Nivakie’o soa vao i lahatsoratse tamy i Fitalakesan-davitse tamy ty taogne toy rey? Akore areke ty hamalea’o ty fagnonteneagne retoa?

Akore ty toko’e hiheverantika o voahosotseo?

Teantika ty hanahake ty finoa iareo. Faie tsy toko’e hataontikagne losotse loatse ty fagnajantika iareo. Mila mitao tika mba tsy ‘handroboke’ iareo. (Joda 16) Tsy toko’e hagnontane iareo miomba ty raha misy ifandrambesa’e amy i fanantena iareoy ka tika.​—w20.01, p. 29.

Nagnino rehe ro rese lahatse fa tena mahavazoho azo ty Jehovah?

Rehafe ty Baiboly fa mbe tan-troke ao rehe, le fa nivazoho i Jehovah. Mijanjigne ty vavake atao’o ka reke. Oni’e ty raha eretserete’o naho ze raha am-po’o ao, sady misy voka’e ama’e ty raha atao’o. (1 Tan. 28:9; Ohab. 27:11) Nitaone’e ka rehe mba hagnatogne aze.​—w20.02, p. 12.

Naho fa fotoagne manao akore rehe ro toko’e hirehake, le naho fa ombia rehe ro toko’e hitsigne?

Naho fa mahatrea hirike hirehafagne miomba i Jehovah. Toko’e hirehake ka tika naho treantika tie manomboke manao raha raty ty ndaty raike. Tsy toko’e hisalasala hagnomey torohevetse ka o androanavi-pagnahio, naho ilaegne zay. Mila mitao tika mba tsy hireha-drehake ndra hagnontane ty fomba anoagne ty asantika amy ty tane misy fandraragne agne. Tsy toko’e hampiboake tsiambaratelo ka tika.​—w20.03, p. 20-21.

Inogne ty tsy mampitovy i valala rehafegne amy Joela toko 2 aoy naho i valala amy Apokalypsy toko 9 aoy?

Rehafe ty Joela 2:20-29 fa ho roahen’Andrianagnahare i valala rey sady honera’e ze raha nisimbae iareo. Afara izay, le hampipoke ty fagnahi’e masigne reke. Nitanterake reo naho fa nanafike ty tanà o Israelio o Babylonianao. Fa i valala amy Apokalypsy 9:1-11 aoy manondro ty Kristiana voahosotse amo o androntika zao. Magnambara ty lilim-pitsaràn’Andrianagnahare amy ty tontolo raty toy iareo. Ty voka’e, mahatsiaro ho mijale ze ndaty manohagne aze.​—w20.04, p. 3-6.

Ia ty mpanjaka i avaratse amy izao?

I Rosia naho ty mpanohagne aze. Magnenjeke ty vahoan’Andrianagnahare iareo, sady mandrara ty asa fitoriagne. Trea amy ty raha atao iareo fa malaigne o Vavolombelo i Jehovah-o iareo. Mifaninagne amy ty mpanjaka i atimo ka o mpanjaka i avaratse iohoe.​—w20.05, p. 13.

O toetse rehafegne amy Galatianina 5:22, 23 ao reo avao vao ro agnisa ty “vokatse ty fagnahy”?

Aha’a. Magnampe antika hanagne toetse fanjaka hafa ka ty fagnahy masigne, agnisa izay tihoe tea raha vantagne. (Efes. 5:8, 9)​—w20.06, p. 17.

Nagnino ro va’e hagnoho-doza azo ty raha alefa’o amy Internet ao miomba azo?

Ty raha alefa’o amy Internet ao, le va’e hahatreavagne tie te hirehareha rehe fa tsy miambane.​—w20.07, p. 6-7.

Inogne ty azontika ianaragne boake amo o mpagnarato mahaio?

Amy ty fotoagne naho amy ty toeragne maro fiagne iareo ro magnarato. Mikezake ka iareo mba hahay hampiasa soa ze fitaovagne fagnaratoagne mete soa amy iareo eo. Bey herim-po iareo, le magnarato avao ndra tie miova tampoke i toets’androy. Azontika atao ka ty manahake iareo naho fa manompo.​—w20.09, p. 5.

Akore ty azontika agnampeagne o mpianatse Baibolio mba ho tena tea i Jehovah?

Azontikagne atao ty mandrisike iareo mba hamaky Baiboly isan’andro, naho hisaintsaigne ze nivakie iareo. Azontika atao ka ty mampianatse iareo hivavake.—w20.11, p. 4.

Ia ty teagne ho rehafegne amy tihoe ‘hovelomegne amy i Kristy ao ty ndaty iaby’?​—1 Kor. 15:22.

Tsy te hirehake ty apostoly Paoly tie hovelomegne iaby ze kila ndaty fa nimate. Agnisa ireo o Kristiana voahosotse ‘nihamasinegne tamy i Kristy Jesosy tao’ reo. (1 Kor. 1:2; 15:18)​—w20.12, p. 5-6.

Inogne ty hatao o voahosotseo afara ty ‘hagnovagne iareo agnate ty fotoagne fohe, naho fa magneno i trompetra fara’ey’?​—1 Kor. 15:51-53.

Hiarake amy i Kristy iareo, le hifehe o ndatio amy ty doda vigne. (Apok. 2:26, 27)​—w20.12, p. 12-13.