Durante fulan-Jullu 2022, temperatura iha nasaun barak sai manas liu:

•   “Ba dala segundu iha fulan neʼe nia laran, autoridade iha Xina fó sai katak besik sidade 70 nia temperatura sei sai manas toʼo lori perigu.”—25 Jullu 2022, CNN Wire Service.

•   “Ahi han ai-laran barak iha Europa tanba anin manas halo rai nia temperatura saʼe makaʼas.”—17 Jullu 2022, The Guardian.

•   “Iha loron-domingu, sidade barak iha Estadus Unidus sai manas liu fali uluk tanba anin manas kona parte súl, parte oeste klaran, no tasi-ibun parte leste.”—24 Jullu 2022, The New York Times.

 Buat sira-neʼe hotu katak sá? Planeta mundu sei sai fatin neʼebé ema labele hela tan ka lae? Saida mak Bíblia dehan?

 Sin. Mudansa kona-ba klima mak parte husi Bíblia nia profesia kona-ba ita-nia tempu. Porezemplu, Jesus fó-hatene nanis katak ita sei haree ‘buat neʼebé halo ita taʼuk’. (Lucas 21:11) Tanba mundu nia temperatura aumenta ba beibeik, neʼe halo ema barak taʼuk katak ema sei estraga planeta mundu toʼo labele sai tan fatin ba ema atu hela.

 Lae. Maromak kria planeta mundu nuʼudar fatin neʼebé ema sei hela ba nafatin. (Salmo 115:16; Eclesiastes 1:4) Maromak sei la husik ema atu estraga mundu, maibé nia sei “halakon sira neʼebé estraga daudaun mundu” hanesan nia promete nanis ona.—Apokalipse 11:18.

 Haree toʼok profesia rua tan neʼebé fó sai Maromak nia promesa kona-ba futuru:

•   “Rai-fuik no rai neʼebé maran-dekor sei haksolok, no rai-tetuk maran sei haksolok no sai nakonu ho ai-funan asafraun.” (Isaias 35:1) Maromak sei la husik planeta mundu sai fali rai neʼebé maran-dekor no fuik, maibé nia sei hadiʼa duni mundu nia parte neʼebé ema estraga ona.

•   “Ita tau matan ba rai, halo rai fó rezultadu barak no riku tebes.” (Salmo 65:9) Maromak sei haraik bensaun ba mundu no mundu sei sai paraízu neʼebé furak.

 Atu aprende liután kona-ba oinsá mak mudansa ba klima kumpre Bíblia nia profesia, haree informasaun “Mudansa boot kona-ba klima no ita-nia futuru—Saida mak Bíblia dehan?”

 Atu aprende liután Bíblia nia promesa kona-ba planeta mundu nia ambiente sei sai diʼak, haree informasaun “Sé mak sei salva planeta mundu?”