Tena fale tika satria nahazo boke naho bokekele vaovao hitarihagne fampianaragne Baiboly. Mivavake tika mba hotahie i Jehovah ty kezake ataontika hampianaragne Baiboly o ndatio. (Mt 28:18-20; 1Ko 3:6-9) Akore ty fomba fampiasagne o fitaovagne vaovao rehoe?

Fomba fampianatse vaovao ty orihegne amy ty boke Ankamamio Nainai’e o Fiaignagneo! Oriho areke ty toromareke tsiampeampe retoa naho fa magnomagne rehe ndra naho fa mitarike fampianaragne Baiboly ama’e. *

• Vakio i fianaragney sady iharò midineke i fagnonteneagney

• Vakio i andinin-teny misy tihoey “vakio” sady ampeo i mpianatsey mba hahatrea ty fomba hagnoriha’e aze

• Alefaso i video rey sady iharò midineke i fagnonteneagne miarake ama’e rey

• Soa naho vitaegne indray mandeha ty lesogne tsikiraidraike

Naho fa manompo rehe, le i bokekeley hey ty atoloro mba hamantara’o tie liagne i ndatỳ sa tsy liagne. (Henteo ty efajoro tihoe “ Fomba Fanoloragne ty Bokekele Ankamamio Nainai’e o Fiaignagneo! Naho fa Mitory.”) Naho fa vita’areo ty fianaragne amy i bokekeley le naho mbe te hianatse i ndatỳ le omeo aze i bokey sady tohizo amy ty lesogne fahaefatse i fianaragney. Naho mampianatse Baiboly amy ty boke Ampianaregne Antikagne ndra Fitiavan’Andriamanitra rehe tie amy izao, le afindrao amy ty boke Ankamamio Nainai’e o Fiaignagneo! i fianaragney. Irehe ty hamantatse tie lesogne fahafire ty hanombohagne aze.

HENTEO TY VIDEO TIHOE TOLISOA AMY TY FIANARA’O BAIBOLY, LE VALEO RETOA:

• Ino ty raha hianara i mpianatsey amy i boke vaovaoy ao?

• Nagnino ro toko’e hatoro’o i mpianatsey hey o video iohoe?

• Inogne iaby ty raha toko’e horisihe’o mba hotratrare i mpianatsey naho hotratrare’e tsikede? (Henteo ty tabilò tihoe “ Foto-keve ty Fizaràgne Tsikiraidraike Naho ty Raha Ampanoegne i Mpianatsey.”)