Naho misy Vavolombelo i Jehovah vita badisa faie tsy mitory sasa ndra tsy miarake mivory ama’ay sasa le mbe ifandrambesa’ay avao. Zahay aza mikezake mifandrambe amy iareo sady magnampe iareo mba ho tea an’Andrianagnahare indraike.

 Tsy voatere ho roahe’ay avao ze nanao fahotagne lahibey. Faie naho zatse mandika ty fitsipy ty Baiboly miomba ty findesam-batagne ty Vavolombelo i Jehovah vita badisa raike, le tsy mifandrambe ama’e sasa zahay, ty dika izay roahegne reke. Mirehake mazava ty Baiboly tie: “Asintaho tsy ho ama’areo eo i mpanao ratỳ.”​—1 Korintianina 5:13.

 A manao akore naho ohatse voaroake ty lahilahy raike faie mbe Vavolombelo i Jehovah ty valy aman’ana’e? Tsy miarake manao raha mifandrambe amy ty fanompoagne an’Andrianagnahare sasa miarake amy ty valy aman’ana’e reke faie tsy midika zay tie tapake ty fifandrambesa iareo keleian-draike. Tsy miova ty fifandrambesa’e amy i vali’e naho ty fifandrambesa’e amy ty ana’e naho fa andavanandro.

 Afake magnatreke ty fotoam-pivavahagne atao’ay ze ndaty voaroake. Afake mahazo torohevetse ara-baiboly boake amo o androanavi-pagnahio ka iareo naho tea’e zay. Ty tanjogne le tihoe, hagnampe iareo hahafeno fepetse ho Vavolombelo i Jehovah indraike. Naho misy voaroake miala amy ty fahazaran-draty fanoe’e sady mampiseho fa tena te hagnorike ty fitsipy ty Baiboly, le rambesegne an-tagnan-droe ho agnisa ty fiangonagne indraike reke.