2022, నవంబరు 14న స్టావ్రోపోల్‌ టెరిటరీలోని జార్జివెస్కీ సిటీ కోర్టు బ్రదర్‌ అనాటోలిని, ఆయన భార్య ఇరినాని అలాగే బ్రదర్‌ విక్టర్‌ని నేరస్థులుగా తీర్పు తీర్చింది. అనాటోలీకు దిద్దుబాటు చర్యగా నాలుగు సంవత్సరాల రెండు నెలలపాటు వెట్టిచాకిరి చేసే శిక్షను విధించారు. ఇరినాకు వాయిదా పద్ధతిలో నాలుగు సంవత్సరాల రెండు నెలల జైలు శిక్ష పడింది. విక్టర్‌కు ఆరు సంవత్సరాల రెండు నెలల జైలు శిక్షను విధించి, వెంటనే అరెస్ట్‌ చేశారు.

1. అక్టోబరు 23, 2019

   జార్జివెస్క్‌లోని యెహోవాసాక్షులు ఉన్న మూడు ఇళ్లను పోలీసులు సోదా చేశారు. అలా సోదా చేస్తున్నప్పుడు ఆఫీసర్లే రహస్యంగా వాళ్ల ఇళ్లల్లో కొన్ని వస్తువుల్ని పెట్టి, వాళ్ల మీద నేరారోపణ చేయడానికి, తర్వాత వాటిని ఆధారాలుగా ఉపయోగించారు. అనాటోలి, ఇరినా, విక్టర్‌ల తోపాటు ఇంకో ఎనిమిది మంది సాక్షులను పోలీసులు అరెస్ట్‌ చేసి, రాత్రంతా విచారణ చేశారు

2. డిసెంబరు 30, 2019

   అనాటోలి, ఇరినా అలాగే విక్టర్‌కి వ్యతిరేకంగా ఒక క్రిమినల్‌ కేసు ఫైల్‌ చేశారు

3. జనవరి 23, 2020

   విక్టర్‌ని ఇంకొంత విచారణ చేయడానికి పిలిపించి, కొంత సమయం ఒకచోట నిర్బంధించారు. ఆ తర్వాతి రోజు విచారణ చేయడానికి ముందు, మరో జైలుకి తీసుకెళ్లారు

4. మార్చి 23, 2020

   విక్టర్‌ని ఆ జైలు నుండి విడుదల చేసి హౌస్‌ అరెస్ట్‌ చేశారు

5. మే 6, 2020

   విక్టర్‌ని హౌస్‌ అరెస్ట్‌ నుండి విడుదల చేసి, ప్రయాణం చేసే విషయంలో ఆంక్షలు పెట్టారు

6. అక్టోబరు 6, 2021

   ప్రయాణం చేసే విషయంలో విక్టర్‌కి పెట్టిన ఆంక్షల్ని ఎత్తేశారు

7. మార్చి 10, 2022

   క్రిమినల్‌ కేసు కోర్టు మెట్లు ఎక్కింది

ఈ సహోదర సహోదరీలు ఇవన్నీ సంతోషంగా, ఒక ఆశతో సహించడం చూసినప్పుడు, యెహోవా ఎల్లప్పుడూ ‘తనకు మొరపెట్టే వాళ్లందరికీ దగ్గరగా ఉంటాడు’ అనే మన నమ్మకం బలపడుతుంది.—కీర్తన 145:18.