Memoriál ba Jesus nia mate
Loron-sábadu, 12 Abríl 2025
Tinan ida dala ida, Testemuña ba Jeová komemora Jesus nia mate hodi tuir Jesus nia mandamentu neʼebé dehan: “Kontinua halo ida-neʼe hodi hanoin haʼu.”—Lucas 22:19.
Ami konvida Ita atu asiste reuniaun neʼe.
Pergunta sira neʼebé baibain ema husu
Reuniaun neʼe halaʼo ba oras hira?
Reuniaun neʼe sei halaʼo maizumenus durante oras ida.
Memoriál neʼe sei halaʼo iha neʼebé?
Kontaktu Testemuña ba Jeová atu hetan informasaun kona-ba reuniaun iha Ita-nia área.
Ita presiza selu atu asiste reuniaun neʼe?
Lae.
Ema sei husu ezmola ka lae?
Lae.
Ita tenke hatais oinsá?
Maski la iha dalan espesífiku neʼebé ita tenke hatais, maibé Testemuña ba Jeová hakaʼas an atu halo tuir Bíblia nia matadalan kona-ba hatais ho respeitu. (1 Timóteo 2:9) Ita la presiza hatais roupa karun ka formál.
Memoriál neʼe halaʼo oinsá?
Reuniaun neʼe sei hahú no remata ho kanta knananuk no Testemuña ba Jeová ida sei halo orasaun. Iha diskursu husi Bíblia neʼebé fó sai tanbasá Jesus nia mate mak importante no oinsá ita bele hetan benefísiu husi buat neʼebé Maromak no Kristu halo ona ba ita.
Atu hetan informasaun liután, lee informasaun ho títulu “Tanbasá mak Testemuña ba Jeová nia dalan atu komemora Jesus nia loron mate la hanesan ho relijiaun sira seluk?”
Bainhira mak sei halaʼo Memoriál tuirmai?
2025: Loron-sábadu, 12 Abríl
2026: Loron-kinta, 2 Abríl
Karik Ita sei gosta
KOMEMORA JESUS NIA MATE
Komemora Jesus nia mate
Ho laran, ami hakarak konvida Ita atu tuir reuniaun importante neʼe. Iha neʼebá Ita sei aprende oinsá mak Jesus nia moris no mate kona mós Ita-nia moris.
HANORIN IMPORTANTE SIRA HUSI BÍBLIA
Tanbasá mak Jesus mate?
Karik Ita rona ona katak nia mate atu kasu ita-nia sala. Maibé ema ida nia sakrifísiu bele duni lori benefísiu ba ema millaun ba millaun ka lae?