Magnomey voninahitse i Jehovah sady mahafale ty mpivaly ty tokatragno o Kristiana sambatseo. (Mr 10:9) Mba hahavy ty Kristiana raike haharetse sady ho sambatse am-panambaliagne, le tsy maintsy magnorike soa ty toro lala ty Baiboly reke naho fa mifily ndaty ho valiegne.

Soa naho afara i “fivelara ty fahatanoragney” ty Kristiana raike ro mampiarake. Sarotse hoahy ty ndaty raike ty manapa-kevetse soa amo o fotoagne iohoe. (1Ko 7:36) Fahendreagne areke ty mampiasa soa ty fotoa’o amy ihe mbe tanoray mba hifandrambesagne marine aman’Andrianagnahare naho hanagnagne toetse Kristiana. Ho vita’o amy izay ty hanao raha mba hahavy azo ho sambatse am-panambaliagne naho fa afara agne.

Aloha ty hagnekea’o hanambaly ty ndaty raike, le manokagna fotoagne ampe soa mba hahafantara’o i “toetse mietake am-po’e” aoy. (1Pe 3:4) Naho misy raha tena mampisalasala azo, le ifampirehafo ama’e zay. Toko’e hieretseretse ty raha azo’o meagne rehe amo o fanambaliagneo ao fa tsy ty raha ho azo’o. (Fi 2:3, 4) Naho mampihatse ty toro lala ty Baiboly rehe aloha ty hanambalia’o, le hametrake fototse mafe soa amy ty fanagnagne keleiagne sambatse.

HENTEO TY VIDEO TIHOE FIOMANAGNE AMY TY FANAMBALIAGNE​—FIZARÀGNE 3: “KONTEO TY HO LANY”, LE VALEO RETOA:

• Nanao akore ty fifandrambesa i rahavavey naho i Vorike?

• Ino ty raha nivoamare i rahavavey naho fa nahafantatse aze soa reke?

• Akore ty nagnampea i rae aman-drene’ey aze, sady ino ty fanapahan-kevetse soa nirambese’e?