Ema iha mundu tomak sente mesamesak no la hatene oinsá atu hakbesik ba ema seluk. Matenek-naʼin balu kona-ba saúde fiar katak dalan ida atu luta hasoru sentimentu mesamesak mak hodi ajuda ema seluk.

•   Fó ajuda ba ema seluk neʼebé presiza ajuda, neʼe bele halo ita-nia moris iha objetivu no ajuda ita luta hasoru sentimentu mesamesak ka sentimentu dook husi ema seluk.”—U.S. National Institutes of Health.

 Bíblia fó matadalan diʼak kona-ba saida mak ita bele halo atu ajuda ema seluk. Hodi aplika matadalan sira-neʼe bele ajuda ita atu luta hasoru sentimentu mesamesak.

 Hatudu laran-luak. Buka oportunidade atu gasta tempu ho ema seluk, liuliu hodi hasoru oin ba oin. Sai prontu atu fahe buat neʼebé Ita iha ba ema seluk. Bainhira Ita halo nuneʼe ba ema seluk, sira sei sente agradese, no neʼe sei ajuda Ita atu habelun ho sira.

•   Bíblia nia prinsípiu: “Kontinua fó ba ema seluk, no sira mós sei fó ba imi.”—Lucas 6:38.

 Ajuda ema seluk. Buka dalan atu ajuda ema sira neʼebé hasoru hela susar. Neʼe inklui rona didiʼak ba sira ho domin ka oferese ajuda neʼebé bele halo kmaan sira-nia moris.

•   Bíblia nia prinsípiu: “Belun neʼebé loos hatudu domin iha tempu hotu.”—Provérbios 17:17.

 Atu hatene liután informasaun kona-ba oinsá atu mantein relasaun diʼak ho ema seluk, lee informasaun “Moris família no relasaun ho ema seluk”.