Mora vao sa sarotse ty manao ty maregne?... Ndaty maro ty mieretseretse izay. Rehafe ty Baiboly fa sarotse tamy i Josia ty nanao ty raha soa. Faie nanagne ragnetse soa nagnampe aze reke. Andao tikagne hianatse ty miomba i Josia naho ty ragne’e.

I Amona mpanjaka i Joda ty rae i Josia. Raty fagnahy ty Amona sady tsy nanompo i Jehovah. I Josia ty nimpanjaka i Joda naho fa nimate ty rae’e. Vaho feno valo taogne reke tamy izay. Niraty fagnahy manahake an-drae’e vao ty Josia?... Aha’a!

Te hagnorike ty fagnanara i Jehovah ty Josia ndra tie mbe nikedekede. Ze ndaty nitea i Jehovah avao ro niragnete’e. Izay ty nahavy aze tsy hanao raty. Ia ty agnara ty ndaty ila’e niragne i Josia?

I Zefania ty agnara ty raike. Mpitoky reke sady nampitao o ndatio fa hisy raha raty hiseho naho tsy manompo i Jehovah iareo. Nitsanogne ty raha nirehafe i Zefania ty Josia, le izay ty nahavy aze nivavake tamy i Jehovah.

Nimpiragnetse ka ty Josia naho i Jeremia. Ajaja niharo fihisàgne naho niharo tanàgne iareo. Mpiragnetse tsy mifankafoe iareo. Naho fa nimate ty Josia, le nanoratse hira famantaragne ty fanahelo’e ty Jeremia. Nifagnampe iareo mba tsy hanao raty fa hagnorike ty fanoroa i Jehovah.

Inogne ty raha nanoe i Josia toko’e hianara’o?... Ndra tie mbe niajaja ty Josia, le fa niteà’e ty hanao raha soa. Fanta’e fa ze ndaty tea i Jehovah avao ty toko’e ho ragne’e. Ze ndaty tea i Jehovah naho ze hagnampe azo hanao ty soa avao ro anò ragnetse.