Bainhira lee Bíblia, ita bele buka-hetan pontu furak hodi halo peskiza iha ita-nia publikasaun sira. Maibé oinsá ita bele hetan benefísiu liután?

Tau atensaun didiʼak ba informasaun kona-ba istória ida iha Bíblia. Porezemplu, buka-hatene sé mak hakerek istória neʼe, ba sé no horibainhira. Ninia situasaun mak oinsá, saida mak akontese antes no depois?

Hanoin kona-ba lisaun neʼebé Ita bele aprende hodi buka resposta ba pergunta hanesan: ‘Sira sente oinsá? Hahalok hanesan saida mak sira hatudu? Tanbasá haʼu presiza banati-tuir hahalok sira-neʼe ka tanbasá haʼu presiza hasees an husi hahalok sira-neʼe?’

Aplika lisaun neʼebé Ita aprende bainhira Ita hamutuk ho ema seluk ka kuandu Ita haklaken. Hodi halo nuneʼe, Ita sei sai matenek hanesan buat neʼebé Bíblia hatete: “Ema hotu neʼebé halo tuir ninia lei sira mak iha kbiit atu komprende kleʼan.”—Sal 111:10.

• Sujestaun: Haree didiʼak oinsá informasaun iha reuniaun loron baileet iha parte Rikusoin husi Bíblia bele ajuda ita atu aplika buat neʼebé ita aprende. Iha parte neʼe, dala barak iha pergunta sira neʼebé ita bele husu ba ita-nia an, pontu neʼebé ita bele medita, no mós dezeñu neʼebé ita bele hanoin kleʼan.