Magnorike ty toroheve ty Baiboly mba ‘hagnaja ty karaza o ndaty iabỳ’ zahay ndra inogn’ino ty finoa’e. (1 Petera 2:17) An-ketse’e ohatse, ty Vavolombelo i Jehovah amy ty tane ila’e. Tsy mamoresé o mpanao politikeo ndra o mpanao lalànao handrara ty asa ty fivavahagne hafa zahay sady tsy manao kezake manokagne mba hahavy ty raha inoa’ay hanjare lalàna tsy maintsy orihe ty fiaraha-monegne. Mampiseho fagnajagne amy ze kila ndaty zahay satria izay ka ty tea’ay hatao ama’ay.​—Matio 7:12.