Ampeo ty Hafa le Tsy Hahatsapa ho Irerike Rehe: Ino ty Rehafe ty Baiboly?
Ndaty maro magneran-tane ty mahatsapa ho irerike satria tsy mba mifandrambe amy ty hafa. Rehafe o dokoterao fa tsy hahatsapa ho irerike ty ndaty raike naho tea magnampe ty hafa.
“Naho itika tea magnampe ty hafa le hanjare hisy dika’e ty fiaignantikagne. Tsy izay avao fa hanjare hifandrambe amy ty hafa ka tikagne naho fa manao izay, le tsy hahatsapa ho irerike.”—U.S. National Institutes of Health.
Magnomey torohevetse tena mete soa amy ty fomba hagnampeagne ty hafa ty Baiboly. Tsy hahatsapa ho irerike tikagne naho mampihatse o torohevetse rehoe.
Ty raha azo’o atao
Mikezaha mba hatarike. Mipaliava hirike mba hiharoagne amy ty hafa. Zarao amy iareo ze raha anagna’o. Ho fale iareo naho manao izay rehe sady hanjare ho mpiragnetse nareo.
Toro lala ty Baiboly: “Mizara magnomey, le homeigne ka nareo.”—Lioka 6:38.
Ampiasao hoahy ty hafa ty fotoa’o naho ty heri’o. Mipaliava fomba hahafaha’o magnampe ze ndaty miatreke raha sarotse. Agnisa izay ohatse ty fikezahagne hitsanogne soa iareo ndra ka manao raha azo tsapaen-tagnagne mba hagnampeagne aze amy i raha sarotse atrehe’ey.
Toro lala ty Baiboly: “Tea lognandro ty ragnetse vata’e.”—Ohabolana 17:17.
Vakio ty lahatsoratse tihoe “Fianakaviana sy Namana” naho tea’o ty hahafantatse ty raha hagnampe azo mba hifandrambe soa amy ty hafa.
Va'e ho Tea'o Ka
FAMPIANARA TY BAIBOLY
Andramo ty fampianara’ay Baiboly
Afake mianatse Baiboly maimaim-poagne miarake amy ty ndaty hagnampe azo hianatse aze rehe.
