PARTE 4
Tanba rona ba Satanás, sira hetan susar saida deʼit?
Adão no Eva la halo tuir Maromak, tan neʼe sira mate. Génesis 3:6, 23
Eva rona ba samea no han ai-fuan neʼebé Maromak bandu. Tuirmai, nia fó ba Adão, no Adão mós han.
Buat neʼebé sira halo mak sala. Tan neʼe, Maromak duni sai sira husi paraízu iha jardín Eden.
Sira no sira-nia oan nia moris sai susar. Sira sai ferik-katuas toʼo mate. Sira la bá lalehan ka infernu. Sira mate deʼit no la iha tan.
Ema mate fila fali ba rai-rahun. Génesis 3:19
Ita mate tanba ita hotu mak Adão ho Eva nia bei-oan. Ema mate labele haree ka rona ka halo buat ida.—Eclesiastes 9:5, 10.
Maromak Jeová lakohi ema atu mate. Lakleur tan, nia sei halo ema mate moris filafali. Se sira rona ba nia, sira sei moris ba nafatin.
Karik Ita sei gosta
HANORIN IMPORTANTE SIRA HUSI BÍBLIA
Saida mak akontese kuandu ema mate?
Bíblia promete katak loron ida, ema barak neʼebé mate ona sei moris fila fali, hanesan ho Lázaro.
HANORIN IMPORTANTE SIRA HUSI BÍBLIA
Tanbasá mak Maromak husik terus akontese?
Bíblia nia resposta bele halo ita sente kontente no kmaan.
