Mamela heloke rehe naho tsy boseke sasa amy ze nanao raha tsy nimete tama’o sady tsy mitagne am-po. Faie tsy tihoe zay tie hamorae’o i hadisoa’ey ndra atao’o sare tsy trea.

TORO LALA TY BAIBOLY: “Mifankatanteza lognandro sady mahaia mifamela heloke tanterake, naho misy managne anto’e hitaraignagne miomba ty ila’e.”​—Kolosianina 3:13.

“Tsy hifantoke amy ty toetse raty ty ndaty raike rehe naho tea aze. Ikezaho henteagne tie, ino ty fa natao’e mba hanagnagne toetse soa.”​—Avisoa.

Va’e harare ndra ho kivy ndra hinekoneko lava rehe naho mitagne am-po. Va’e hanimba ty tokantragno’o tsikikede reo.

“Nanao raha tena namparare fo ahy ty valiko indraike zay, le niala tsiny tamako reke. Tsy vitako ty namela aze naho tsy le fa ela tafara tatoy. Faie tahake izay raho tsy nandigne ela bey hoe izay. Nanjare nanagne olagne bey reke, ie amy izao azo atao ty nandamigne izay.”​—Julia.

FANTARO RETOA

Naho namparare fo azo ty raha nirehafe i vali’o ndra ty raha natao’e, le saintsaigno retoa:

• ‘Tsiela boseke vao raho?’

• ‘Tena raty vao i rahay le tsy hamela i valiko raho naho tsy miala tsiny reke? Kera ndra azoko halignovegne avao i rahay?’

MIREHAFA AMY I VALI’O

• Elaela vao tika vaho izay mifamela heloke sa le avy le mifamela?

• Ino ty azontika atao mba hahavy antika le avy le hifamela naho fa misy manao diso?

SOSO-KEVETSE

• Ko le avy le mieretseretse tie raty saigne ty vali’o kanao nanao raha nahaboseke azo.

• Mikezaha hamela ty helo’e sady ko haligno fa ‘sambe manao diso tikagne iaby.’​—Jakoba 3:2.

“Mora ty mamela heloke naho sambe manao diso tikagne. Faie sarotse ty manao izay, naho ohatse ty raike avao ro diso. Tena mila miambane rehe vaho izay hahavita hagneke ty fialan-tsini’e naho hamela heloke aze.”​—Caroline.

TORO LALA TY BAIBOLY: “Mifandamina malaky.”​—Matio 5:25.