MATAN-MORIS BÁ! No. 2 2018 | Segredu 12 ba família atu moris kontente
Segredu 12 ba família atu moris kontente
Ita rona beibeik kona-ba problema oioin neʼebé mosu iha família laran. Maibé saida deʼit mak bele ajuda família sira?
Husi tinan 1990 toʼo 2015, iha Estadus Unidus, kaben-naʼin ho idade 50 liu neʼebé soe-malu aumenta ba dala rua, no kaben-naʼin ho idade 65 ba leten neʼebé soe-malu aumenta ba dala tolu.
Inan-aman sira konfuzaun tanba matenek-naʼin balu hatete katak inan-aman presiza gaba beibeik oan sira, maibé matenek-naʼin seluk haruka inan-aman atu fó dixiplina makaʼas.
Joven sira komesa sai boot ba daudaun maibé la iha matenek atu halo buat ruma.
Maibé tuir loloos . . .
Moris kaben nian bele metin nafatin no lori kontente.
Inan-aman bele aprende oinsá atu fó dixiplina ba oan ho domin.
Joven sira bele haburas matenek oioin neʼebé sira presiza atu sai susesu.
Maibé oinsá? Edisaun neʼe sei koʼalia kona-ba segredu 12 ba família atu moris kontente.
1: Laran-metin
Sujestaun tolu neʼebé bele ajuda feen-laʼen atu hatudu laran-metin ba malu.
2: Apoia malu
Ita no Ita-nia kaben apoia malu, ka Ita mak hanesan deʼit ho kolega neʼebé hela hamutuk?
3: Respeitu malu
Aprende kona-ba liafuan no hahalok neʼebé halo Ita-nia kaben sente katak Ita respeitu nia.
4: Fó perdua
Saida mak bele ajuda Ita atu la tau fokus ba Ita-nia kaben nia fraku sira?
5: Komunikasaun
Hakat tolu neʼebé ajuda Ita atu hakbesik liután ba Ita-nia oan.
6: Fó dixiplina
Dixiplina halo oan sira la fiar an ka lae?
7: Hanorin morál
Ita presiza hanorin morál saida deʼit ba ita-nia oan?
8: Ezemplu diʼak
Se Ita hakarak Ita-nia oan halo tuir Ita-nia liafuan, Ita rasik mós presiza halo tuir Ita-nia liafuan.
9: Identidade
Oinsá mak joven sira bele kaer metin sira-nia fiar?
10: Ema bele tau fiar
Hakat importante atu sai boot mak hatudu hahalok diʼak hodi Ita-nia inan-aman bele tau fiar ba Ita.
11: Sai badinas
Se Ita aprende oinsá atu serbisu ho badinas bainhira Ita sei joven, neʼe bele ajuda Ita atu hetan susesu.
12: Halo planu
Hodi kumpre Ita-nia planu bele ajuda Ita atu fiar an liután, hametin relasaun diʼak ho belun, no halo Ita kontente.
Informasaun seluk tan ba família
Bíblia nia matadalan bele ajuda ita atu iha moris kaben nian neʼebé metin no moris família neʼebé kontente.
