కీర్తనలు 145:1-21
దావీదు స్తుతిగీతం.
א [ఆలెఫ్‌]
145 నా దేవా, నా రాజా, నేను నిన్ను ఘనపరుస్తాను,+నిరంతరం నీ పేరును స్తుతిస్తాను.+
ב [బేత్‌]
2 రోజంతా నేను నిన్ను స్తుతిస్తాను.+నిరంతరం నీ పేరును స్తుతిస్తాను.+
ג [గీమెల్‌]
3 యెహోవా గొప్పవాడు, అత్యంత స్తుతిపాత్రుడు;+ఆయన గొప్పతనాన్ని అర్థంచేసుకోవడం అసాధ్యం.+
ד [దాలెత్‌]
4 తరతరాలు ప్రజలు నీ పనుల్ని స్తుతిస్తారు;నీ శక్తివంతమైన కార్యాల గురించి చెప్తారు.+
ה [హే]
5 నీ ఘనత, మహిమ, వైభవం గురించి వాళ్లు మాట్లాడతారు,+నీ అద్భుతమైన పనుల గురించి నేను ధ్యానిస్తాను.
ו [వావ్‌]
6 వాళ్లు సంభ్రమాశ్చర్యాలు పుట్టించే నీ కార్యాల* గురించి మాట్లాడతారు,నీ గొప్పతనాన్ని నేను చాటిచెప్తాను.
ז [జాయిన్‌]
7 నీ అపారమైన మంచితనాన్ని గుర్తుచేసుకున్నప్పుడు వాళ్ల స్తుతులు పొంగిపొర్లుతాయి,+నీ నీతిని బట్టి వాళ్లు సంతోషంతో కేకలు వేస్తారు.+
ח [హేత్‌]
8 యెహోవా కనికరం,* కరుణ గలవాడు,+ఆయన ఓర్పును,* గొప్ప విశ్వసనీయ ప్రేమను చూపిస్తాడు.+
ט [తేత్‌]
9 యెహోవా అందరికీ మంచి చేస్తాడు,+ఆయన కరుణ ఆయన పనులన్నిట్లో కనిపిస్తుంది.
י [యోద్‌]
10 యెహోవా, నీ పనులన్నీ నిన్ను మహిమపరుస్తాయి,+నీ విశ్వసనీయులు నిన్ను స్తుతిస్తారు.+
כ [కఫ్‌]
11 నీ రాజరిక మహిమను వాళ్లు చాటిచెప్తారు,+నీ గొప్ప బలం గురించి మాట్లాడతారు;+
ל [లామెద్‌]
12 అలా వాళ్లు, నీ శక్తివంతమైన పనుల గురించి,మహిమాన్వితమైన నీ రాజరిక వైభవం+ గురించి ఇతరులకు తెలియజేస్తారు.
מ [మేమ్‌]
13 నీ రాజరికం నిరంతరం ఉంటుంది,నీ పరిపాలన తరతరాలు నిలిచి ఉంటుంది.+
ס [సామెఖ్‌]
14 పడిపోయే వాళ్లందర్నీ యెహోవా ఆదుకుంటాడు,+కృంగిపోయిన వాళ్లందర్నీ ఆయన పైకి లేపుతాడు.
ע [అయిన్‌]
15 అన్ని ప్రాణుల కళ్లు ఆశతో నీవైపు చూస్తున్నాయి;నువ్వు తగిన కాలంలో వాటికి ఆహారం ఇస్తావు.+
פ [పే]
16 నువ్వు నీ గుప్పిలి విప్పిప్రతీ జీవి కోరికను తృప్తిపరుస్తున్నావు.+
צ [సాదె]
17 యెహోవా తన మార్గాలన్నిట్లో నీతిగలవాడు,+తన పనులన్నిట్లో విశ్వసనీయుడు.+
ק [ఖొఫ్‌]
18 తనకు మొరపెట్టే వాళ్లందరికీ,నిజాయితీతో* తనకు మొరపెట్టే వాళ్లందరికీ యెహోవా దగ్గరగా ఉన్నాడు.+
ר [రేష్‌]
19 తనకు భయపడేవాళ్ల కోరికను ఆయన తీరుస్తాడు;+సహాయం కోసం వాళ్లు పెట్టే మొరలు విని వాళ్లను రక్షిస్తాడు.+
ש [షీన్‌]
20 తనను ప్రేమించే వాళ్లందర్నీ యెహోవా కాపాడతాడు,+అయితే దుష్టులందర్నీ ఆయన పూర్తిగా నాశనం చేస్తాడు.+
ת [తౌ]
21 నా నోరు యెహోవా స్తుతుల్ని ప్రకటిస్తుంది;+ప్రతీ ప్రాణి యుగయుగాలు ఆయన పవిత్రమైన పేరును స్తుతించాలి.+
