Natao hampianaragne ty hamarenagne fototse agnate Baiboly ao ze ndaty tsy le mahay mamaky soratse soa ty bokekele Janjigno ty Andrianagnahare. Isake lesogne misy peje roe feno sare vita omagne soa. Misy mareke amantaragne ty amy i sarey ey tie, aia ty sare hodinehegne amy ty magnarake.

Mitovy avao ty sare agnate ty bokekele Janjigno ty Andrianagnahare le Hiaigne Tsy Misy Fara’e Rehe naho ty Janjigno ty Andrianagnahare, sady hambagne avao ka iareo roe. Faie ty mampiambake aze maro soratse sady natao hoahy ty ndaty mahay mamaky soratse soa i misy soratsey. Maro ty mpitory mampiasa i misy soratsey hampianaragne ndra tie mampiasa Janjigno ty Andrianagnahare i mpianatsey. Azo iharoagne midineke amy i mpianatsey reo, arakarake ty fahaia’e.

Azontikagne atao ty mametrake ty raike amo o bokekele iohoe ndra tie tsy agnate ty raha atolotse amy i volagney. Ampiasao o sareo naho fa mampianatse, mba hagnazavagne ty tantara agnate Baiboly ao. Mametraha fagnonteneagne mba hahatreavagne tie azo i mpianatsey i fianaragney. Naho fa vita i fianaragney, le vakio naho iharò midineke i andinin-teny amy i peje fara’ey rey. Afindrao amy ty boke Inogne Vata’e ty Raha Ampianare ty Baiboly? ndra Inogne ty Ampianare ty Baiboly Antikagne? reke mba hagnampeagne aze handroso amy ty badisa.