Hanintogne:

• Hira Misy Note

1. 1. Hoe montso tsisy tane hombagne

   Lompolompo mila hazavagne.

   Ty fiaignako hoe tsisy mamy.

   Miandrandra fiovagne.

   Ia ty afake hagnomey toky ahy?

   Mba ho lamilamy hoahy?

   Ia ty ho tea ahy?

   (FIHEREGNAGNE)

   Magnatanjake ahy reke

   Mba tsy hampiondreke ahy,

   Mahatsapa ze am-poko ao,

   Tea ahy ndra tie diso raho,

   Magnampe ahy hiova avao,

   Ho ndaty vaovao

   Ho sahy, hatoky aze raho.

   Jehovah agnilako eo avao.

   Tsy magnary ahy,

   Mitantagne ahy,

   Aman-kasoa fagnahy

   Mitarike ahy

   Naho mampianats’ahy

   Nimea’e toky raho.

2. 2. Ndre enga ty longo

   Matokisa rehe fa

   Tsy montso zao

   Handrambe azo Re

   Le hampahitsy ze hoe mengoke

   Sady Hampahimbagne azo

   (FIHEREGNAGNE)

   Hagnatanjake azo reke

   Mba tsy hampiondreke azo,

   Mahatsapa ze am-po o ao,

   Tsy kivy naho diso rehe,

   Hagnampe azo hiova avao,

   Ho ndaty vaovao,

   Engao reke hitarike azo.

   Jehovah agnilantika avao.

   Eo reke, eo reke.

   Jehovah agnilantika avao.

   Tsy mba hagnary reke,

   Hitantagne,

   I reke bey hatea.

   Jehovah agnilantika avao.

   Hampianatse,

   Naho hitarike,

   Andao hitavandra aze.

   (FIHEREGNAGNE)

   Ampea’e raho mba

   Tsy hiondreke sasa,

   Halami’e ty am-poko ao,

   Tea ahy ndra tie diso raho,

   Magnampe ahy hiova avao,

   Ho ndaty vaovao,

   Handeha hitavandra aze raho.

   Jehovah agnilantika avao.

   Eo reke, eo reke.

   Jehovah agnilantika avao.

   Eo reke, eo reke.

   Jehovah agnilantika avao.