼebé aat. Liurai Ezequias fiar katak Jeová sei salva Jeruzalein, no nia la rende an ba Asíria. Liurai Josias halakon maromak falsu sira husi rai tomak, hadiʼa fali templu, no ajuda povu atu halaʼo fali adorasaun neʼebé loos.