Aitetemet 1

1. Aibo abunioto iboro kere nukajokak, ido ipedori ijo aijaikin aanyunet?

2. Inyo ibore yenisodit Edeke aisub?

3. Kanukinyo etegelikinar emalaika losodit?

4. Kitetem epone lo ajaar akwap kotoma ageunet. (Koany aputo.)

5. Epone ani ageuna Edeke aitemonokin akwap kanuka itunga ka itiang?

Angiseta nuiyatakina:

1. Kosiom Yeremia 10:12.

   Anu iponesio luka Edeke luitodunitai kotoma aisub? (Isa. 40:26; Rom. 11:33)

2. Kosiom Ikolosain 1:15-17.

   Aswam ani ajaatar Yesu kotoma asubio, ido epone ani etiroritor na epone lo isesena oni nges? (Kol. 1:15-17)

3. Kosiom Ageun 1:1-10.

   1. Epone ani ageunor akwap? (Age. 1:1)

   2. Inyo abu otakanu apaaran nasodit nakasubio? (Age. 1:3-5)

   3. Itetem nuapotu otakanutu kapaaran nakiaret nakasubio. (Age. 1:7, 8)

Aitetemet 2

1. Epone ani etemonokina Edeke akwap araun ere wok?

2. Kiteten agelegeleta nuipu kotiang luasubit Edeke. (Koany aputo.)

3. Kanukinyo araar emanikor loka Eden loetegelikina?

4. Inyoin akoto Edeke akwap kere araun?

Angiseta nuiyatakina:

1. Kosiom Ageun 1:11-25.

   1. Inyo abu Edeke kosub kapaaran nakiuniet naka aisub? (Age. 1:12)

   2. Inyo abu kotakan kapaaran nakiwongonet naka aisub? (Age. 1:16)

   3. Itiang inyoika abu Edeke kosub kapaaran kakikanyet ka apaaran nakikanyetekape? (Age. 1:20, 21, 25)

2. Kosiom Ageun 2:8, 9.

   Ikito iarei anu luetegelikina noi lu abu Edeke kiraik omanikor, ido inyoin etodunitos kesi?

Aitetemet 3

1. Epone ani egelakinar aputo na ejai Aitetemet na 3 kotoma aputo na ejai Aitetemet na 2?

2. Ingai asubi etunganan losodit ido ingai ekiror etunganan kangol?

3. Anyoin aswam abu Edeke kijaik Adam aswam?

4. Kanukinyo ejaikina Edeke Adam ajotoor ajo nuipu?

5. Apak na etia ai abeit ti Adam ka Keba adaun ejarete, ido aswam anyoin akotor Yawe kes aswam?

Angiseta nuiyatakina:

1. Kosiom Isabulin 83:18.

   Ingai ekiror loka Edeke, ido anyoin adoketait ke na itegelikina kotoma akwap? (Yer. 16:21; Dan. 4:17)

2. Kosiom Ageun 1:26-31.

   1. Inyoin ibore yeni erikakina Edeke aisub ke kapaaran nakikanyetekape, ido epone ani agelakinar isubat yen kotoma otiang? (Age. 1:26)

   2. Ainakinet ani abu Yawe koinak etunganan ka itiang? (Age. 1:30)

3. Kosiom Ageun 2:7-25.

   1. Inyoin emoriarit aswam naka Adam na amaanakin itiang ikiroria? (Age. 2:19)

   2. Epone ani ingarakina Ageun 2:24 oni amisikin epone lo esesena Yawe emanyit, atiakakin ka ainyeinio? (Mat. 19:4-6, 9)

Aitetemet 4

1. Kotoma aputo, inyo ejai atakanikin Adam ka Keba?

2. Kanukinyo etisilara Yawe kesi?

3. Anyoika abu emun kolimok Keba?

4. Ingai abu koinak emun ainerakin ka Keba?

5. Kanukinyo atwaniaratar Adam ka Keba erekec loarai Paradais?

Angiseta nuiyatakina:

1. Kosiom Ageun 2:16, 17 ka 3:1-13, 24.

   1. Epone ani ejulakina angiset naka emun nejaai Keba ejautene loka Yawe? (Age. 3:1-5; 1 Yok. 5:3)

   2. Epone ani eraar Keba aikwenyaret ne ijaai oni? (Pil. 4:8; Yak. 1:14, 15; 1 Yok. 2:16)

   3. Koipone ani agirotor Adam ka Keba acamun alangir na aswamisio kec? (Age. 3:12, 13)

   4. Oipone ani apedoriata ikerubin luebwaikinitai ari nakokide naka emanikor loka Eden aitwongwo epugae loka Yawe? (Age. 3:24)

2. Kosiom Apukokinio 12:9.

   Kiton ne etia ai apedoria Satan aibelokin itunga awai kopugae loka Edeke? (1 Yok. 5:19)

Aitetemet 5

1. Ekoni bo aijar ai kanuka Adam ka Keba kokinga naka emanikor loka Eden?

2. Inyo abu ogeun atakanikin Adam ka Keba, ido kanukinyo?

3. Kanukinyo emojongatar ido etwakatar idwe luka Adam ka Keba?

4. Korai Adam ka Keba orimaritos Yawe, ti aijar ejaai biai kanukec ka idwe kec?

5. Epone ani ejaikina emwangit loka Keba ngesi alopet apipilu?

6. Ijeni ikiroria luka isap iarei lusodit luka Adam ka Keba?

7. Idwe ice luejaasi toma aputo kesi luangai?

Angiseta nuiyatakina:

1. Kosiom Ageun 3:16-23 ka 4:1, 2.

   1. Epone ani abu aijar naka Adam ojaunor kanuka ekenit loka alup? (Age. 3:17-19; Rom. 8:20, 22)

   2. Kanukinyo araai ekiror Keba apolou ke “Ajaran” loadolit? (Age. 3:20)

   3. Epone ani etodikina Yawe Adam ka Keba apodokinit karaida edaunitos kesi adiakar? (Age. 3:7, 21)

2. Kosiom Apukokinio 21:3, 4.

   Inyoika iboro “lusodit” luiseseni ijo lu ti elemar?

Aitetemet 6

1. Anyoika aswamisio nuapotu Kain ka Abel Konyangasi?

2. Anyoika ainakineta nuapotu Kain ka Abel kijaikis Yawe?

3. Kanukinyo eyalamar Yawe ka ainakinet naka Abel, ido kanukinyo mam nges eyalamar ka ainakinet naka Kain?

4. Erai Kain etunganan lo ikoni ai, ido epone ani atamia Yawe aiteten nges?

5. Inyoin abu Kain kiswama ne ajaatar nges ka onaceke bon omanikor?

6. Kitatam nuapotu kotakanikis Kain akaulo na nges aiyar onaceke.

Angiseta nuiyatakina:

1. Kosiom Ageun 4:2-26.

   1. Epone ani etatama Yawe ejautene loarono loajai Kain toma? (Age. 4:7)

   2. Epone ani etoduna Kain ejautene lo otau ke? (Age. 4:9)

   3. Biai esesena Yawe abukonorio naka aokot numam aronis? (Age. 4:10; Isa. 26:21)

2. Kosiom 1 Yokana 3:11, 12.

   1. Kanukinyo enepuna Kain kede anyunyura, ido epone ani ijaikina ngin oni aikwenyaret lolo? (Age. 4:4, 5; Awa. 14:30; 28:22)

   2. Epone ani itodunitor Ebaibuli ebe karaida itepegata lukokale wok kere Yawe ipedori oni apaikin iinakina? (Sab. 27:10; Mat. 10:21, 22)

3. Kosiom Yokana 11:25.

   Anyoin aitogogongoret na ijaikini Yawe ngul kere luetwakete kanuka adolit? (Yok. 5:24)

Aitetemet 7

1. Epone ani etegelikinar Enok?

2. Kanukinyo eswamatar itunga kapaarasia nuka Enok luipu nuaroko?

3. Inyoika iboro luaroko lueswamaete itunga? (Koany aputo.)

4. Kanukinyo ebusakinitor Enok orai loatiting?

5. Apak na atia ai adaunete itunga ejarete kolo, konye apak natia ai obu Enok odau ejari?

6. Inyoin abu otakan akaulo na atwania Enok?

Angiseta nuiyatakina:

1. Kosiom Ageun 5:21-24, 27.

   1. Enyoin edicane lo ajaatar Enok ka Yawe? (Age. 5:24)

   2. Kotoma Obaibuli, ingai bo etunganan lo amojongit noi lo iboit kotoma akwap ido arai nges lo ikar idi etwani? (Age. 5:27)

2. Kosiom Ageun 6:5.

   Epone ani obu ejautene oroniaror kotoma akwap akaulo na atwania Enok, ido epone ani itirianere kede apaarasia wok? (2 Tim. 3:13)

3. Kosiom Iburanian 11:5.

   Eipone Enok ani loabu “kisialamik Edeke noi,” ido anyoika nu obu nges odum? (Age. 5:22)

4. Kosiom Yuda 14, 15.

   Epone ani epedoriata Ikristayon lolo aisisiaun atiting naka Enok ne ikwenyanaratar kes itunga nuikamunitos abunore naka ejie loka Arumagedon? (2 Tim. 4:2; Bur. 13:6)

Aitetemet 8

1. Inyo abu kotakan ne apupokinatar imalaikan ice luka Edeke Satan?

2. Kanukinyo ajalakinatar imalaikan ice aswam kec kokuju kosodete abunore akwap?

3. Kanukinyo araar ibore yeni arono imalaikan abunore akwap ka ainap awate nuka itunga?

4. Inyoin etegelikina kotoma odwe luka imalaikan?

5. Kwape isesenia ijo kotoma aputo, inyo eswamaete idwe luka imalaikan ne eraunatar kesi lukos?

6. Akaulo Enok, ingai etunganan lo ajok aiboi kotoma akwap ido kanukinyo aminar Edeke ngesi?

Angiseta nuiyatakina:

1. Kosiom Ageun 6:1-8.

   Inyoin itodunit Ageun 6:6 nuikamunitos epone lo itakadikinatar iponesio wok Edeke? (Sab. 78:40, 41; Awa. 27:11)

2. Kosiom Yuda 6.

   Epone ani eraatar imalaikan “lumam apotu Koricata ayaitekec” kapaarasia nuka Noa aisitoikinet ne ijai oni lolo? (1 Kor. 3:5-9; 2 Pet. 2:4, 9, 10)

Aitetemet 9

1. Itunga idi ajaasi okale loka Noa ido ijeni ikiroria lu isap ke iuni?

2. Inyoin ibore yen aumokina yen abu Edeke ingit Noa aswam, ido kanukinyo?

3. Epone ani apotu idunyeta luka Noa ojaunotor ne alimokina ngesi kes nuekamunitos ataker?

4. Inyoin abu Edeke olimok Noa aswam kede itiang?

5. Akaulo na agolokina Edeke ekek loka ataker, inyoin ebusakinit Noa ka ekale ke aswam?

Angiseta nuiyatakina:

1. Kosiom Ageun 6:9-22.

   1. Inyoin abu koinak Noa erai lo ebwoi kwape loitegelikina kotoma aimaa Edeke lokabeit? (Age. 6:9, 22)

   2. Epone ani iteio Yawe amumu, ido epone ani etiroria ne epone lo iseununa oni aitalakanar? (Age. 6:11, 12; Sab. 11:5)

   3. Epone ani iputoria oni Noa ne idumuna oni aitetenio kotoma atukot naka Yawe? (Age. 6:22; 1 Yok. 5:3)

2. Kosiom Ageun 7:1-9.

   Epone ani isinyikokina oni lolo akirot na ebe, abu Yawe kosesen Noa etunganan lo erumunit amamus adolit kwape lo edolit? (Age. 7:1; Awa. 10:16; Isa. 26:7)

Aitetemet 10

1. Kanukinyo mam bobo ice epedoria alomar toma ataker ne ageunia akiru aitep?

2. Apaarasia ka akwaresia adi abu Yawe kijaik akiru aitep, ido kikeunos akipi aidules na atia ai?

3. Inyoin abu kotakanik ataker kwape ageuniata akipi arapaar akwap?

4. Apotu kereka itunga lukos kokuata Akalele, ido inyo abu kotakanin lukapapa kec itunga lukos?

5. Inyo abu kotakanik ataker akaulo na ilapio ikany?

6. Kanukinyo ejukaria Noa ekuruk kinga naka ataker?

7. Epone ani ajenuna Noa ebe ejesaros akipi kotoma akwap?

8. Inyo abu Edeke kolimok Noa akaulo na ngesi ka ekaleke ajaun toma ataker adepar ekaru?

Angiseta nuiyatakina:

1. Kosiom Ageun 7:10-24.

   1. Atia ai amudiariar naka aijar kotoma akwap? (Age. 7:23)

   2. Apak na etia ai abu koyangait akipi nuka Akalele aijesar kwap? (Age. 7:24)

2. Kosiom Ageun 8:1-17.

   Epone ani itodunitor Ageun 8:17 ebe alosikinet naka Yawe nasodit kanuka akwap mam abu ijulakin? (Age. 1:22)

3. Kosiom 1 Petero 3:19, 20.

   1. Ne atamatar imalaikan luepali abongor kuju, etube enyoin apotu kesi kodumutu? (Yuda 6)

   2. Epone ani itogogongatar akiro nuka Noa ka ekaleke amuno wok kotoma apedor naka Yawe alakun iketunga? (2 Pet. 2:9)

Aitetemet 11

1. Kwape itodunitere kotoma aputo, inyo abu Noa iswama nepe adokuna ataker?

2. Aicorakinet ani abu Edeke koinak Noa ka ekaleke akaulo na Akalele?

3. Anyoin aisumunet abu Edeke koinak?

4. Ne ianyuna oni etaluka, inyoin isitikini nges oni?

Angiseta nuiyatakina:

1. Kosiom Ageun 8:18-22.

   1. Epone ani kijaaikina oni Yawe lolo “asakat na eur maa?” (Age. 8:21; Bur. 13:15, 16)

   2. Anyoin angicunet na abu Yawe koany na ekamunit ejautene loka etau loka etunganan ido acoikina ani ibusakit oni aitosom? (Age. 8:21; Mat. 15:18, 19)

2. Kosiom Ageun 9:9-17.

   1. Anyoin aitutuket abu Yawe kiswamaa kede isuban kere luka akwap? (Age. 9:10, 11)

   2. Edauni aitutuket naka etaluka apak na etia ai? (Age. 9:16)

Aitetemet 12

1. Ingai bo Nimurod, ido epone ani asesena Edeke nges?

2. Kotoma aputo kanukinyo asubatar itunga amatapalin?

3. Kanukinyo mam Yawe eyalamaar kede aduko ngin?

4. Epone ani etapaikina Edeke adukio naka egoropa?

5. Ekiror ani amaikinitai ere ngol, ido inyoin apolou ekiror kangol?

6. Inyo abu otakanik itunga akaulo na etolitolikina Edeke angajepa kec?

Angiseta nuiyatakina:

1. Kosiom Ageun 10:1, 8-10.

   Inyoika iponesio luabu Nimurod kitodu, ido aikwenyaret ani ijakinit na oni? (Awa. 3:31)

2. Kosiom Ageun 11:1-9.

   Anyoin alosikinet ajaai kau na adukio naka egoropa, ido kanukinyo abeitor aswam ngin aibiror? (Age. 11:4; Awa. 16:18; Yok. 5:44)

Aitetemet 13

1. Itunga inyoika lueboete ore loka Ur?

2. Ingai bo etunganan loejai toma aputo, iwori bo aurunere nges ido aibo eboio nges?

3. Inyoin bo abu Edeke olimok Aburaam aswam?

4. Kanukinyo anyaritere Aburaam epapero loka Edeke?

5. Luangai apotu kouparos nepepe ka Aburaam ne anyouna nges ajalakin Ur?

6. Anyoika abu Edeke kolimok Aburaam kedol nges akwap naka Kanaan?

7. Aisumunet anyoin abu Edeke koinak Aburaam ne araunor nges lo ikar 99 lu amojong?

Angiseta nuiyatakina:

1. Kosiom Ageun 11:27-32.

   1. Epone ani ajenatar Aburaam ka Lot? (Age. 11:27)

   2. Karaida imarakinitai Tera kwape lo etonyouni ekaleke aibe Kanaan, epone ani ijenuna oni ebe arai Aburaam cut nges ageuni aomisioit na, ido kanukinyo eswama nges nuu? (Age. 11:31; Asw. 7:2-4)

2. Kosiom Ageun 12:1-7.

   Aitalalar atutuket naka Aburaam anyoin nabu Yawe iswama akaulo na Aburaam adolore akwap naka Kanaan? (Age. 12:7)

3. Kosiom Ageun 17:1-8, 15-17.

   1. Aijulakinet na ekiror ani nabu Aburam kodum ne araar nges lo ikar 99 lukamojong, ido kanukinyo? (Age. 17:5)

   2. Arerengusio nukoingaren anyoika nuabu Yawe kisumunit Sara? (Age. 17:15, 16)

4. Kosiom Ageun 18:9-19.

   1. Kotoma Ageun 18:19, aswamisio anyoika edakakinitai luka papa? (Ikis. 6:6, 7; Pes. 6:4)

   2. Aitejenaret ani naka Sara na itodunit ebe mam oni ipedori aingada idio bore kanei Yawe? (Age. 18:12, 15; Sab. 44:21)

Aitetemet 14

1. Aisumunet anyoin abu Edeke koinak Aburaam ido epone ani abu Edeke idaria aisumunet ke?

2. Kwape itodunitere kotoma aputo, epone ani etemia Edeke aiyuun naka Aburaam?

3. Inyo abu Aburaam kiswama karaida mam nges emisikinit apolou na acorakinet naka Edeke?

4. Inyo abu kotakan ne alemuna Aburaam ekileng ti ayaria okokuke?

5. Atia bo ai agogong naka aiyuun na ajaatar Aburaam ne ejai Edeke?

6. Inyoin do abu Edeke koinak Aburaam ajaaikin kwape ainakinet naicweio, ido opone ani?

Angiseta nuiyatakina:

1. Kosiom Ageun 21:1-7.

   Kanukinyo akepia Aburaam okokuke kotoma apaaran nakikanyetekauni? (Age. 17:10-12; 21:4)

2. Kosiom Ageun 22:1-18.

   Epone ani etoduna Isaak ebe anonokikit nges Aburaam papake, ido epone ani etupusitor na nuepote aiswamaun oingaren ido nu epol apolou kec? (Age. 22:7-9; 1 Kor. 5:7; PiI. 2:8, 9)

Aitetemet 15

1. Kanukinyo atiakakinotor Aburaam ka Lot?

2. Kanukinyo aseuna Lot aiboi ko Sodom?

3. Ekote bo itunga luko Sodom ai?

4. Aikwenyaret anyoin apotu imalaikan iarei koinakisi Lot?

5. Kanukinyo araunor aberu naka Lot epir loka amunyu?

6. Anyoika nu isisiauni oni kakiro nuikamunitos aberu naka Lot?

Angiseta nuiyatakina:

1. Kosiom Ageun 13:5-13.

   Kanu aitemonokin atiokisio koding naka itunga idiope diope, anyoika isisiauni oni kanejai Aburaam? (Age. 13:8, 9; Rom. 12:10; Pil. 2:3, 4)

2. Kosiom Ageun 18:20-33.

   Epone ani ijaikina oni aiswamanara naka Yawe ka Aburaam amun ebe, epote Yawe ka Yesu aitub etube kadolit? (Age. 18:25, 26; Mat. 25:31-33)

3. Kosiom Ageun 19:1-29.

   1. Anyoika nu itodunit Ebaibuli kopone lo esesena Edeke iketepak ikiliok? (Age. 19:5, 13, Leb. 20:13)

   2. Anyoin atiaketait na idumuni oni kopone lo apupokina Lot ka Aburaam aitetenio naka Edeke, ido anyoika nu isisiauni oni kotoma anu? (Age. 19:15, 16, 19, 20; 22:3)

4. Kosiom Luka 17:28-32.

   Enyoin ajautenete loka otau lo ajaatar aberu naka Lot toma oboro luka akwap, ido epone ani eraar na aikwenyaret ne ijaai oni? (Luka 12:15; 17:31, 32; Mat. 6:19-21, 25)

5. Kosiom 2 Petero 2:6-8.

   Kanu aputoor ka Lot, epone ani ibusakinitor oni asesen itunga lumam eyongitos Edeke lu elukakinitos oni? (Esk. 9:4; 1 Yok. 2:15-17)

Aitetemet 16

1. Ingai bo etunganan ka aberu lu ejaasi toma aputo?

2. Inyo abu Aburaam iswama kanu adumakin okooke aberu ido kanukinyo?

3. Epone ani abongokinere ailip naka ebulesit loka Aburaam?

4. Abongokinet anyoin abu Rebeka koinak ne engisere ngesi aarai ekoto adukokin ka Isaak?

5. Inyo abu koinak Isaak aiyalamikin bobo?

Angiseta nuiyatakina:

1. Kosiom Ageun 24:1-67.

   1. Inyoika iponesio luajokak lu abu Rebeka itodu ne eriamunotor ka ebulesit loka Aburaam atan? (Age. 24:17-20; Awa. 31:17, 31)

   2. Aitemonokineta nuka Aburaam kanuka Isaak ijaaikinit Ikristayon luka lolo aanyunet najokak anyoin? (Age. 24:37, 38; 1 Kor. 7:39; 2 Kor. 6:14)

   3. Kanukinyo ibusakinitor oni adumun apak aomoom, kwape eswama Isaak? (Age. 24:63; Sab. 77:12; Pil. 4:8)

Aitetemet 17

1. Lubo angai Esau ka Yakob ido epone ani agitakinatar kes?

2. Araasi Esau ka Yakob lu ikar idi lukapolon etwani papaakec Aburaam?

3. Inyo abu Esau iswama yeni abu kitakadik totoke ka papake noi?

4. Kanukinyo anyunyurikina Esau onaceke Yakob?

5. Anyoin aicorakinet na abu Isaak koinak Yakob okokuke?

Angiseta nuiyatakina:

1. Kosiom Ageun 25:5-11, 20-34.

   1. Inyo abu Yawe kodwarite nuekamunito isap iarei luka Rebeka? (Age. 25:23)

   2. Atiaketait anyoin ajai kiding epone lo asesenatar Yakob ka Esau apedor na airumun? (Age. 25:31-34)

2. Kosiom Ageun 26:34, 35; 27:1-46; ka 28:1-5.

   1. Epone ani atakana cut kanejai Esau amamus apodokinit iboro luka emoyo? (Age. 26:34, 35; 27:46)

   2. Kanu Yakob adumum aisirerengio naka Edeke, inyo abu Isaak kolimok Yakob aswam? (Age. 28:1-4)

3. Kosiom Iburanian 12:16, 17.

   Anyoika nu itodunit aanyunet naka Esau kwape nuepote adoikin ngul lumam epodokinitos iboro lukalaunak?

Aitetemet 18

1. Ingai aberu naitemelel kotoma aputo, ido inyo abu Yakob kiswama kanukeng?

2. Inyoin akapakina Yakob aswam kanu aimany Rakel?

3. Inyo abu Laban kiswama ne adoluna apak Yakob adukokin ka Rakel?

4. Inyo abu Yakob kocam aswam kanu adumum Rakel kwape akeberu?

Angiseta nuiyatakina:

1. Kosiom Ageun 29:1-30.

   1. Karaida abu Laban kingalak nges, epone ani etoduna Yakob ebe arai nges lo ayongong ido anyoika nuisisiauni oni kane? (Age. 25:27; 29:26-28; Mat. 5:37)

   2. Epone ani itodunitor aanyunet naka Yakob atiaketait kiding amina obe kede amina namam esipo? (Age. 29:18, 20, 30; Eko. 8:6)

   3. Angor aongon anu nu opotu koraunos atutubet naka ekale loka Yakob ka aurikin nges isap? (Age. 29:23, 24, 28, 29)

Aitetemet 19

1. Ijeni ikiroria isap ikanyikape lu abu Yakob kodum kede Lea aberu ke nasodit?

2. Luangai isap iarei luabu Silupa abulesit naka Lea kourik Yakob?

3. Ijeni ikiroria luka isap iarei luabu Bilika abulesit naka Rakel kourik Yakob?

4. Luangai isap iarei lu abu Rakel kouru ido inyo abu kotakanit nges ne edounia nges esapat lokiaret?

5. Kotoma aputo, isap idi ajaatar Yakob, ido inyo abu kolom kotoma kec?

Angiseta nuiyatakina:

1. Kosiom Ageun 29:32-35; 30:1-26; ka 35:16-19.

   Kwape kitodiaritere kotoma osap 12 luka Yakob, epone ani amanakinere isap luka Iburanian ikiroria kolosek?

2. Kosiom Ageun 37:35.

   Karaida erai Dina bon elimoritai kotoma Obaibuli epone ani ijenuna oni ebe ajaatar Yakob apesur nuepu adepar adiopet? (Age. 37:34, 35)

Aitetemet 20

1. Kanukinyo mam Aburaam ka Isaak akototor idwekec adukokin kede itunga luka akwap naka Kanaan?

2. Acamakinit kereka Yakob akokuke aipaper apesur nuko Kanaan?

3. Ingai bo etunganan lo itei Dina kotoma aputo, ido inyoin ibore yen arono yen abu ngesi iswama?

4. Anyoika apotu Simeon ka Lebi inacan luka Dina iswamaata epuputu kes nu apotu otakanutu?

5. Abu kereka Yakob kitojok nu eswamato Simeon ka Lebi?

6. Epone ani ageunor ationis kere na abu kodoik ekale?

Angiseta nuiyatakina:

1. Kosiom Ageun 34:1-31.

   1. Arai keraka aupenena naka Dina kede apesur nuka akwap naka Kanaan ibore yen eswamauna atipet bon? Kitetem. (Age. 34:1)

   2. Kanukinyo ebwokia Dina alangir kanu nges atwaniar ebekoene ke? (Gal. 6:7)

   3. Epone ani itodunatar atumunak lolo ebe apikakis kes toma otau aanyunet naka Dina? (Awa. 13:20; 1 Kor. 15:33; 1 Yok. 5:19)

Aitetemet 21

1. Kanukinyo adingakinitotor inacan luka Yosep nges, ido inyoin apotu kesi iswamaata?

2. Inyoin bo akotos inacan luka Yosep aiswamaikin nges, ido ainyoika abu Rueben kolim?

3. Inyo abu iswamaun kedolotu Isimailin luarasi esubusaak?

4. Inyo apotu inacan luka Yosep kiswamaata kunu ainakin papakec aiyuun ebe atwana Yosep?

Angiseta nuiyatakina:

1. Kosiom Ageun 37:1-35.

   1. Epone ani epedorata Ikristayon atupaar aanyunet naka Yosep kanu alimor adiakareta kaluce kotoma atukot? (Age. 37:2; Leb. 5:1; 1 Kor. 1:11)

   2. Inyo abu koinak inacan luka Yosep abilakin ngesi abotet? (Age. 37:11, 18; Awa. 27:4; Yak. 3:14-16)

   3. Anyoin aswamisiot najokan kanejai Yakob kotoma aimony ke? (Age. 37:35)

Aitetemet 22

1. Arai Yosep lo ikar idi lukapolou eyangaro Misiri, ido inyo abu kotakanu kedol ngesi ngina?

2. Epone bo ani adoluna Yosep aidaris?

3. Aswam naapol ani na aponi kijaikinai Yosep kotoma aidaris?

4. Kotoma aidaris, inyo abu Yosep kiswamaik ekawokon ka ekepoon?

5. Inyo abu iswamaun akaulo na alacakin ekawokon aidaris?

Angiseta nuiyatakina:

1. Kosiom Ageun 39:1-23.

   Kwape amameor ekisil loewadikatai kama ejai Edeke aitoron adoteu kapaarasia nuka Yosep, inyo etogogongi ngesi akerit awai kanejai aberu naka Potipar? (Age. 2:24; 20:3; 39:9)

2. Kosiom Ageun 40:1-23.

   1. Kaurianut kitetem airujasit naka ekawokon kede apolou nabu Yawe koinak Yosep. (Age. 40:9-13)

   2. Anyoin airujasit na ajaatar ekepoon, ido inyo apolou ke? (Age. 40:16-19)

   3. Epone ani etuparitor ebulesit lomunot ido opiriana epone lo ajaatar Yosep? (Age. 40:8; Sab. 36:9; Yok. 17:17; Asw. 17:2, 3)

   4. Epone ani itacaunitor Ageun 40:20 epone lo iteotor Ikristayon asuban nuka aurio? (Lim. 7:1; Mk. 6:21-28)

Aitetemet 23

1. Inyo abu kotakanik Parao kakuare adiopet?

2. Kanukinyo eituna do ekawokon Yosep?

3. Kwape kitodunitere kaputo, aanu airujasia aarei nu abu Parao kojaunotor?

4. Inyoin bo abala Yosep nges apolou na airujasia kangun?

5. Eponi ani araunor Yosep etunganan loapol noi ko Misiri lo atupit Parao?

6. Kanukinyo abunotor inacan luka Yosep Misiri, ido kanukinyo mam kes emisikinator nges?

7. Airujasit ani abu Yosep kiitu ido inyo abu ngin ingarak ngesi amisikin?

Angiseta nuiyatakina:

1. Kosiom Ageun 41:1-57.

   1. Epone ani etetenara Yosep aibuses nejaai Yawe, ido opone ani epedoriata Ikristayon lolo aitup aanyunet ke? (Age. 41:16, 25, 28; Mat. 5:16; 1 Pet. 2:12)

   2. Epone bo ani itirianitotor ikar lukamio ko Misiri kotupakinete ikar luka etegei ejautene loka emoyo lo itunga luka Yawe kede loka Ikristayon lukesosai lolo? (Age. 41:29, 30; Amos 8:11, 12)

2. Kosiom Ageun 42:1-8 kede 50:20.

   Erai kereka ibore yeni aronon amaak luka Yawe aisuded nejai etunganan kanu aitubusikin ka aiyong araai erai ngol einono loka akwap? (Age. 42:6)

Aitetemet 24

1. Kanukinyo etosa Yosep ikenacan ebe arai arotak?

2. Kanukinyo acamakina Yakob okoku ke longorit loanyaritai Benyamin alosit Misiri?

3. Epone ani adolia aikopo ke Yosep na epuesa opuko loka Benyamin?

4. Inyo abu Yuda kocam aswam kanu alakun Benyamin?

5. Epone ani ejulakinotor inacan luka Yosep?

Angiseta nuiyatakina:

1. Kosiom Ageun 42:9-38.

   Epone ani eraar alimunet naka Yasep kotoma Ageun 42:18 aisitunet najokan nejaasi ngul luingarenikinitos kotoma atukot naka Yawe? (Nek. 5:15; 2 Kor. 7:1, 2)

2. Kosiom Ageun 43:1-34.

   1. Karaida erai Reuben ekiai, epone ani idelela cut ebe abu Yuda koraun eraban loka inacan ke? (Age. 43:3, 8, 9; 44:14, 18; 1 Siit. 5:2)

   2. Epone ani abu Yosep kitemia ikenacan, ido kanukinyo? (Age. 43:33, 34)

3. Kosiom Ageun 44:1-34.

   1. Kwape epone logwaet ekejenunet kanejaas ikenacan, epone ani abu Yosep kitodiaror? (Age. 44:5, 15; Leb. 19:26)

   2. Epone ani apotu inacan luka Yosep kitodunatar ebe emoyo ngol lo ekokote loajaatar kesi ne ajaai onacekec sek nges adaun? (Age. 44:13, 33, 34)

Aitetemet 25

1. Inyo abu kotakan kelimoki Yosep ikenacan ebe eong lo?

2. Anyoika nu abu Yosep kitetemik ikenacan kede asianut?

3. Anyoika nu abu Parao kotema akaulo apupun nuekamunitos inacan luka Yosep?

4. Etia bo ekale ai loka Yakob ebwosi Misiri?

5. Aponi bo onyarai ekale loka Yakob biai, ido kanukinyo?

Angiseta nuiyatakina:

1. Kosiom Ageun 45:1-28.

   Epone ani itodunitotor akiro nuka Yosep nuejaas Obaibuli ebe epedori Yawe aijulakin nuekotore aimusung ijanakinak ke araun nuejokak? (Age. 45:5-8; Isa. 8:10; Pil. 1:12-14)

2. Kosiom Ageun 46:1-27.

   Anyoin aitigogoret nabu Yawe koinak Yakob ejai ngesi alosit ke Misiri? (Age. 46:1-4)

Aitetemet 26

1. Ingai bo Yob?

2. Inyo abu Satan otam aswam, ido abu kereka nges kopedo?

3. Inyo abu Yawe kacamak Satan aswam, ido kanukinyo?

4. Kanukinyo alimokina Yob akeberu ebe ‘iken Edeke ido otwana’? (Koay aputo.)

5. Kwape iteo ijo kotoma aputo nakiaret, epone ani abu Yawe kisirerengio Yob, ido kanukinyo?

6. Anyoika arerengusio nu idumuni oni arai imunokin Yawe kwape ka Yob?

Angiseta nuiyatakina:

1. Kosiom Yob 1:1-22.

   Epone ani lolo eputorotor Ikristayon kwape ka Yob? (Yob 1:1; Pil. 2:15; 2 Pet. 3:14)

2. Kosiom Yob 2:1-13.

   Ani irotin iarei luabu Yob kitengelikinor kede akeberu kopone lo abongokinatar kesi areio naka Satan? (Yob 2:9, 10; Awa. 19:3; Mika 7:7; Mal. 3:14)

3. Kosiom Yob 42:10-17.

   1. Anyoin aputokina na ejai kiding na areregusio nu abu Yob ka Yesu kodumutu kanu aitup erot lo amunokina? (Yob 42:12; Pil. 2:9-11)

   2. Epone ani isinyikokinotor oni arerengusio nu abu Yob kodum kanu aidar akebeit nejaai Edeke? (Yob 42:10, 12; Bur. 6:10; Yak. 1:2-4, 12; 5:11)

Aitetemet 27

1. Kotoma aputo, ingai bo etunganan lo edakit adaet, ido ingai bo edai nges?

2. Akaulo na atwania Yosep, inyo abu otakanik Isiraelin?

3. Kanukinyo akuriakarotor itunga luko Misiri Isiraelin?

4. Acorakinet anyoin abu Parao kijaik angor nu engaranakinete angor nuka Isirael adoun?

Angiseta nuiyatakina:

1. Kosiom Anyoun 1:6-22.

   1. Kopone ani abu Yawe kogeuna ailelebikin akesumunet ne ajai Aburaam? (Any. 1:7, Age. 12:2, Asw. 7:17)

   2. Epone ani apotu asidook nu Aburanian itodunator ayongit aijar? (Any. 1:17; Age. 9:6)

   3. Epone ani aropere asidook kanu amunokina kec nejai Yawe? (Any. 1:20, 21; Awa. 19:17)

   4. Epone ani atamitor Satan amunaar aitemonokinet naka Yawe kanuka Aur naka Aburaam naesumunitai? (Any. 1:22; Mat. 2:16)

Aitetemet 28

1. Ingai bo imukeru ngin ejai aputo, ido itigit ngesi ebokorit angai?

2. Inyo abu totoke Musa iswama kanu aitajar ngesi kotoma ayario?

3. Ingai bo ipese ngin ejai aputo, ido inyo abu ngesi iswama?

4. Kedau akoke Parao adumun imukeru ngin, aomisiot ani abu Miriam kolim?

5. Anyoika abu akayaiton kolimok totoke Musa?

Angiseta nuiyatakina:

1. Kosiom Anyoun 2:1-10.

   Arereng ani ajaatar totoke Musa kanu aitutuor ka aisisianakin Musa ageun editeu, ido aanyunet ani einakinit na auriak lolo? (Any. 2:9, 10; Ikis. 6:6-9; Awa. 22:6; Pes. 6:4; 2 Tim. 3:15)

Aitetemet 29

1. Aibo apoloikini Musa, ido inyo ajeni ngesi nuikamunitos ikeuriak?

2. Inyo abu Musa iswama ne araar nges lo ikar 40 lukapolou?

3. Anyoika abu Musa kolimok etunganan lo arai Isiraelit lo ajio, ido abongokinet ani abu etunganan koinak?

4. Kanukinyo akeria Musa anyoun ko Misiri?

5. Aibo abu Musa oker, ido ingai bo abu ngesi kiriamonutor Kangina?

6. Inyo abu Musa kiswama kotoma okar 40 akaulo na ngesi akerit anyoun ko Misiri?

Angiseta nuiyatakina:

1. Kosiom Anyoun 2:11-25.

   Karaida isisianakitai Musa adaun ikar luipu kotoma acoa nako Misiri, epone ani etoduna Musa akeinakina nejai Yawe? (Any. 2:11, 12; Bur. 11:24)

2. Kosiom Aswamisio 7:22-29.

   Aisisianakinet anyoin ipedori oni aisisiaun kopone lo atamitor Musa alakun idwe luka Isirael kobulesene loka Misiri ngesi elopet? (Asw. 7:23-25; 1 Pet. 5:6, 10)

Aitetemet 30

1. Ingai bo ekiror emoru kalo ejai toma aputo?

2. Itetem ibore yen etegelikina yen abu Musa koay elot ngesi acok amerekekin omoru ngol?

3. Anyoika abu eporoto kolim kotoma okiot lo anoki, ido lo angai eporoto ngol?

4. Epone ani abu Musa kobongokina elimoki Edeke ngesi ebe ingarenikini ngesi itunga luka Edeke anyoun ko Misiri?

5. Anyoika abu Edeke kolimok Musa alimum aarai kingita ngesi itunga ebe ingai bo ejukanit ijo?

6. Epone ani ti apedoria Musa aitodun ebe ejukanit Edeke ngesi?

Angiseta nuiyatakina:

1. Kosiom Anyoun 3:1-22.

   Epone ani ijaikinitor oni aitejenaret naka Musa amuno ebe karaida iwomit oni bala mam ipedori aitodolikin aswam na ijaikinit Edeke oni, epedori Yawe aingarakin oni? (Any. 3:11, 13; 2 Kor. 3:5, 6)

2. Kosiom Anyoun 4:1-20.

   1. Anyoin ajulakinet kotoma aomisio nuka Musa na obu otakanu akaulo na ikar 40 lu ajaar nges Midian, ido anyoin asisianakinet na isisiaunete ngul luekotosi aitosomao kotoma atukot? (Any. 2:11, 12; 4:10, 13; Mika 6:8; 1 Tim. 3:1, 6, 10)

   2. Karaida kilecor oni kotoma atukot naka Yawe, amuno anyoin ijaikini oni aanyunet naka Musa? (Any. 4:12-14; Sab. 103:14; Bur. 12:4-11)

Aitetemet 31

1. Epone ani apotu aumonokineta nu eswamai Musa ka Aaron otiroratar Isiraelin?

2. Inyo apotu Musa ka Aaron kolimokis Parao, ido kobong Parao biai?

3. Kwape itodunitere kaputo, inyo abu kotakan ne acakakina Aaron ekebela kwap?

4. Epone ani abu Yawe kisisianakina Parao aisisianakinet, ido anyoika abu Parao iswama?

5. Inyo abu kiswamaun akaulo na aiticanet nakitomonet?

Angiseta nuiyatakina:

1. Kosiom Anyoun 4:27-31 ka 5:1-23.

   Inyo aomit Parao ne abalar ngesi ebe: “Mam eong ajeni EJAKAIT”? (Any. 5:2; 1 Sam. 2:12; Rom. 1:21)

2. Kosiom Anyoun 6:1-13, 26-30.

   1. Opone ani mam Yawe abu itejenunor ne ajai Aburaam, Isaak, ka Yakob? (Any. 3:13, 14; 6:3; Age. 12:8)

   2. Ipupuni oni biai akaulo na ajenun ebe abu Yawe itosom Musa karaida aomit Musa ebe mam nges apedori aswam na ainakinitai ngesi? (Any. 6:12, 30; Luka 21:13-15)

3. Kosiom Anyoun 7:1-13.

   1. Aanyunet ani apotu Musa ka Aaron kitodikisi ijaanakinak luka Edeke lolo ne ainakintar Parao itubesia luka Yawe katiting kere? (Any. 7:2, 3, 6; Asw. 4:29-31)

   2. Epone ani etoduna Yawe ayaite ke adepar idekesio luko Misiri? (Any. 7:12; 1 Siit. 29:12)

Aitetemet 32

1. Kitosomai aputosia nuitodiaritai kane, itetem aiticaneta auni nusodit Yawe ayangaun Misiri.

2. Anyoin atiaketait ajai kiding aiticaneta auni nusodit kede nuce nuatupakinete?

3. Anyoin aiticanet nawongonet, naikanyet ka naikanyetekape?

4. Itetema aiticanet naikanyetekaare, nakanyetekauni ka naikanyetekaongon.

5. Inyo abu Yawe kolimok Isiraelin aswam eroko aiticanet naitomonet?

6. Anyoin aiticanet naitomonet, ido inyo abu iswamaun akaulo ke?

Angiseta nuiyatakina:

1. Kosiom Anyoun 7:19–8:23.

   1. Karaida apedorete imurwok luko Misiri aikopun aiticaneta aarei nusodit luka Yawe, inyo opotu kesi kocamutu akaulo na aticanet nakiuniet? (Any. 8:18, 19; Mat. 12:24-28)

   2. Epone ani etoduna aiticanet naongonet apedor naka Yawe ayuar iketunga, ido epone ani einakina aijen na itunga luka Yawe aipup ne ejaunotor kesi toma ‘ocan’ lu adwaritai? (Any. 8:22, 23; Apu. 7:13, 14; 2 Siit. 16:9)

2. Kosiom Anyoun 8:24; 9:3, 6, 10, 11, 14, 16, 23-25; ka 10:13-15, 21-23.

   1. Ani atukono aarei nu apotu Aiticaneta Atomon kitodiasi, ido epone ani etirora na epone lo isesena oni atukono ngun? (Any. 8:10, 18, 19; 9:14)

   2. Epone ani ingarakina Anyoun 9:16 oni amisikin kanukinyo ecamakinitor Yawe Satan ajaun kiton kwana? (Rom. 9:21, 22)

3. Kosiom Anyoun 12:21-32.

   Epone ani esipedoria Aleleng aitajario na luepu, ido inyo etodunit Aleleng? (Any. 12:21-23; Yok. 1:29; Rom. 5:18, 19, 21; 1 Kor. 5:7)

Aitetemet 33

1. Idi ikiloik luka Isirael, aimoriarit nepepe angor ka idwe luapotu konyoutu ko Misiri, ido luangai apotu konyoutu kakes?

2. Epone ani abu Parao opupuna akaulo na ngesi acamakin Isiraeli anyoun, ido inyo abu ngesi kiswama?

3. Inyo abu Yawe kiswama kanu asimik Itunga luko Misiri asurokin iketunga?

4. Inyo abu iswamaun erio Musa ekebela nejai Angolol Narengan, ido inyo apotu Isiraelin kiswamata?

5. Inyo abu kotakam ketupasi itunga luko Misiri Isiraelin toma angolol?

6. Epone ani apotu Isiraelin itodunatar ebe alakara ido iyalamasi nejai Yawe kanu ayuar kesi?

Angiseta nuiyatakina:

1. Kosiom Anyoun 12:33-36.

   Epone ani aayuna Yawe ebe atacakin iketunga kanu ebulesene kec loikar nuipu ijaanakinete itunga luko Misiri? (Any. 3:21, 22; 12:35, 36)

2. Kosiom Anyoun 14:1-31.

   Epone ani etiroratar akiro nuka Musa nuiwadikatai Anyoun 14:13, 14 ijaanakinak luka Yawe lolo kwape iterekinatar kesi kede ejie loebunit loka Arumagedon? (2 Siit. 20:17; Sab. 91:8)

3. Kosiom Anyoun 15:1-8, 20, 21.

   1. Kanukinyo ibusakinitor ijaanakinak luka Yawe aiturit nges ka ikososinei? (Any. 15:1, 2; Sab. 105:2, 3; Apu. 15:3, 4)

   2. Anyoun aanyunet na aiturit Yawe na abu Mirian ka angor Kangolol Nakarengan itodikis angor nu Kristayon lolo? (Any. 15:20, 21; Sab. 68:11)

Aitetemet 34

1. Kotoma aputo, inyoin bo yen esekete itunga kokwap ido enyaritai nesi biai?

2. Anyoin aicorakinet nabu Musa koinak itunga kanu atukonokin emanu?

3. Anyoika nu abu Yawe kolimok itunga aswam kapaaran nakikanyetekape, ido kanukinyo?

4. Aumokinet anyoin eswamai Yawe isiperori emanu kiton apaaran naikanyetekaarei?

5. Apak na etia ai abu Yawe kodau kitanyami itunga kede emanu?

Angiseta nuiyatakina:

1. Kosiom Anyoun 16:1-36 ka Aimario 11:7-9.

   1. Anyoika nu itodunit Anyoun 16:8 kanu oni arimarit aseununeta nuka Edeke kotoma atukot naka Ikristayon? (Bur. 13:17)

   2. Kotoma amoding, epone ani esitoikitere kanginipaaran idwe luka Israeli kanu agongakina kec nejai Yawe? (Any. 16:14-16, 35; Ikis. 8:2, 3)

   3. Anyoin aitupuset nabu Yesu koinak emanu, ido epone ani imeda oni kotoma ‘onyamat luepote kotoma akuj’? (Yok. 6:31-35, 40)

2. Kosiom Yosua 5:10-12.

   Ikar idi edaunitos idwe luka Israel enyamete emanu, epone ani etemio na kesi, ido anyoika nuisisiauni oni kakiro kanu? (Any. 16:35; Mar. 11:4-6; 1 Kor. 10:10, 11)

Aitetemet 35

1. Akaulo na ilapio iarei kedautu anyoun ko Misiri, aibo apotu idwe luka Isirael idukuroto?

2. Inyoin abala Yawe akoto ngesi itunga aswam, ido anyoin abongokinet kec?

3. Kanukinyo ainakina Yawe Musa amoru aerei nubatal?

4. Aidokokin toma Okisila Itomon, ani icekisila luabu Yawe koinak idwe luka Isirael?

5. Ani ikisila iarei luabala Yesu Kristo erasi luepolok?

Angiseta nuiyatakina:

1. Kosiom Anyoun 19:1-25; 20:1-21; 24:12-18; ka 31:18.

   Epone ani ingarakinatar oni akiro nuiwadikatai toma Anyoun 19:8 amisiikin nuimoriarit aswam na ainakin Okristayone? (Mat. 16:24; 1 Pet. 4:1-3)

2. Kosiom Ikisila 6:4-6; Ilebin 19:18; ka Matayo 22:36-40.

   Epone ani itodunator Ikristayon aminakec kanuka Edeke ka idunyeta? (Mk. 6:34; Asw. 4:20; Rom. 15:2)

Aitetemet 36

1. Kotoma aputo, inyo iswamaete itunga, ido kanukinyo?

2. Kanukinyo enepuna anyunyura naka Yawe, ido inyo abu Musa kiswama keanyu ngesi nu eswamaete itunga?

3. Inyo abu Musa kolimok icetunga aswam?

4. Anyoin aisisianakinet na ibusakinit aitetemet na aisisianakin oni?

Angiseta nuiyatakina:

1. Kosiom Anyoun 32:1-35.

   1. Epone ani itodunitor akirot na epone lo esesena Yawe ainyalinyal aima naisab ka na abeit? (Any. 32:4-6, 10; 1 Kor. 10:7, 11)

   2. Acoikina anyoin ibusakinit Ikristayon aitoduun kotoma aseuneta kec kanu aitalakario, kwapenat awoere ka aikosi? (Any. 32:18, 19; Pes. 5:15, 16; 1 Yok. 2:15-17)

   3. Epone ani etoduna ateker naka Lebi aanyunet najokan kotoma aitogogong adolit? (Any. 32:25-28; Sab. 18:25)

Aitetemet 37

1. Epone ani enyaritere aduketai na ejai toma aputo, ido inyo itosomaere nesi?

2. Kanukinyo alimokina Yawe Musa adukun ewema lo epatana adutonor?

3. Anyoin asaduku na ejai toma agola nadidi kangetakinet naka ewema, ido inyo ejai toma asaduku ngin?

4. Ingai bo abu Yawe kose kwape esasedoti, lopeti ido nuinyoika iswamaenenei esasedoti lopeti?

5. Inyoika iboro iuni luejaasi toma agola nalalan naka ewema?

6. Inyoika iboro iarei luejaasi toma alaro naka ewema, ido inyo itosomaere kesi?

Angiseta nuiyatakina:

1. Kosiom Anyoun 25:8-40; 26:1-37; 27:1-8; ka 28:1.

   Inyo abwoikinitos ikerubin luajaas ‘oicolong loka aitim’? (Any. 25:20, 22; Mar. 7:89; 2 Ika. 19:15)

2. Kosiom Anyoun 30:1-10, 17-21; 34:1, 2; ka Iburanian 9:1-5.

   1. Kanukinyo etogogongoritor Yawe aidar aila kwape naepol kanejaasi isasedotin luejaanakinete kotoma owema, ido epone ani etiroritor na oni lolo? (Any. 30:18-21; 40:30, 31; Bur. 10:22)

   2. Epone ani etodiaritor ekiakia Paul ebe ewema ka aitutuket na Ikisila adauna kapak naewadika ngesi ebalua nejaasi Ikristayon lu Iburanian? (Bur. 9:1, 9; 10:1)

Aitetemet 38

1. Inyo iwayuni ijo kama ejai aibunget na emusabibu kotoma aputo, ido aibo ayaunere?

2. Kanukinyo eyakiara Musa arotak 12 akwap nako Kanaan?

3. Anyoika apotu arotak itomon kolimutu kebongutu ne ajai Musa?

4. Epone ani etodunatar arotak iarei amunokina Yawe, ido lukangai kesi?

5. Kanukinyo anyunyurikinor Yawe, ido anyoika abu ngesi kolimok Musa?

Angiseta nuiyatakina:

1. Kosiom Aimario 13:1-33.

   1. Luangai aponi koseunai airot akwap, ido arereng anyoin ajaatatar kesi? (Mar. 13:2, 3, 18-20)

   2. Kanukinyo agitakinar epone lo asesena Yosua ka Kaleb iboro kotoma arotak luce, ido anyoika isianakinete nu oni? (Mar. 13:28-30; Mat. 17:20; 2 Kor. 5:7)

2. Kosiom Aimario 14:1-38.

   1. Anyoin aikwenyaret naikamunit airurumakin abwoikinitok luka Yawe na ibusakinit oni apupokin? (Mar. 14:2, 3, 27; Mat. 25:40, 45; 1 Kor. 10:10)

   2. Epone ani itodunitor Aimario 14:24 ebe epodokinit Yawe nginidiopet kojaanakinak ke? (1 Ika. 19:18; Awa. 15:3)

Aitetemet 39

1. Luangai opotu kipalikis apedor naka Musa ka Aaron, ido anyoika apotu kesi kolimokis Musa?

2. Anyoika nu abu Musa kolimok Kora ka ipaupake 250 aswam?

3. Anyoika nu abu Musa kolimok itunga, ido inyo abu iswamaun nepe edauni ngesi ainer?

4. Inyo abu kiswamaikin Kora ka ipaupake 250?

5. Inyo abu Eleasar, okoku loka Aaron osubia aisupuruneta nuka ikatwak, ido kanukinyo?

6. Kanukinyo ainakina Yawe ebela loka Aaron atolomun aturo? (Koany aputo.)

Angiseta nuiyatakina:

1. Kosiom Aimario 16:1-49.

   1. Inyo abu Kora ka ipaupake iswamata, ido kanukinyo araar na aswamisiot na epaliikin Yawe? (Mar. 16:9, 10, 18; Leb. 10:1, 2; Awa. 11:2)

   2. Ani aomisiot naronon nabu Kora ka ipaupake 250 “ipolok luka ekodet” ipepeutu? (Mar. 16:1-3; Awa. 15:33; Isa. 49:7)

2. Kosiom Aimario 17:1-11 ka 26:10.

   1. Inyo etodunitos aturo nuka obela loka Aaron, ido kanukinyo ecorakina Yawe ebe ingadai ebela ngol koingaren naka aitejenunet? (Mar. 17:5, 8, 10)

   2. Anyoin aisisiaunet na epol na isisiuni oni kotoma aanyunet naka ebela loka Aaron? (Mar. 17:10; Asw. 20:28; Pil. 2:14; Bur. 13:17)

Aitetemet 40

1. Epone bo ani edaria Yawe idwe luka Isirael kamoding?

2. Airurum anyoin apotu idwe luka Isirael iruruma idukuroto Kades?

3. Epone ani ejaikina Yawe akipi kanuka itunga ka itiang kec?

4. Kotoma aputo, ingai bo etunganan lo edodit akekuan, ido kanukinyo iswama ngesi ngun?

5. Kanukinyo anyunyurikina Yawe Musa ka Aaron, ido epone ani etisilanare kesi?

6. Inyo abu kiswamaun ko Moru Kor, ido ingai abu oraun esasedoti lopeti loka Isirael?

ngiseta nuiyatakina:

1. Kosiom Aimario 20:1-13, 22-29 ka Ikisila 29:5.

   1. Anyoika isisiauni oni kopone lo edaria Yawe idwe luka Isirael kamoding? (Ikis. 29:5; Mat. 6:31; Bur. 13:5; Yak. 1:17)

   2. Epone ani abu Yawe kosesena aikarun naka Musa ka Aaron aitalaun ngesi kakonyen nuka Isirael? (Mar. 20:12; 1 Kor. 10:12; Apu. 4:11)

   3. Anyoika nu isisiauni oni kopone lo ejauna Musa alecorio naka Yawe? (Mar. 12:3; 20:12, 27, 28; Ikis. 32:4; Bur. 12:7-11)

Aitetemet 41

1. Kotoma aputo, inyo yen idolidolikitai okitoi, ido kanukinyo alimokina Yawe Musa aigwaikin nesi nen?

2. Epone ani mam itunga etodunitotor aiyalama kanu eswamaik kere Edeke kesi?

3. Inyo apotu itunga ingita Musa aswam akaulo naYawe aijukun imunuo lukasorit aitodotod kesi?

4. Kanukinyo alimokina Yawe Musa aiswaun emun loka aisinit?

5. Anyoika nu isisiauni oni kotoma aitetemet kana?

Angiseta nuiyatakina:

1. Kosiom Aimario 21:4-9.

   1. Anyoin aikwenyaret na ijaikinitai oni kotoma airurum na idwe luka Isirael naekamunit iboro luainakinit Yawe? (Mar. 21:5, 6; Rom. 2:4)

   2. Kotoma okar luatupakinete, epone ani etosomaatar idwe luka Isirael emun loka aisinit, ido anyoika abu Ekabaka Kesekia iswamaik nesi? (Mar. 21:9; 2 Ika. 18:1-4)

2. Kosiom Yokana 3:14, 15.

   Epone ani cut itodunitor cut aikajakin emun loka aisinit okitoi aibubuo naka Yesu Kristo (Gal. 3:13; 1 Pet. 2:24)

Aitetemet 42

1. Ingai bo Balak ido kanukinyo anyarauna ngesi Balaam?

2. Kanukinyo aperio asigiria naka Balaam korot?

3. Akiro anyoika abu Balaam kopup asigiria inera?

4. Inyoika abu emalaika kolimok Balaam?

5. Inyoin abu kiswamaun ketam Balaam aiken idwe luka Isirael?

Angiseta nuiyatakina:

1. Kosiom Aimario 21:21-35.

   Kanukinyo etelekara Isirael Sikom Ekabaka loka Imorain ka Og ekabaka loka Basan? (Mar. 21:21, 23, 33, 34)

2. Kosiom Aimario 22:1-40.

   Anyoin alosikinet naka Balaam ne akotor ngesi aiken idwe luka Isirael, ido anyoika asisianakineta nu idumini oni kane? (Mar. 22:16, 17; Awa. 6:16, 18; 2 Pet. 2:15; Yuda 11)

3. Kosiom Aimario 23:1-30.

   Karaida enera Balaam bala arai ngesi amaan loka Yawe, epone ani agelakinar akeswamisio? (Mar. 23:3, 11-14; 1 Sam. 15:22)

4. Kosiom Aimario 24:1-25.

   Epone ani itogogonga akirot na Obaibuli aiyuun wok ebe ilelebikinos alosikineta nuka Yawe? (Mar. 24:10; Isa. 54:17)

Aitetemet 43

1. Kotoma aputo luangai bo itunga iarei lu ebwoete nepepe ka Musa?

2. Anyoika abu Yawe kolimok Yosua?

3. Kanukinyo adokara Musa aidi naka Emoru Nebo, ido anyoika abu Yawe kolimok ngesi?

4. Arai Musa lo ikar idi lukapolou ketwani?

5. Kanukinyo akadakina itunga, ido inyo ibore aikini kesi iyalama?

Angiseta nuiyatakina:

1. Kosiom Aimario 27:12-23.

   Anyoin aswam nalangiron na abu Yosua kijau kama ejai Yawe, ido epone ani itodunitere ebe epodokinit Yawe iketunga lolo? (Mar. 27:15-19; Asw. 20:28; Bur. 13:7)

2. Kosiom Ikisila 3:23-29.

   Kanukiyo mam Yawe acamakina Musa ka Aaron atubor toma akwap na esumunitai, ido anyoika nu ipedori oni aisisiaun kane? (Ikis. 3:25-27; Mar. 20:12, 13)

3. Kosiom Ikisila 31:1-8, 14-23.

   Epone ani itodunitotor akiro nuka Musa nuwasia nejaasi idwe luka Isirael ebe acamunit ngesi alecorio naka Yawe? (Ikis. 31:6-8, 23)

4. Kosiom Ikisila 32:45-52.

   Epone ani ibusakinitor Akirot Naka Edeke atiror aijar wok? (Ikis. 32:47; Leb. 18:5; Bur. 4:12)

5. Kosiom Ikisila 34:1-12.

   Karaida mam cut Musa eanyunit Yawe obe, nuinyoika itodunit Ikisila 34:10 nuikamunitos edicane ke nepepe ka Yawe? (Any. 33:11, 20; Mar. 12:8)

Aitetemet 44

1. Aibo iboio Rakab?

2. Lubo angai ikilok iarei luejaas aputo, ido kanukinyo ejaatar kesi Yeriko?

3. Anyoika abu ekabaka loko Yeriko kicorak Rakab aswam, ido abongokinet ani abu nges koinak?

4. Epone ani abu Rakab ingarakina ikiliok ngul, ido anyoin aisianut na ingisit ngesi?

5. Aisumunet anyoin apotu arotak kisumunikis Rakab?

Angiseta nuiyatakina:

1. Kosiom Yosua 2:1-24.

   Epone ani elelebunor aisumunet naka Yawe naiwadikatai toma Anyoun 23:28 ne asurokinatar idwe luka Isirael Yeriko? (Yos. 2:9-11)

2. Kosiom Iburanian 11:31.

   Epone ani ikeunitor aanyunet naka Rakab ajokis naka aiyuun? (Rom. 1:17; Bur. 10:39; Yak. 2:25)

Aitetemet 45

1. Aumokinet anyoin abu Yawe kiswama tetere idwe luka Isireal epedorete aitor Ocilet loka Yorodan?

2. Anyoin aswamisiot naka aiyuun na ebusakinit idwe luka Isirael aiswamaun tetere kesi itorete Ocilet loka Yorodan?

3. Kanukinyo alimokina Yawe Yosua atukokin amor nutiok 12 kokiding na ecilet?

4. Inyo abu iswamaun kedokutu isasedotin kinga na Yorodan?

Angiseta nuiyatakina:

1. Kosiom Yosua 3:1-17.

   1. Kwape itupusitere kede akiro nu, inyo ibusakinit oni aswam kanu adumun aingarakinio ka aisirerengio naka Yawe? (Yos. 3:13, 15; Awa. 3:5; Yak. 2:22, 26)

   2. Ekoni bo ai ejatene loka Ecilet Yorodan ne atubonotor idwe luka Isirael toma Akwap na Esumunitai, ido epone ani etopoloria na ekiror loka Yawe? (Yos. 3:15; 4:18; Sab. 66:5-7)

2. Kosiom Yosua 4:1-18.

   Amor nutiok 12 nualemuno kokiding naka Yorodan ka ainapakin Gilgal kesi arai alosikinet kec na inyo? (Yos. 4:4-7)

Aitetemet 46

1. Inyo abu Yawe kolimok ajiok ka isasedotin aswam adaun apaarasia akanyikape?

2. Inyo ebusakinit Ikiliok aswam apaaran nakanyetekaarei?

3. Kwape iteo ijo kotoma aputo inyo ejai aiswamaikin arwatatin nuko Yeriko?

4. Kanukinyo ikajar auno narengaren kodirisa?

5. Anyoika abu Yosua kolimok ajiok aiswamaikin itunga ka ere, ido inyo abeit aiswamakin epuesa, esabu, aisinit ka asuat?

6. Anyoika nu aponi olimokinai arotak iarei aswam?

Angiseta nuiyatakina:

1. Kosiom Yosua 6:1-25.

   1. Epone ani eputotor airimirim naka idwe luka Isirael Yeriko kapaaran nakikanyetekaarei kede alimonokin naka Ajenak Luka Yawe apaarasia nukawasia nuu? (Yos. 6:15, 16; Isa. 60:22; Mat. 24:14; 1 Kor. 9:16)

   2. Epone ani etodolikinor adwarasit na ewadikaitai Yoshua 6:26 akaulo na ikar 500, ido anyoika isisianakini na oni nuikamunit akirot naka Yawe? (1 Ika. 16:34; Isa. 55:11)

Aitetemet 47

1. Kotoma aputo, ingai bo etungan lo enuki abar na ayangauno ko Yeriko, ido luangai lu ejaasi aingarakin ngesi?

2. Kanukinyo eraar aswamisiot naka Akan ka luko kaleke naronon cut?

3. Anyoika nu abu Yawe kotema kingit Yosua ngesi kanukinyo etelelekarere idwe luka Isirael kojie lo ajaikina Ai?

4. Akaulo na ayaunere Akan ka ekaleke ne ajaai Yosua, anyoika apotu iswamaikinos kesi?

5. Asisianakinet naepol ani isisianaki oni etube lo abu Akan odum?

Angiseta nuiyatakina:

1. Kosiom Yosua 7:1-26.

   1. Inyo abu alip naka Yosua itodu nuikamunitos edicaneke kede Lokasuban ke? (Yos. 7:7-9; Sab. 119:145; 1 Yok. 5:14)

   2. Inyo itodunit aanyunet naka Akan, ido epone ani eraar na aikwenyaret mamawok? (Yos. 7:11, 14, 15; Awa. 15:3; 1 Tim. 5:24; Bur. 4:13)

2. Kosiom Yosua 8:1-29.

   Abwokon anyoin ejaai nejai nginidiopet kaoni nejai atukot na Ekristayone lolo? (Yos. 7:13; Leb. 5:1; Awa. 28:13)

Aitetemet 48

1. Epone ani agitakinatar itunga luka Gibeon kotoma otunga luka Kaanan luajaasi areria luayapiete?

2. Kwape itodiaritere kotoma aputo, inyo apotu itunga luko Gibeon kiswamata, ido kanukinyo?

3. Aisumunet anyoin apotu Yosua ka ikapolok luka Isirael koinakis itunga luka Gibeon, konye inyo apotu kesi odumutu akaulo na apaarasia auni?

4. Inyo abu iswamaun akaulo na apupunatar ikabakan lu oreria luayapiete ebe etutukoto itunga luka Gibeon ainapakin nepepe ka Isirael?

Angiseta nuiyatakina:

1. Kosiom Yosua 9:1-27.

   1. Kwape adaunitor Yawe aicorakin ateker na Isirael ‘amudiar kere eboyon luka akwap,’ inyoika ikeponesio luikeunitai kanu ngesi aideun itunga luka Gibeon? (Yos. 9:22, 24; Mat. 9:13; Asw. 10:34, 35; 2 Pet. 3:9)

   2. Kanu ngesi aidar aitutuket na eswamat ngesi nepepe kede itunga luka Gibeon, epone ani itodunitor Yosua anyunet najokan nejaas Ikristayon lolo? (Yos. 9:18, 19; Mat. 5:37; Pes. 4:25)

2. Kosiom Yosua 10:1-5.

   Epone ani eputoritor lolo ekodet loepol kede itunga luka Gibeon, ido itereikina kesi nejai inyo? (Yos. 10:4; Sek. 8:23; Mat. 25:35-40; Apu. 12:17)

Aitetemet 49

1. Kotoma aputo, anyoika nu inyoin ebala Yosua, ido kanukinyo?

2. Epone ani engarakina Yawe Yosua nepepe kede ajiok ke?

3. Ikabakan idi lukasurup abu Yosua iteleka, ido apak na atia ai abu kayangaik?

4. Kanukinyo atiakatiaka Yosua alupok nuka Kaanan?

5. Arai Yosua lo ikar idi etwani, ido inyo abu kotakanik itunga akauloke?

Angiseta nuiyatakina:

1. Kosiom Yosua 10:6-15.

   Aijen ebe abu Yawe koinak akolong ka elap abwoun kanuka idwe luka Isireal, amuno do anyoin ijaar ani lolo? (Yos. 10:8, 10, 12, 13; Sab. 18:3; Awa. 18:10)

2. Kosiom Yosua 12:7-24.

   Ingai cut etelekari ikabakan 31 luko Kaanan, ido kanukiyo eraar naepol neijai oni lolo? (Yos. 12:7; 24:11-13; Ikis. 31:8; Luka 21:9, 25-28)

3. Kosiom Yosua 14:1-5.

   Epone ani atiakatiakare alupok nejaasi idwe luka Isirael, ido inyo itodunit na kanu luirumuna kotoma Paradais? (Yos. 14:2; Isa. 65:21; Esk. 47:21-23; 1 Kor. 14:33)

4. Kosiom Ikatubok 2:8-13.

   Kwape Yosua ko Israel, ingai lolo itikokinit ngul lu apaasi kotoma aiyun? (Tub. 2:8, 10, 11; Mat. 24:45-47; 2 Ses. 2:3-6; Tito 1:7-9; Apu. 1:1; 2:1, 2)

Aitetemet 50

Angor Aarei Nu Atiting

1. Luangai araasi atubok, ido ikiroria ice kakes kesi alu?

2. Anyoin aswam naetegelikina najaatar Debora, ido inyo emoriarit na?

3. Itukurianata Ekabaka Yabin ka Sisera apolon lo ajoreke idwe luka Israel anyoin akirot naka Yawe nabu Debora koinak Ekatubon Barak, ido ingai abala ngesi edumuni eropit?

4. Epone ani etoduna Yael ebe arai ngesi aberu natiting?

5. Inyo abu kotakan akaulo na atwanare naka Ekabaka Yabin?

Angiseta nuiyatakina:

1. Kosiom Ikatubok 2:14-22.

   Epone ani ayaununatar idwe luka Isirael anyunyura naka Yawe mamakec, ido anyoika isisiauni oni kane? (Tub. 2:20; Awa. 3:1, 2; Esk. 18:21-23)

2. Kosiom Ikatubok 4:1-24.

   Asisianakineta anyoika nuikamunitos aiyuun ka aititing nu epedorete angor nuerasi Akristayon asisiaun kaanyunet naka Debora ka Yael? (Tub. 4:4, 8, 9, 14, 21, 22; Awa. 31:30; 1 Kor. 16:13)

3. Kosiom Ikatubok 5:1-31.

   Epone ani epedorere aitosom ekosio lo aitelekar loka Barak ka Debora kwape lo ailip kanu ejie loebunit loka Arumagedon? (Tub. 5:3, 31; 1 Siit. 16:8-10; Apu. 7:9, 10; 16:16; 19:19-21)

Aitetemet 51

1. Epone ani adoluna Naomi akwap nako Moab?

2. Ingai bo Rusi ka Orupa?

3. Anyoika nu abu Rusi ka Orupa iswama angin diopet kakes akaulo na Naomi alimokin kes abongor otunga kec?

4. Ingai bo Boas, ido epone ani abu ngesi ingarakina Rusi ka Naomi?

5. Ingai bo ekiror loka ikoku yen apotu Boas ka Rusi ourutu, ido kanukinyo ibusakinitor oni aitun ngesi?

Angiseta nuiyatakina:

1. Kosiom Rusi 1:1-17.

   1. Anyoin aswamisiot nainakina kotoma amina naebus nabu Rusi itodu (Rusi 1:16, 17)

   2. Epone ani itodunitor aomisio nuka Rusi ejautene loka “amerekin ace” nejaasi ngul luinyonyoikinitai luerokosi ejaasi toma akwap? (Yok. 10:16; Sek. 8:23)

2. Kosiom Rusi 2:1-23.

   Epone ani itodikinitor Rusi aanyunet naejok nejaa angor nueraas atumunak lolo? (Rusi 2:17, 18; Awa. 23:22; 31:15)

3. Kosiom Rusi 3:5-13.

   1. Epone ani asesena Boas akapakina naka Rusi adukokin kangesi itia atumunan?

   2. Anyoika nu isisianakin oni aomit naka Rusi epone lo ibusakinitor oni asesen amin nainakina? (Rusi 3:10; 1 Kor. 13:4, 5)

4. Kosiom Rusi 4:7-17.

   Epone ani eputorotor Ikristayon lukiliok lolo kwape ka Boas? (Rusi 4:9, 10; 1 Tim. 3:1, 12, 13; 5:8)

Aitetemet 52

1. Opone ani ido kanukinyo ejaatar idwe luka Isirael toma ationis naepol?

2. Kanukinyo alimokina Yawe Gideon ebe ipu noi itunga ajoreke?

3. Itunga idi apotu kosalata akaulo na alimokina Gideon itunga lu akuriaka abangor ore?

4. Kotoma aputo, kitetem epone lo etidisiara Yawe ajore naka Gideon kiton itunga 300 bon.

5. Epone ani abu Gideon itemokina iketunga 300, ido epone ani etelekera Isirael ejie?

Angiseta nuiyatakina:

1. Kosiom Ikatubok 6:36-40.

   1. Epone ani cut ajenuna Gideon akote naka Yawe?

   2. Epone ani ijenuna oni akote naka Yawe lolo? (Awa. 2:3-6; Mat. 7:7-11; 2 Tim. 3:16, 17)

2. Kosiom Ikatubok 7:1-25.

   1. Anyoin aisisiaunet na ipedori oni aisisiaun kotoma otunga 300 luapotu kopaikis ekapakina itia kwi lumam apodokinitos? (Tub. 7:3, 6; Rom. 13:11, 12; Pes. 5:15-17)

   2. Kwape apotu itunga 300 kisisianar kanu asesen Gideon, epone ani isisia oni da kanu asesen Gideon Loapolon, Yesu Kristo? (Tub. 7:17; Mat. 11:29, 30; 28:19, 20; 1 Pet. 2:21)

   3. Epone ani ingarakina Ikatubok 7:21 oni apaikin iyalama aijanakin neijaikino oni kere katukot naka Yawe? (1 Kor. 4:2; 12:14-18; Yak. 4:10)

3. Kosiom Ikatubok 8:1-3.

   Kedol aitemonokin amamus apuponora kiding oni kede onac arai inac, anyoika nu isisiauni oni kopone lo etemokina Gideon ecelet kiding ke kede itunga luka Epuraim? (Awa. 15:1; Mat. 5:23, 24; Luka 9:48)

Aitetemet 53

1. Ingai bo Yeputa, ido apak anyoin ajaar ngesi?

2. Aiyaposit ani abu Yeputa kolimok Yawe?

3. Kanukinyo akadakina Yeputa ne abonguna ngesi akaulo na aitelekar itunga luka Ammon?

4. Anyoika abu akokuke Yeputa kolim edau ngesi ejenun aiyaposit apapake?

5. Kanukinyo aminatar itunga akoku naka Yeputa?

Angiseta nuiyatakina:

1. Kosiom Ikatubok 10:6-18.

   Anyoin aikwenyaret na ibusakinit oni acoikinit kotoma adiakanareta nuka idwe luka Isirael nejai Yawe? (Tub. 10:6, 15, 16; Rom. 15:4; Apu. 2:10)

2. Kosiom Ikatubok 11:1-11, 29-40.

   1. Epone ani ijenuna oni ebe, Yeputa ainakin akokuke kwape “ainakinet naicweio,” mam apolouke arai aicweikin ngesi akim kwape asubanit na itunga? (Tub. 11:31; Leb. 16:24; Ikis. 18:10, 12)

   2. Epone ani abu Yeputa koinaki na akokuke kwape asubanit?

   3. Anyoika ipedori oni aisisiaun kopone lo asesena Yeputa ayaposit ke nejai Yawe? (Tub. 11:35, 39; Lim. 5:4, 5; Mat. 16:24)

   4. Epone ani eraar akoku naka Yeputa aanyunet najokan nejaas atumunak lu Kristayon kotoma aitosom apak kec kere kanu aijaanakina? (Tub. 11:36; Mat. 6:33; Pil. 3:8)

Aitetemet 54

1. Ingai bo ekiror loka etunganan loagogong kakere, ido ingai ejaikini ngesi agogongu ngin?

2. Kapak adiope, inyo abu Samuson kiswamaik engatuny losorokit, kwape iteo ijo kaputo?

3. Ayoin aiyeya na ejai Samuson alimokin Delila kotoma aputo, ido epone ani engarakina na Ipilistian akamun ngesi?

4. Epone ani ainakina Samuson Ipilistian 3000 luasurup atwanare apaaran natwania ngesi?

Angiseta nuiyatakina:

1. Kosiom Ikatubok 13:1-14.

   Epone ani einakinitor Manoa ka aberuke aanyunet najokan nejaas auriak kanu aitopoloun idwe kec? (Tub. 13:8; Sab. 127:3; Pes. 6:4)

2. Kosiom Ikatubok 14:5-9 ka 15:9-16.

   1. Anyoika nu itodunitos awadikaeta nuikamunitos Samuson aiyar engatuny, angedenged aunoi nuawenitere ngesi, ka aitosom abokony naka asigiria aaria itunga 1,000 nuikamunitos epone loiswamao emoyo lokalaunan lokaYawe?

   2. Epone ani ingarakina oni emoyo lokakunan lolo? (Tub. 14:6; 15:14; Sek. 4:6; Asw. 4:31)

3. Kosiom Ikatubok 16:18-31.

   Epone ani amunaratar ipaup lueroko Samuson, ido anyoika ipedori oni aisisiaun kane? (Tub. 16:18, 19; 1 Kor. 15:33)

Aitetemet 55

1. Ingai bo ekiror ke isapat kayen ididi kotoma aputo ido luangai luce?

2. Anyoin alip nabu Kana kolim adiopepaaran ne alositor ngesi owema loka Yawe, ido epone ani abu Yawe, kobongokina ngesi?

3. Arai Samuel lo ikar idi eyangaro ngesi aijaanakin owema loka Yawe, ido inyo eswamanakini totoke ngesi angolikaru?

4. Kolim ikiroria luka isap ke Eli, ido araasi kes ikiliok luekote ai?

5. Epone ani abu Yawe konyarauna Samuel, ido anyoika akiro nuabu Ngesi koinak ngesi?

6. Abu Samuel koraun ingai epoloor ngesi, ido inyo abu kotakan emojong ngesi?

Angiseta nuiyatakina:

1. Kosiom 1 Samuel 1:1-28.

   1. Anyoin aayunet najokan na itodikinit Elukana apolokinitok luka Ikalia kanu aingarenikit kotoma aima nabeit? (1 Sam. 1:3, 21; Mat. 6:33; Pil. 1:10)

   2. Anyoin aisisiaunet na isisiauni oni kanejai Kana kopone lo aitemokin ationis naigurokini? (1 Sam. 1:10, 11; Sab. 55:22; Rom. 12:12)

2. Kosiom 1 Samuel 2:11-36.

   Epone ani etopoloritor Eli isapake adepar Yawe, ido epone ani eraar na aikwenyaret ne ija oni? (1 Sam. 2:22-24, 27, 29; Ikis. 21:18-21; Mat. 10:36, 37)

3. Kosiom 1 Samuel 4:16-18.

   Anyoika akiro aogon nuetukurianete nuaponi koyaunai kane ajiore, ido epone ani apotu kes kotirorator Eli?

4. Kosiom 1 Samuel 8:4-9.

   Epone ani apotu idwe luka Israel itunyurikinatar Yawe noi, ido epone ani ipedoria oni aiketakin Ajakanut ke lolo? (1 Sam. 8:5, 7; Yok. 17:16; Yak. 4:4)

Aitetemet 56

1. Kotoma aputo, inyo iswamai Samuel, ido kanukinyo?

2. Kanukinyo akotor Yawe Saul, ido arai ngesi etungan to ekoni ai?

3. Ingai bo ekiror okokuke Saul, ido inyo abu ngesi iswama?

4. Kanukinyo ainakina Saul ainakinet naicweo aboisit na ngesi aidareun Samuel aswam ngun?

5. Anyoika akiro nuisisiauni oni kotoma akiro nuikamunitos Saul?

Angiseta nuiyatakina:

1. Kosiom 1 Samuel 9:15-21 ka 10:17-27.

   Epone ani abu ajautene lo aitasono ingarakina Saul ainac amotakin aswam nueroko ne eneratar icetunga erono nejai ngesi? (1 Sam. 9:21; 10:21, 22, 27; Awa. 17:27)

2. Kosiom 1 Samuel 13:5-14.

   Anyoin adiakaret nabu Saul kiswama ko Gilgal? (1 Sam. 10:8; 13:8, 9, 13)

3. Kosiom 1 Samuel 15:1-35.

   1. Anyoin adiakaret nati nabu Saul kiswama naikamanara kede Agag ekabaka loka Amalek? (1 Sam. 15:2, 3, 8, 9, 22)

   2. Epone an abu Saul otamia aitojok akeswamisio ka aitam aijular aitoronet? (1 Sam. 15:24)

   3. Aikwenyaret ani ibusakinit oni lolo apupokin neijaikinere oni airetakinet? (1 Sam. 15:19-21; Sab. 141:5; Awa. 9:8, 9; 11:2)

Aitetemet 57

1. Ingai bo ekiror loka esapat loejai toma aputo, ido epone bo ani ijenuna oni ebe etiting ngesi noi?

2. Aibo iboio Daudi, ido lukangai ikiroria luka papake ka papaake?

3. Kanukinyo abu Yawe kolimokina Samuel alosit ore loka Yesse ko Betelekem?

4. Inyoin abu kotakam keyau Yese isapake ikanyaarei nejai Samuel?

5. Anyoika nu abu Yawe kilomok Samuel keyangaun Daudi?

Angiseta nuiyatakina:

1. Kosiom 1 Samuel 17:34, 35.

   Epone ani ikeunitotor akiro nu atiting ka amunokina naka Daudi nejai Yawe? (1 Sam. 17:37)

2. Kosiom 1 Samuel 16:1-14.

   1. Epone ani ingarakinatar oni akiro nuka Yawe nuejaasi 1 Samuel 16:7 araut lumam itiakatiakai ka ainac aimuarit luce kotoma asesen nu nuetakanete? (Asw. 10:34, 35; 1 Tim. 2:4)

   2. Epone ani itodunitor aanyunet naka Saul ebe, elema Yawe ikemoyo lokalaunan kanejai itunganan, ilelebun do ngesi emoyo lo aronon araibo eipud aswam nuarokok bon? (1 Sam. 16:14; Mat. 12:43-45; Gal. 5:16)

Aitetemet 58

1. Anyoin ainingosit nabu Goliat koinak ajore naka Isirael?

2. Atia bo Goliat ai, ido anyoin ainakinet nabu Ekabaka Saul isumunik etunganan lo eari Goliat?

3. Anyoika nu abu Daudi otema elimoki Saul ngesi ebe mam ngesi epedori aitiji Goliat naarai aroko Daudi erai isapat?

4. Kotoma abongokin Goliat, epone ani etoduna Daudi ebe emunokina ngesi Yawe?

5. Kwape iteio ijo kotoma aputo, inyo abu Daudi itosom ayaria Goliat, ido inyo abu kotakanik Ipilisitian akaulo kana?

Angiseta nuiyatakina:

1. Kosiom 1 Samuel 17:1-54.

   1. Inyo arai aiyeya naka atiting ke naka Daudi, ido epone ani ipedoria oni aisisiaun aketiting? (1 Sam. 17:37, 45; Pes. 6:10, 11)

   2. Kanukinyo ibusakinitor Ikristayon ainac emoyo lo elagono kwape loka Goliat ne ejaatar kesi abolia araibo aiyengun? (1 Sam. 17:8; Gal. 5:26; 1 Tim. 4:8)

   3. Epone ani itodunitotor akiro nuka Daudi ebe ajaatar ngesi aiyuun toma aingarakinio naka Edeke? (1 Sam. 17:45-47; 2 Siit. 20:15)

   4. Aboisit na aitetem nu elagano lo ajai kiding ajoresio aarei nuapegasi, epone ani itodunitotor akiro nu cut ebe, ejie ajaai kiding idekesio nukaisab ka Edeke lokabeit, Yawe? (1 Sam. 17:43, 46, 47)

   5. Epone ani etamitotor luideuna inyonyoikinitete atupaar aanyunet naka Daudi na amunokina Yawe? (1 Sam. 17:37; Yer. 1:17-19; Apu. 12:17)

Aitetemet 59

1. Kanukinyo ekokotikitor Saul Daudi konye epone bo ani agelakinar Yonatan okoku loka Saul?

2. Inyo abu otakan adiopeparan erami Daudi alamaru kanuka Saul?

3. Anyoika abu Saul olim nu ebusakinit Daudi aswam eroko ngesi eyangara Mikal, akoku naka Saul kwape akeberu, ido kanukinyo abalar Saul kwangin?

4. Keram Daudi alamaru kanuka Saul, anyoika nu apotu iswamaunos irwan nauniet, kwape itodunitore kotoma aputo?

5. Epone ani abu Mikal aingarakinia aitajar aijar naka Daudi, ido anyoika nu abeit Daudi aswam adaun ikar ikanyarei?

Angiseta nuiyatakina:

1. Kosiom 1 Samuel 18:1-30.

   1. Epone ani itodunitor amin namam abila kiding Yonatan ka Daudi amin napuponora kiding “amerekin ace” ka “esipan loedit”? (1 Sam. 18:1; Yok. 10:16; Luka 12:32; Sek. 8:23)

   2. Kwape abeitor Yonatan araun emusika loka Saul, epone ani itodunitor 1 Samuel 18:4 ebe ajatatar Yonatan anonokikit naumokina nejai lo aseunitai araun ekabaka?

   3. Epone ani atodunitor aanyunet naka Saul ebe ekokote eyangauni adiakar nati, ido anyoin aikwenyaret na ijaikinit na oni? (1 Sam. 18:7-9, 25; Yak. 3:14-16)

2. Kosiom 1 Samuel 19:1-17.

   Epone bo ani abu Yonatan ibwaikina akeijar toma ationis neabunokinia saul? (1 Sam. 19:1, 4-6; Awa. 16:​14)

Aitetemet 60

1. Ingai bo ekiror loka aberu naebunit airiamun ka Daudi kotoma aputo, ido erai ngesi atunganan na ikoni bo ai?

2. Ingai bo Nabal?

3. Kanukinyo ejukara Daudi iketunga nejai Nabal aingitun aingarakinio?

4. Anyoika nu abu Nabal kolimok itunga luka Daudi, ido epone ani abu Daudi ijauna akiro ngun?

5. Epone ani abu Abigail itoduna ebe arai ngesi aberu nacobe?

Angiseta nuiyatakina:

1. Kosiom 1 Samuel 22:1-4.

   Epone ani itodiaritor ekale loka Daudi aanyunet najokan kopone loibusakinitor oni aingaranakin bonik ka bonik kotoma onacene loka Ekristayone? (Awa. 17:17; 1 Ses. 5:14)

2. Kosiom 1 Samuel 25:1-43.

   1. Kanukinyo itetemitere Nabal kapone kalo aimuarit? (1 Sam. 25:2-5, 10, 14, 21, 25)

   2. Inyo epedorete angor nueraasi Akritayon aisisiaun kane ejai aanyunet naka Abigail? 1 Sam. 25:32, 33; Awa. 31:26; Pes. 5:24)

   3. Inyoika iboro iarei luaroko luabu Abigail itikok Daudi aswam? (1 Sam. 25:31, 33; Rom. 12:19; Pes. 4:26)

   4. Epone ani epedoria abongokinet naka Daudi nejaai Abigail aingarakin ikiliok asesen angor kwape esesena Yawe? (Asw. 21:8, 9; Rom. 2:11; 1 Pet. 3:7)

Aitetemet 61

1. Inyo apotu Daudi ka Abisai iswamaata ne ajotoo Saul kodukuru ke?

2. Anyoika angiseta nuabu Daudi kingit Saul?

3. Akaulo na anyeikin Saul, aibo abu Daudi kolot?

4. Inyo abu kitakadik Daudi noi tetere ngesi iwadikai ekosio lo aiturur?

5. Arai Daudi lo ikar idi lukapolou itarauno nges ekabaka ko Keburon, ido luangai ikiroria luka ikesap?

6. Akaulo, aibo abu Daudi ipugaa kwape ekabaka?

Angiseta nuiyatakina:

1. Kosiom 1 Samuel 26:1-25.

   1. Inyo itodunit alimunet naka Daudi naiwadikatai toma 1 Samuel 26:11 nejai ayait naka Edeke? (Sab. 37:7; Rom. 13:2)

   2. Neitamia oni kagogong kere aitodun asianut kasodete adumun numam isialamikinitos, epone ani ingarakinatar oni akiro nuka Daudi nuiwadikatai 1 Samuel 26:23 asesen iboro kopone loibusakinit? (1 Ika. 8:32; Sab. 18:20)

2. Kosiom 2 Samuel 1:26.

   Epone ani epedoriata Ikiristayon lolo adukun ‘aminanara naedunyakinit neja kesi bonik ka bonik’ na ajaatar Daudi ka Yonatan? (1 Pet. 4:8; Kol. 3:14; 1 Yok. 4:12)

3. Kosiom 2 Samuel 5:1-10.

   1. Edaunit Daudi ikar idi ipugai kwape ekabaka, ido epone ani etiakitere apak na? (2 Sam. 5:4, 5)

   2. Aibo alomunitor apedor naka Daudi, ido epone ani eraar na aisitunet neijai oni lolo? (2 Sam. 5:10; 1 Sam. 16:13; 1 Kor. 1:31; Pil. 4:13)

Aitetemet 62

1. Kotoma aingarakinio naka Yawe anyoika nu apotu kotakanikis akwap nako Kanaan?

2. Anyoika nu apotu iswamaunos apaaran adiopet ne ajaar Daudi oswi lo etogo ke lokajakanut?

3. Kanukinyo abu Yawe onyunyurikina Daudi?

4. Kotoma aputo, ingai bo abu Yawe ijuka alimokin Daudi adiakanareta ke, ido anyoika abu etunganan ngol kolim nuabeit atakanikin Daudi?

5. Ationis anyoin ejaatar Daudi?

6. Ingai abu koraun ekabaka loka Isirael akaulo naka Daudi?

Angiseta nuiyatakina:

1. Kosiom 2 Samuel 11:1-27.

   1. Epone ani eraar, apaikinit epol aswam kotoma aijaanakin Yawe ayuara neijai oni?

   2. Epone bo ani eriaror Daudi toma adiakar, ido anyoin aikwenyaret einakini na ijaanakinak luka Yawe lolo? (2 Sam. 11:2; Mat. 5:27-29; 1 Kor. 10:12; Yak. 1:14, 15)

2. Kosiom 2 Samuel 12:1-18.

   1. Anyoika nu epedorete imakio ka auriak aisisiaun kopone kalo abu Natan odolokina Daudi kanu ainakin ngesi aicoret? (2 Sam. 12:1-4; Awa. 12:18; Mat. 13:34)

   2. Kanukinyo abu Yawe itimio Daudi? (2 Sam. 12:13; Sab. 32:5; 2 Kor. 7:9, 10)

Aitetemet 63

1. Anyoika abu Yawe ingit Solomon, ido epone ani abu ngesi kobongokina?

2. Naarai abu nges iyalamikin kede alipan naka Solomon, inyo abu Yawe isumun ainakin ngesi?

3. Anyoin ationis naninik napotu angor aarei koyautu neijai Solomon?

4. Kwape iteio ijo kotoma aputo epone ani abu Solomon kitemokina ationis ngin?

5. Ekoni bo apugan naka Solomon ai, ido kanukinyo ekonia nen?

Angiseta nuiyatakina:

1. Kosiom 1 Ikabakan 3:3-28.

   1. Inyo epederote ikiliok lueinakinitai apedorosia atukot naka Edeke lolo aisisiaun kotoma akiro nuka Solomon nukotau nuiwadikatai 1 Ikabakan 3:7? (Sab. 119:105; Awa. 3:5, 6)

   2. Epone ani eraar alipan naka solomon aanyunet najokan naka iboro luebeit ailip? (1 Ika. 3:9, 11; Awa. 30:8, 9; 1 Yok. 5:14)

   3. Amunokina anyoin einakinit oni epone lo etemokina Solomon ecelet loajai kiding angor aarei nukamunitos apugan naebunit naka Solomon Loapolon, Yesu Kristo? (1 Ika. 3:28; Isa. 9:6, 7; 11:2-4)

2. Kosiom 1 Ikabakan 4:29-34.

   1. Epone ani abu Yawe kobongokina alipan naka Solomon adumun etau loerimana? (1 Ika. 4:29)

   2. Kwa atamitotor itunga apupun acoa naka Solomon, epone ani ibusakinitor oni ayangarit aisisia Akirot Naka Edeke? (1 Ika. 4:29, 34; Yok. 17:3; 2 Tim. 3:16)

Aitetemet 64

1. Apak na etia ai abu Solomon odau kanu arikakin aiduk eyekalu loka Yawe, ido kanukinyo ayangar aiduk ngin isirigin luipu noi?

2. Adi agolai nuapolok nuejaasi toma oyekalu, ido inyo aponi ibwaikinai agola nakotoma?

3. Anyoika nuabu Solomon kolim ailip ke edaun aiduk eyekalu?

4. Epone ani etoduna Yawe ebe iyalama ngesi kede alipan naka Solomon?

5. Inyo apotu angor nuka Solomon opedosi ainakim ngesi aswam, ido inyo abu kotakanik Solomon?

6. Kanukinyo abu Yawe onyunyurikina Solomon, ido anyoika nu abu Yawe kolimok ngesi?

Angiseta nuiyatakina:

1. Kosiom 1 Aisiitonokin 28:9, 10.

   Kwa ejaatar akiro nuka Daudi nu iwadikatai 1 Aisiitonokin 28:9, 10, anyoika nuibusakinit oni aitam aswam nignipaaran na aijar wok? (Sab. 19:14; Pil. 4:8, 9)

2. Kosiom 2 Aisiitonokin 6:12-21, 32-42.

   1. Epone ani etoduna Solomon ebe emamei aduketai na edukuni etunganan na ailosikin Edeke Lojai Kuju kakuj? (2 Siit. 6:18; Asw. 17:24, 25)

   2. Anyoika nu itodunitos akiro nuka Solomon nuiwadikatai toma 2 Aisiitonokin 6:32, 33 nuikamunitos Yawe? (Asw. 10:34, 35; Gal. 2:6)

3. Kosiom 2 Aisiitonokin 7:1-5.

   Kwape apotu idwe luka Isirael imalatar Yawe akaulo na aanyun abuses ke, epone ani etirora nen oni ne ianyuna arerengusio nuka Yawe kotunga ke? (2 Siit. 7:3; Sab. 22:22; 34:1; 96:2)

4. Kosiom 1 Ikabakan 11:9-13.

   Epone ani itodunitor aijar naka Solomon ajokis na apaikin iyuunit kilom awasia? (1 Ika. 11:4, 9; Mat. 10:22; Apu. 2:10)

Aitetemet 65

1. Kolim ikiroria luka itunga iarei luejaasi toma aputo, ido luangai kesi?

2. Inyo abu Akiya iswama kede anapito na anapit ngesi, ido inyoin apolou na aswamisiot angin?

3. Inyo abu Solomon otam aiswamaikin Yeroboam?

4. Kanukinyo etaraunatar itunga Yeroboam ekabaka loka atekerin atomon?

5. Kanukinyo asubuna Yeroboam itaak iarei luka esabu, ido inyo abu otakanik akwap akaulo na akiro nu?

6. Inyo abu otakanik ajakanut na atekerin aarei ka eyekalu loka Yawe loajai Yerusalem?

Angiseta nuiyatakina:

1. Kosiom 1 Ikabakan 11:26-43.

   Arai Yeroboam etunganan lo ekoni ai, ido inyo abu Yawe isumunik ngesi erai eric ngesi ikisila luka Edeke? (1 Ika. 11:28, 38)

2. Kosiom 1 Ikabakan 12:1-33.

   1. Kotoma aanyunet naronon naka Rekoboam, inyo epedorete iuriak ka imakio aisisiaun kanu aimwang apedor? (1 Ika. 12:13; Lim. 7:7; 1 Pet. 5:2, 3)

   2. Nejai ingai ibusakinit lolo atumunak abear kanuka aitetenio na esipo neseunatar kesi aseununeta nuepol kotoma aijarakec? (1 Ika. 12:6, 7; Awa 1:8, 9; 2 Tim. 3:16, 17; Bur. 13:7)

   3. Anyoika nu ainakinete Yeroboam asipokin aboisio aarei nu amaere itaak, ido epone ani etoduna na amamus aiyuunit Yawe? (1 Ika. 11:37; 12:26-28)

   4. Ingai abu ingarenik itunga lu ajakanut na atekerin atomon aipalkin aima nabeit? (1 Ika. 12:32, 33)

Aitetemet 66

1. Ingai bo Yesebel?

2. Kanukinyo anyunyurar Ekebaka Akab adiopepaaran?

3. Inyo abu Yesebel iswama kanu adumakin okilenike, Akab emanikor loka Nabos?

4. Ingai bo abu Yawe ijuka kanu aitisilar Yesebel?

5. Kwape iteio ijo kotoma aputo, anyoika nu apotu iswamaunos edolu Yeku ore lokajakanut loka Yesebel?

Angiseta nuiyatakina:

1. Kosiom 1 Ikabakan 16:29-33 ka 18:3, 4.

   Epone bo ani aronar ejautene apaarasia nuka Ekabaka Akab? (1 Ika. 14:9)

2. Kosiom 1 Ikabakan 21:1-16.

   1. Epone ani etoduna Nabos atiting ka amunokina Yawe? (1 Ika. 21:1-3; Leb. 25:23-28)

   2. Kotoma aunyunet naka Akab, anyoika ipedori oni aisisiaun kanu aipikor aitakadikinio? (1 Ika. 21:4; Rom. 5:3-5)

3. Kosiom 2 Ikabakan 9:30-37.

   Anyoika ipedori oni aisisiaun kotoma akukuranut naka Yeku aswam akote naka Yawe? (2 Ika. 9:4-10; 2 Kor. 9:1, 2; 2 Tim. 4:2)

Aitetemet 67

1. Ingai bo Yekosapat, ido iboit ngesi kapaka ani?

2. Kanukinyo akuriakatar idwe luka Isirael, ido anyoika apotu luipu katesi iswamata?

3. Anyoin abongokinet nabu Yawe koinak kanu alipan naka Yekosapat?

4. Inyo abu Yawe koinak aiswamaun eroko ejie edolo?

5. Anyoika ipedori oni aisisiaun kanejai Yekosapat?

Angiseta nuiyatakina:

1. Kosiom 2 Aisiitonokin 20:1-30.

   1. Epone ani etoduna Yekosapat nuibusakinit ijaanakinak luka Edete aswam neitereikinotor kesi kede ejautane loitukuriani? (2 Siit. 20:12; Sab. 25:15; 62:1)

   2. Kwape duc etosomaa Yawe erot loitejenunet akekiro nejaasi iketunga, enyoin erot loitosomai ngesi lolo? (2 Siit. 20:14, 15; Mat. 24:45-47; Yok. 15:15)

   3. Eyangau Edeke “ejie loka apaaran nakapolon naka Edeke Lokapedor kere,” epone ani aputokinor ajautene wok kede ngol loka Yekosapat? (2 Siit. 20:15, 17; 32:8; Apu. 16:14, 16)

   4. Anu oni aputoor kede ilebin, ipayonias ka imisionaris, eyangauni na akorakinet anyoin ne ejai alimonokin na akwap kere lolo? (2 Siit. 20:19, 21; Rom. 10:13-15; 2 Tim. 4:2)

Aitetemet 68

1. Lubo angai itunga iuni luejaasi toma aputo, ido inyo abu kotakanik isapat?

2. Inyo abu Eliya ilip luikamunitos esapat, ido anyoika apotu iswamaunos?

3. Ingai bo ekiror loka engarakinan ke Eliya?

4. Kanukinyo anyararere Elisa ore loka aberu najai Sunem?

5. Inyo abu Elisa iswama, ido inyo abu iswamaikin ikoku yeni atwanik?

6. Apedor anyoin ejaatar Yawe kwape itodunitere kanejai Eliya ka Elisa?

Angiseta nuiyatakina:

1. Kosiom 1 Ikabakan 17:8-24.

   1. Epone ani etemere arimarit ka aiyuun naka Eliya? (1 Ika. 17:9; 19:1-4, 10)

   2. kanukinyo araar aiyuun naka apuserut naka Sarapet naaumokina noi? (1 Ika. 17:12-16; Luka 4:25, 26)

   3. Epone ani itodiaritor, aitijenaret na apusenut nako Sarapet abeit nuka akiro nuenera Yesu nuiwadikatai Matayo 10:41, 42? (1 Ika. 17:10-12, 17, 23, 24)

2. Kosiom 2 Ikabakan 4:8-37.

   1. Anyoika isisianakini oni aberu naka Sunem kanu aisukuny ipejok? (2 Ika. 4:8; Luka 6:38; Rom. 12:13; 1 Yok. 3:17)

   2. Orotin anu ipedoria oni aitoduun aswamisio nukasianut nejaas ijaanakinak luka Edeke lolo? (Asw. 20:35; 28:1, 2; Gal. 6:9, 10; Bur. 6:10)

Aitetemet 69

1. Kotoma aputo, inyo ejaai ipese ngin alimonokin amucalat?

2. Ingai bo amucalat na ejai aputo ido inyoin bo iswamai ipese kotogo loka amucalat kangin?

3. Inyo abu Elisa icorak ejaanakinanike alimokin Naaman, ido kanukinyo anyunyurikinor Naaman?

4. Inyo abu iswamaun epupoki Naaman ijaanakinake?

5. Kanukinyo angeria Elisa ainakinet naka Naaman, ido inyo abu Gekasi iswama?

6. Anyoika nu apotu iswamaikinos Gekasi, ido anyoika ipedori oni aisisiaun kane?

Angiseta nuiyatakina:

1. Kosiom 2 Ikabakan 5:1-27.

   1. Epone ani epedora aanyunet naka ipese angin aisinyokikin atumunak lolo? (2 Ika. 5:3; Sab. 8:2; 148:12, 13)

   2. Kanukinyo ejokunar aitun aanyunet naka Naaman ne idumuna aicorio na elibunit Awadikaeta nukalaunak? (2 Ika. 5:15; Bur. 12:5, 6; Yak. 4:6)

   3. Anyoika nuipedori oni aisisiaun kotoma aitirian aanyunet naka Elisa ka Gekasi? (2 Ika. 5:9, 10, 14-16, 20; Mat. 10:8; Asw. 5:1-5; 2 Kor. 2:17)

Aitetemet 70

1. Ingai bo Yona, ido inyo abu Yawe kolimok ngesi aswam?

2. Naarai mam ngesi akoto alosit ne alimokinit Yawe ngesi, inyo abu Yona iswama?

3. Anyoika nu abu Yona olimok ekwangak aswam tetere ekwam lo angolol iyamakin?

4. Kwape iteio ijo kotoma aputo, inyo abu kiswaun kelumo Yona akipi?

5. Apak na etia ai abu Yona kodau kakoik naka agar, ido inyo abu ngesi kiswama kangina?

6. Ai abu Yona kolot akaulo na ngesi alomun kakoik naka agar, ido inyo isisianakini na oni?

Angiseta nuiyatakina:

1. Kosiom Yona 1:1-17.

   Kotoma aidelel, epone ani asesena Yona epelu ke lo alimonokin itunga luko Nenebe (Yona 1:2, 3; Awa. 3:7; Lim. 8:12)

2. Kosiom Yona 2:1, 2, 10.

   Epone ani idumuna oni amuno kanejai aitijenaret naka Yona ebe, ebongokini Yawe alipasinei wok? (Sab. 22:24; 34:6; 1 Yok. 5:14)

3. Kosiom Yona 3:1-10.

   1. Asinyokikinet anyoin idumuni oni opone kalo abu Yawe iyatakina aitosom Yona karaida sek abu omen ngesi ailelebikin epelu ke? (Sab. 103:14; 1 Pet. 5:10)

   2. Anyoika nu isisianaki oni aitijenaret naka Yona kede itunga luka ninebe nuikamunit mam atubonokin itunga ane ilimonokina oni? (Yona 3:6-9; Lim. 11:6; Asw. 13:48)

Aitetemet 71

1. Ingai bo Isaia, iwori bo eboitor ngesi, ido inyo abu Yawe itodiik ngesi?

2. Anyoin apolou na kirot “paradais” ido inyo isitikinit ngesi ijo?

3. Anyoika nu abu Yawe kolimok Isaia awadik nukamunitos Paradais nakitetet?

4. Kanukinyo atwakiaratar Adam ka Keba erekec loebus?

5. Inyo isumunikit Yawe ngul lueminas ngesi?

Angiseta nuiyatakina:

1. Kosiom Isaia 11:6-9.

   1. Epone ani itodunitor akirot naka Edeke ainapakina na ejaun kiding itiang ka itunga kotoma akwap nakitetet? (Sab. 148:10, 13; Isa. 65:25; Esk. 34:25)

   2. Epone ani ejaatar akiro nuka Isaia ailelebun komoyo koding itunga luka Edeke lolo? (Rom. 12:2; Pes. 4:23, 24)

   3. Ingai ibusakinit adumun aiturio kanu aiteteun naka iponesio luka itunga kwana ka lwaru akwap nakitetet? (Isa. 48:17, 18; Gal. 5:22, 23; Pil. 4:7)

2. Kosiom Apukokinio 21:3, 4.

   1. Epone ani itodunitotor Awadikaeta ebe ajaenena naka Edeke nepepe ka itunga, erai apolouke ajaun kotoma aitupuset, mam ngesi ebuni aiboi kakuan kotoma akwap? (Leb. 26:11, 12; 2 Siit. 6:18; Isa. 66:1; Apu. 21:2, 3, 22-24)

   2. Akiyo anyoika ka ariebo anyoin nu elemario? (Luka 8:49-52; Rom. 8:21, 22; Apu. 21:4)

Aitetemet 72

1. Ingai bo etunganan lo ejai toma aputo, ido kanukinyo ejaar ngesi toma ationis naepol?

2. Inyoika ibaluan lu apesikit Kesekia ngaren naka Edeke, ido anyoika nu ilipi Kesekia?

3. Erai Kesekia ekabaka lo ikoni ai, ido anyoika akiro nu ejukaki ngesi Yawe itosomai enabi Isaia?

4. Inyo abu emalaika loka Edeke iswamaik ajiok luka Asuria kwape itodunitere kotoma aputo?

5. Karaida abu ajakanut naka atekerin aarei odum ainapakin adaun apak naeuriana, inyo abu otakan akaulo na atwania Kesekia?

Angiseta nuiyatakina:

1. Kosiom 2 Ikabakan 18:1-36.

   1. Epone ani atamitor Rabasake, eraban loka Asuria aitonokokar aiyuun naka idwe luka Isirael? (2 Ika. 18:19, 21; Any. 5:2; Sab. 64:3)

   2. Epone ani etupakinatar Ajenak luka Yawe aanyunet naka Kesekia ne itepegere kesi? (2 Ika. 18:36; Sab. 39:1; Awa. 26:4; 2 Tim. 2:24)

2. Kosiom 2 Ikabakan 19:1-37.

   1. Epone ani aputorotor lolo itunga luka Yawe ka Kesekia kotoma apak naka aburuun? (2 Ika. 19:1, 2; Awa. 3:5, 6; Bur. 10:24, 25; Yak. 5:14, 15)

   2. Anyoika ameneta auni nuabu Ekabaka Senakerib kodum, ido ingai itupusit ngesi kotoma adwaretait? (2 Ika. 19:32, 35, 37; Apu. 20:2, 3)

3. Kosiom 2 Ikabakan 21:1-6, 16.

   Kanukinyo ebalare ebe Manase ngesi ekabaka lo aronon akere aipuga Yerusalem? (2 Siit. 33:4-6, 9)

Aitetemet 73

1. Arai Yosia lo ikar idi lukapolou erauni ekabaka, ido inyo abu ngesi kogeu aswam akaulo na ngesi araut ekabaka ikar ikanyikaarei?

2. Inyo itei ijo ejai Yosia aswam kotoma aputo nasodit?

3. Inyo abu esasedoti lopeti kodum ne etemonokinere eyekalu?

4. Kanukinyo acilicila Yosia ikegoen?

5. Akiro anyoika nuka Yawe nuabu anabi Kulida koinak Yosia?

Angiseta nuiyatakina:

1. Kosiom 2 Aisiitonokin 34:1-28.

   1. Aanyunet anyoin einakin Yosia ngul luetitinyikinete atumun naetiono? (2 Siit. 33:21-25; 34:1, 2; Sab. 27:10)

   2. Inyoika iboro luabu Yosia kiswama kanu aitopolor aima nabeit kokaru 8, 12, 18 luka aipuga ke? (2 Siit. 34:3, 8)

   3. Anyoika nuisisiauni oni kotoma aanyunet naka Ekabaka Yosia, ka Esasedoti Lopeti Kilikia kanu aidar aiboisio wok nuka aima? (2 Siit. 34:9-13; Awa. 11:14; 1 Kor. 10:31)

Aitetemet 74

1. Ingai bo atumunak loejai toma aputo?

2. Anyoika aomit Yeremia kanu ngesi araun enabi, konye anyoika abu Yawe kolimok ngesi?

3. Akiro anyoika abu Yeremia kinyikok alimonokin itunga?

4. Epone ani apotu isasedotin otamatar aitikokin Yeremia, konye epone ani abu nges itoduna ebe mam ngesi ekuriana?

5. Inyo abu iswamaun kengeroto idwe luka Isirael aijulakin irotin kec luaroko?

Angiseta nuiyatakina:

1. Kosiom Yeremia 1:1-8.

   1. Kwape itodunitor aanyunet naka Yeremia, inyo itogogongori itunganan kanuka aswam naka Yawe? (2 Kor. 3:5, 6)

   2. Asinyikokinet anyoin einakit aanyunet naka Yeremia atumunak Lukristayon lolo? (Lim. 12:1; 1 Tim. 4:12)

2. Kosiom Yeremia 10:1-5.

   Anyoin aitupuset nagogong nabu Yeremia itosom aitoduna abanganut na amunokina aputosia? (Yer. 10:5; Isa. 46:7; Kbk. 2:19)

3. Kosiom Yeremia 26:1-16.

   1. Ne ikwenyanaratar itunga, epone ani ericitotor luideuna luinyonyoikinitai aicorakinet naka Yawe nejai Yeremia ebe ‘sirikimunon adiokirot’ otaon kec? (Yer. 26:2; Ikis. 4:2; Asw. 20:27)

   2. Aanyunet anyoin najokan na ijaikinit Yeremia Ajenak luka Yawe lolo, kotoma alimonokin aikwenyanareta luka Yawe nejaasi atekerin? (Yer. 26:8, 12, 14, 15; 2 Tim. 4:1-5)

4. Kosiom 2 Ikabakan 24:1-17.

   Anyoika nukarokok nuopotu kotakanutu akaulo na Yuda aipalikin Yawe? (2 Ika. 24:2-4, 14)

Aitetemet 75

1. Lubo angai isapa iwongon luejaasi toma aputo, ido kanukinyo ejaatar kesi Babulon?

2. Anyoika aitemonokineta nuejaatar Nebukadenesar kanuka isapa ngul iwongon, ido anyoika acoreta nu ainaki ngesi ikejaanakinak?

3. Alipan na aingit ani nabu Daniel koinak naikamunit inyamat ka imatan kanuke ka ipupake iuni?

4. Akaulo na anyamenen idiasio lukwii adaun apaarasia atomon, epone ani ajaar Daniel ka ipaupake iuni itiriani kede atumunak luce?

5. Opone ani adoluna Daniel ka ipaupake iuni togo loka ekabaka, ido opone ani ajokatar kesi adepar imurwok ka ikasupok?

Angiseta nuiyatakina:

1. Kosiom Daniel 1:1-21.

   1. Agogong na ikoni ai ekotoi arai ikoto oni aitepeg acodununeta ka aipikor akalanyanut? (Dan. 1:8; Age. 39:7, 10; Gal. 6:9)

   2. Kopone ani acepak epedorere acodun araibo abuikin atumunak adiakar kotoma anu eomitos ice ebe “inyamat”? (Dan. 1:8; Awa. 20:1; 2 Kor. 6:17–7:1)

   3. Anyoika nu ingarakinete oni akiro nuka Obaibuli nukamunitos atumunak iwongon luaraasi Iburanian amisikin kanu aisisia aijen naka akwap? (Dan. 1:20; Isa. 54:13; 1 Kor. 3:18-20)

Aitetemet 76

1. Inyo ejai atakanikin Yerusalem ka idwe luka Isirael kwape itodunitere kotoma aputo?

2. Ingai bo Esekiel, ido inyoika iboro luetukurianete luabu Yawe kitodik ngesi?

3. Kwape mam idwe luka Isirael anyongitotor Yawe, inyo abu nges kisumunik kesi?

4. Inyo abu Ekabaka Nebukadenesar iswama akaulo na idwe luka Isirael aipalikin ngesi?

5. Kanukinyo acamakina Yawe amudiaro narono na aswamakin odwe luka Isirael?

6. Opone ani ajalakinere akwap naka Isirael emamei idiotunganan ido adaun apak naetia ai?

Angiseta nuiyatakina:

1. Kosiom 2 Ikabakan 25:1-26.

   1. Ingai bo Sedekia, inyo abu kotakanik ngesi, ido epone ani elelebikina na adwarasit na Obaibuli? (2 Ika. 25:5-7; Esk. 12:13-15)

   2. Ingai etepesenit Yawe kanu epali kere lo eswamat isirael? (2 Ika. 25:9, 11, 12, 18, 19; 2 Siit. 36:14, 17)

2. Kosiom Esekiel 8:1-18.

   Epone ani aputokinotor Ikristayon luesoswai kede idwe luka Isirael luaparitos lu amaete akolong? (Esk. 8:16; Isa. 5:20, 21; Yok. 3:19-21; 2 Tim. 4:3)

Aitetemet 77

1. Anyoin aicorakinet na ainakinit ekabaka Nebukadenesar loka Babulon itunga?

2. Kanukinyo mam ipaupake Daniel iuni ekukotor aima aput naka esabu?

3. Keinaki bobo Nebukadenesar Iburanian lu iuni arereng ace na akukokin aima, epone ani apotu kesi itodunar ebe emunokina kesi Yawe?

4. Inyo abu Nebukadenesar oinak iketunga aiswamaikin Sadurak, Mesak ka Abednego?

5. Inyo abu Nebukadenesar koany, kireik nges eupa?

6. Kanukinyo eturio ekabaka Edeke loka Sadurak, Mesak ka Abednego, ido aanyunet anyoin einakinitos kesi oni?

Angiseta nuiyatakina:

1. Kosiom Daniel 3:1-30.

   1. Enyoin ejautene loapotu atumunak iuni lu Iburanian itodutu lo ibusakinit ejanakinak luka Edeke kere atupaar ne itereikinotor kesi kede aitemeta nuka aiyuun kec? (Dan. 3:17, 18; Mat. 10:28; Rom. 14:7, 8)

   2. Anyoin aisisianakinet na apol noi nabu Edeke Yawe kisisianak Nebukadenesar? (Dan. 3:28, 29; 4:34, 35)

Aitetemet 78

1. Inyo abu otakan ni etemokinitor ekabaka lo Babulon epucit kosodi aitosom akopon ka abakulan nu ayangaritai ko Yekalu loka Yawe loajai Yerusalem?

2. Anyoika abu Belesasar kolimok lukacoa ke, konye inyo mam kesi apedorete aswam?

3. Anyoika abu totoke ekabaka olimokin ngesi aswam?

4. Kotoma akiro nu alimokini Daniel ekabaka, kanukinyo ejukunitor Edeke akan aiwadik arwatata?

5. Epone ani abu Daniel kitetema apolou na akiro nuewadikaatai arwatat?

6. Anyoika nu apotu otakanutu nepe eroko Daniel inera?

Angiseta nuiyatakina:

1. Kosiom Daniel 5:1-31.

   1. Kitiriam akuriau na ayongit Edeke kede akuriau na abu odoik Belesasar keanyu ngesi awaidikaet arwatat? (Dan. 5:6, 7; Sab. 19:9; Rom. 8:35-39)

   2. Epone ani abu Daniel itoduna atiting napol noi ne eneratar ngesi kede Belesasar ka ijakake? (Dan. 5:17, 18, 22, 26-28; Asw. 4:29)

   3. Epone ani itopoloritor Daniel isula 5 epugae loka Yawe? (Dan. 4:17, 25; 5:21)

Aitetemet 79

1. Ingai bo Dario, ido epone ani esesena ngesi Daniel?

2. Inyo apotu itunga icie luekokote koinakis Dario aswam?

3. Inyo abu Daniel iswama akaulo na ngesi aisisiaun nuekamunitos ekisil loitetet?

4. Kanukinyo akadakinitos Dario noi kiton ajoo aimen, ido inyo abu ngesi iswama atupuruc natupakini?

5. Epone ani abu Daniel kobongokina Dario?

6. Inyo abu kotakanik itunga luaroko luatamitos aiyar Daniel, ido inyo abu Dario kiwadikak itunga ke kere kotoma ajakanut ke?

Angiseta nuiyatakina:

1. Kosiom Daniel 6:1-28.

   1. Epone ani isitoikina oni ainerun naka ebotet nejai Daniel nuetamitos etepegak aswam kanu aitikokin aswam naka Ajenak luka Yawe lolo? (Dan. 6:7; Sab. 94:20; Isa. 10:1; Rom. 8:31)

   2. Epone ani epedoriata ijanakinak luka Edeke aputor Daniel kotoma apaikin inonokikit ‘lueyaito’ lolo? (Dan. 6:5, 10; Rom. 13:1; Asw. 5:29)

   3. Epone ani ipedoria oni atupakin aanyunet naka Daniel na ‘aijaanakin Yawe tiritir’? (Dan. 6:16, 20; Pil. 3:16; Apu. 7:15)

Aitetemet 80

1. Kwape itodiaritei kotoma aputo, inyo iswamaete Isiraelin?

2. Epone ani etodolikina Kuro nu adwarit Yawe itosomai enabi ke Isaia?

3. Anyoika abu Kuro kolimok Isiraelin lumam apedorete abongoor Yerusalem?

4. Inyo abu Kuro koinak itunga ainyakar Yerusalem?

5. Apak na etia ai abu koyangaik Isiraelin adolore Yerusalem?

6. Ikar idi atuboros ageun ne ajalakinere akwap cut emamete itunga?

Angiseta nuiyatakina:

1. Kosiom Isaia 44:28 ka 45:1-4.

   1. Epone ani ekeunitor Edeke Yawe ebe ilelebun akedwarasit naikamunit Kuro? (Isa. 55:10, 11; Rom. 4:17)

   2. Ainyoika rwitodunit adwarasit naka Isaia naikamunit Kuro nuikamunitos apedor naka Edeke Yawe aidwar nukoingaren? (Isa. 42:9; 45:21; 46:10, 11; 2 Pet. 1:20)

2. Kosiom Esera 1:1-11.

   Katupitos anyunet na ngul lu mam apotu opedosi abongor Yerusalem, epone ani ipedoria oni lolo ‘aitogogong akanin’ alu mam epedorete alomar aijanakin isawan kere? (Esr. 1:4, 6; Rom. 12:13; Kol. 4:12)

Aitetemet 81

1. Itunga idi apotu obongosi anyoun Babulon kiton Yerusalem alosit na oja, konye inyo apotu kesi kodumutu kedolutu kesi?

2. Inyo apotu Isiraelin ogeutu aswam akaulo na kesi adolun, konye inyo apotu lu asurup kec kiswamaata?

3. Lubo angai Kagai ka Sekaria, ido inyo apotu kesi kolimokisi itunga?

4. Kanukinyo ejukara Tetanai ebalua Babulon, ido abongokinet anyoin abu ngesi kodum?

5. Inyo abu Esera iswama isisiau ngesi epud lo aitemokin eyekalu loka Edeke?

6. Inyo ejai Esera ailip kotoma aputo, ido epone bo ani abongokinere ailip ke, ido inyo isisianakin na oni?

Angiseta nuiyatakina:

1. Kosiom Esera 3:1-13.

   Arai kijaun oni aboisit na emameor atukot naka itunga luka Edeke, inyo ibusakinit oni ainyikokin aiswamaenen? (Esr. 3:3, 6; Asw. 17:16, 17; Bur. 13:15)

2. Kosiom Esera 4:1-7.

   Anyunet anyoin abu Serubabel kitodiik itunga luka Yawe kanu ainyalinyal aiyuun? (Any. 34:12; 1 Kor. 15:33; 2 Kor. 6:14-17)

3. Kosiom Esera 5:1-5, 17 ka 6:1-22.

   1. Kanukinyo ekaruna etepegak aitapaikin adukoi naka eyekalu? (Esr. 5:5; Isa. 54:17)

   2. Epone ani isinyikokina aswamisiot naka imakio luka Iyudayan imakio lu Kristayon amoot aitetenio naka Yawe ne ejaar aitepegio? (Esr. 6:14; Sab. 32:8; Rom. 8:31; Yak. 1:5)

4. Kosiom Esera 8:21-23, 28-36.

   Eroko oni egeuna adioswamisiot, Anyoin aanyunet naka Esera na ibusakinit oni atupar? (Esr. 8:23; Sab. 127:1; Awa. 10:22; Yak. 4:13-15)

Aitetemet 82

1. Lubo angai Morudekai ka Esita?

2. Kanukinyo akotor Ekabaka Akasuero aberu ace naitetet, ido ingai abu ngesi koseu?

3. Ingai bo Kaman, ido inyo abu koinak ngesi anyunyurikin noi?

4. Ekisil enyoin eswamaun, ido inyo abu Esita iswama akaulo na adumun akirot kane ejai Morudekai?

5. Inyo abu kotakanik Kaman, ido inyo abu kotakanik Morudekai?

6. Epone ani ayuarotor Isiraelin kane ejaa luasurupo kec?

Angiseta nuiyatakina:

1. Kosiom Esita 2:12-18.

   Epone ani etoduria Esita ameda na aitoduun ‘emoyo lo asegara ka ayongit’? (Est. 2:15; 1 Pet. 3:1-5)

2. Kosiom Esita 4:1-17.

   Kwape ejaikinitere Esita arerengu na aswam kanu aingarakin aima nabeit, anyoin arerengu na ijaatar oni da lo kanu aitodun ainakina ka abeit wok nejai Yawe? (Est. 4:13, 14; Mat. 5:14-16; 24:14)

3. Kosiom Esita 7:1-6.

   Epone ani etodunatar luipu kotunga luka Edeke ebe epalitos kesi aijar kec kwape eswama Esita? (Est. 7:4; Mat. 10:16-22; 1 Pet. 2:12)

Aitetemet 83

1. Epone ani apupotor Isiraelin kanu amamear arwatat na erimokinit erekec Yerusalem?

2. Ingai bo Nekemia?

3. Anyoin aswam ke Nekemia, ido kanukinyo eraar naepol noi?

4. Inyoika iyemuto luetakadikis Nekemia, ido inyo abu ngesi iswamaa?

5. Epone bo ani etodikina Ekabaka Aratasasata Nekemia asianut?

6. Epone bo ani abu Nekemia itemokina aswam na aduko tetere mam lukasurup luka Isirael itapaikinete aswam?

Angiseta nuiyatakina:

1. Kosiom Nekemia 1:4-6 ka 2:1-20.

   Epone bo ani amoia Nekemia aingarenikinio naka Edeke? (Nek. 2:4, 5; Rom. 12:12; 1 Pet. 4:7)

2. Kosiom Nekemia 3:3-5.

   Anyoika nuepedorete imakio ka ejanakinan aisisiaun kotoma kanejaai aitirian kiding Itekoin ka “isotiakec”? (Nek. 3:5, 27; 2 Ses. 3:7-10; 1 Pet. 5:5)

3. Kosiom Nekemia 4:1-23.

   1. Inyo etogogongi Isiraelin aiyatakin aiduk karaida ejai areio namuana noi? (Nek. 4:6, 8, 9; Sab. 50:15; Isa. 65:13, 14)

   2. Opone ani itogogonga anyunet naka Isiraelin oni lolo?

4. Kosiom Nekemia 6:15.

   Inyo itodunit airikakinio aiduk arwatat naka Yerusalem kotoma olapia iarei bon nuikamunit apedor naka aiyuun? (Sab. 56:3, 4; Mat. 17:20; 19:26)

Aitetemet 84

1. Ingai bo aberu naejai toma aputo?

2. Anyoika alimoki Gaburiel Mariam?

3. Epone ani etetemikina Gaburiel Mariam ebe euruni ngesi ikoku karaida mam ngesi iboitotor ka ekiliokit?

4. Inyo abu kotakan kipejoik Mariam apajanike Elisabet?

5. Anyoika abu Yosep koomoom ejenu ngesi ebe elosi Mariam aurun ikoku, konye kanukinyo ejulakina ngesi akeomisio?

Angiseta nuiyatakina:

1. Kosiom Luka 1:26-56

   1. Inyo itodunit Luka 1:35 nuikamunit adio aronis naka Adam na ajai abeit naka Mariam ne ejulunere aijar naka Okoku loka Edeke anyoun koibosit naka imoyon? (Kag. 2:11-13; Yok. 6:69; Bur. 7:26; 10:5)

   2. Epone ani adumunia Yesu ayongio karaida eroko euruna ngesi? (Luka 1:41-43)

   3. Anyoin anyunet itodikit Mariam Ikristayon kere luedumunete arereng naejanakin naitegelikina? (Luka 1:38, 46-49; 17:10; Awa. 11:2)

2. Kosiom Matayo 1:18-25.

   Karaida mam emaikinitai Yesu ekiror Imanuel kakuan, epone ani elelebikina nueswamai ngesi kwape etunganan apolou na ekiroro kangol? (Mat. 1:22, 23; Yok. 14:8-10; Bur. 1:1-3)

Aitetemet 85

1. Igai bo imukeru kotoma aputo, ido aibo iperikit Mariam ngesi?

2. Kanukinyo aurikinere Yesu togo loka itiang nepepe ka itiang?

3. Kotoma aputo, lubo angai itunga luelomarete togo loka itiang, ido anyoika alimokit emalaika kesi?

4. Kanukinyo etegelikinar Yesu?

5. Kanukinyo epedorere anyara Yesu Okoku loka Edeke?

Angiseta nuiyatakina:

1. Kosiom Luka 2:1-20.

   1. Anyoin atutubet nabu Kaisar Augusito iswama kanu ailelebikin adwarasit naikamunit aurio naka Yesu? (Luka 2:1-4; Mika 5:2)

   2. Epone ani epedoria idiotunganan araun idiopet kangul luenyaritai ‘itunga luitojokitai’? (Luka 2:14; Mat. 16:24; Yok. 17:3; Asw. 3:19; Bur. 11:6)

   3. Arai epedorete ecokok lueyapara luko Yudaya aiyalamikin noi kanu aurio naka Elakunan, anyoika nuepolok noi nuepedorata ijaanakinak luka Edeke aiyalamikin lolo? (Luka 2:10, 11; Pes. 3:8, 9; Apu. 11:15; 14:6)

Aitetemet 86

1. Lubo angai ikiliok luejaasi toma aputo, ido kanukinyo edoditor ediopet kakes naimilia?

2. Kanukinyo akadakina Ekabaka Kerode, ido inyo abu ngesi iswama?

3. Aibo obu naemilia kingarenik ikiliok, ido kanukinyo abongoratar kesi akwap kec korot ece?

4. Anyoin aicorakinet abu Kerode kicorak, ido kanukinyo?

5. Anyoika abu Yawe kolimok Yosep aswam?

6. Ingai abu koinak acaun, ido kanukinyo?

Angiseta nuiyatakina:

1. Kosiom Matayo 2:1-23.

   Adaunit bo Yesu apak na atia ai ido aibo eboio ngesi epote lukacoa kokide aipejoikin ngesi? (Mat. 2:1, 11, 16)

Aitetemet 87

1. Araibo Yesu lo ikar idi lukapolou kotoma aputo, ido aibo ajai ngesi?

2. Inyoin eswamaenenei Yosep nepepe ka ekale ke angol karu?

3. Akaulo na alosit adaun apaaran adiopet kere kanu abongor ore, kanukinyo abongoratar bobo Yosep ka Mariam Yerusalem?

4. Aibo apotu Yosep ka Mariam kodumakis Yesu, ido kanukinyo aumonokinotor itunga lu ajaas ngina?

5. Anyoika abu Yesu kolimok Mariam totoke?

6. Epone ani ipedoria oni araun bala Yesu kotoma aisisia nuikamunitos Edeke?

Angiseta nuiyatakina:

1. Kosiom Luka 2:41-52.

   1. Karaida ebala Ekisil ebe ikiliok bon ebusakinit alosenen opucito Yerusalem angolikaru, anyoin anyunet na ejok naijaikinit Yosep ka Mariam auriak lolo? (Luka 2:41; Ikis. 16:16; 31:12; Awa. 22:6)

   2. Epone ani etoduna Yesu anyunet naejok kanuka atumunak lolo kopone lo arimarit iuriak kec? (Luka 2:51; Ikis. 5:16; Awa. 23:22; Kol. 3:20)

2. Kosiom Matayo 13:53-56.

   Lungai inacan iwongon lueurunitai kede Yesu kakoik adiopet lu elimunitai kotoma Obaibuli, ido epone ani etosomaere iarei kakes kotoma atukot naka Ekristayone kokau? (Mat. 13:55; Asw. 12:17; 15:6, 13; 21:18; Gal. 1:19; Yak. 1:1; Yuda 1)

Aitetemet 88

1. Luangai ikiliok iarei luejaas toma aputo?

2. Epone ani ibatisaere itunganan?

3. Lungai duc ebatisaenenei Yokana?

4. Kanu aswam ibore inyo yeni tegelikina akotor Yesu Yokana aibatos ngesi?

5. Epone ani etoduna Yawe ebe eyalama ngesi naarai ebatisaun Yesu?

6. Inyo abu kotakan elot Yesu aibois naelilingi adaun apaarasia 40?

7. Luangai ice kotoma ngul luageunete atupakin Yesu, ido ani aumokinet ke nasodit ngesi aswam?

Angiseta nuiyatakina:

1. Kosiom Matayo 3:13-17.

   Anyunet ani obu Yesu kitodu kanu aibatisao naka ikesisiak? (Sab. 40:7, 8; Mat. 28:19, 20; Luka 3:21, 22)

2. Kosiom Matayo 4:1-11.

   Epone ani isinyikokina oni epone loetosoma Yesu aiwadikaeta ejok, aisisia ebaibuli duc? (Mat. 4:5-7; 2 Pet. 3:17, 18; 1 Yok. 4:1)

3. Kosiom Yokana 1:29-51.

   Abu Yokana iteten ikesisiak nejai ingai, ido epone ani iputora oni ngesi lolo? (Yok. 1:29, 35, 36; 3:30; Mat. 23:10)

4. Kosiom Yokana 2:1-12.

   Epone ani etodunitor aunokinet nasodit naka Yesu ebe, mam Yawe imikari idiobore yen ejok kojaanakinak ke? (Yok. 2:9, 10; Sab. 84:11; Yak. 1:17)

Aitetemet 89

1. Kanukinyo egwelanarere itiang koyekalu?

2. Inyo ainaki Yesu anyunyurikin?

3. Kwape iteo ijo kotoma aputo, inyo iswamai Yesu, ido anyoin aicorakinet na ainaki ngesi ikiliok lu egwelanarete ajelei?

4. Keanyutu atupitok luka Yesu nu iswamai ngesi, anyoika nu eitutu kesi?

5. Oboma ani abu Yesu itor ebongori Galilaya?

Angiseta nuiyatakina:

1. Kosiom Yokana 2:13-25.

   Asesen epone lo abu Yesu konyunyurikina luejulete isirigin koyekalu, epone ani ibusakinitor oni asesen akiro nuagwelanar kotoma Okingdom Hall? (Yok. 2:15, 16; 1 Kor. 10:24, 31-33)

Aitetemet 90

1. Kanukinyo apaikina Yesu atan nako Samaria, ido anyoika nuineras ngesi ka aberu nangina?

2. Kanukinyo eumokinitor aberu, anyoika alimoki Yesu ngesi, ido kanukinyo?

3. Akipi anyoika nu eomit aberu ebe enera Yesu, konye akipi anyoika nu cut enera ngesi?

4. Kanukinyo aumokina aberu ebe ejeni Yesu nuipu nuikamunitos ngesi, ido epone ani aduma ngesi akiro nu?

5. Anyoika nuipedori oni aisisisiaun kanejai aberu najai atan?

Angiseta nuiyatakina:

1. Kosiom Yokana 4:5-43.

   1. Katupitos anyunet naka Yesu, epone ani ibusakinitor oni asesen itunga lu ateker acie, araibo lu ejautene ece? (Yok. 4:9; 1 Kor. 9:22; 1 Tim. 2:3, 4; Tito 2:11)

   2. Anyoika arerengusio nu emoyo nueponikinete itunganan yen araun esisian loka Yesu? (Yok. 4:14; Isa. 58:11; 2 Kor. 4:16)

   3. Epone ani ipedoria oni aitudoun aiyalama kwape etoduna asamariat ido na okukurana aimor kaluce nuesisiaut ngesi? (Yok. 4:7, 28; Mat. 6:33; Luka 10:40-42)

Aitetemet 91

1. Kotoma aputo, aibo neisisianakina Yesu, ido luangai lu iboiete kidunyasi kangesi?

2. Luangai ikiroria luka iyakia 12?

3. Ajakanut na alimonokini Yesu nuke nges bo inyo?

4. Anyoika nu abu Yesu isisianak itunga ailip?

5. Anyoika abu Yesu kolim nuikanitos epone lo ibusakinitor itunga ayait luce?

Angiseta nuiyatakina:

1. Kosiom Matayo 5:1-12.

   Koponesio anu ipedoria oni aitoduun ebe ipodokinit oni luka emoyo wok? (Mat. 5:3; Rom. 10:13-15; 1 Tim. 4:13, 15, 16)

2. Kosiom Matayo 5:21-26.

   Epone ani ikeunitor Matayo 5:23, 24 ebe, edicane wok ka inacan etirori edicane wok nepepe ka Edeke? (Mat. 6:14, 15; Sab. 133:1; Kol 3:13; 1 Yok. 4:20)

3. Kosiom Matayo 6:1-8.

   Ani iceponesio luadolit bon lu ibusakinit ikristayon ainac? (Luka 18:11, 12; 1 Kor. 4:6, 7; 2 Kor. 9:7)

4. Kosiom Matayo 6:25-34.

   Anyoika nuisisianakit Yesu nuikamunit eipud lo amunokina Edeke kanu iboro wok lukakuan? (Any. 16:4; Sab. 37:25; Pil. 4:6)

5. Kosiom Matayo 7:1-11.

   Anyoika nu isisianakin oni aitupuset na edumakino toma Matayo 7:5? (Awa. 26:12; Rom. 2:1; 14:10; Yak. 4:11, 12)

Aitetemet 92

1. Ingai bo papake apese kana ejai toma aputo, ido kanukinyo ekurianar ngesi ka akeberu?

2. Anyoika abu Yairo iswama edumu Yesu?

3. Inyo abu kotakanu nepe elosi Yesu ore loka Yairo, ido anyoika akiro nuabu Yairo kadum korot?

4. Kanukinyo akwenator icetunga luajaas togo loka Yairo Yesu?

5. Akaulo na aupar nepepe ka ikeyakia iuni, papakake ka totoke apese, anyoika abu Yesu kiswama?

6. Ingai bobo ice yen etajarunit Yesu kokatwak, ido inyo itodunitos nu?

Angiseta nuiyatakina:

1. Kosiom Luka 8:40-56.

   Epone ani etodikina Yesu aberu nalelete aokot aitim ka aiwomisionut, ido inyo epedorete imakio lu Kristayon atukot aisisiaun kane? (Luka 8:43, 44, 47, 48; Leb. 15:25-27; Mat. 9:12, 13; Kol. 3:12-14)

2. Kosiom Luka 7:11-17.

   Kanukinyo epedoratar luetwakiaritos luminan kec kotoma atwanare adumun aitalakario kanu eswamaikini Yesu apuserut naka Nain? (Luka 7:13; 2 Kor. 1:3, 4; Bur. 4:15)

3. Kosiom Yokana 11:17-44.

   Epone ani etoduna Yesu ebe ejok aimony atwanare na iminat kon? (Yok. 11:33-36, 38; 2 Sam. 18:33; 19:1-4)

Aitetemet 93

1. Inyoin ibore yeni aronon yeni atakaniki Yokana ebatisan, ido epone ani epupio Yesu?

2. Epone ani etanyama Yesu ekodet lo atupit ngesi, ido inyamat lu etiasi ai asalata?

3. Kanukinyo akuriakatar isisiak ikuare, ido inyo abu kotakanik Petero?

4. Epone ani etanyama Yesu itunga ilukumin irwan nakiaret?

5. Kanukinyo eraunor nuejok egeu Yesu aipuga akwap kwape Ekabaka loseunit Edeke?

Angiseta nuiyatakina:

1. Kosiom Matayo 14:1-32.

   1. Anyoika ijenuni oni nuikamunitos etunganan Petero kotoma nuiwadikatai Matayo 14:23-32?

   2. Epone ani itodunitor awadikaeta ebe abu Petero kotiono kosodi aipikor ikeponesio lu amaran? (Mat. 14:27-30; Yok. 18:10; 21:7; Asw. 2:14, 37-40; 1 Pet. 5:6, 10)

2. Kosiom Matayo 15:29-38.

   Epone ani ayongit etoduna Yesu kanuka iboro lukakuan luepote kanejai Papake? (Mat. 15:37; Yok. 6:12; Kol. 3:15)

3. Kosiom Yokana 6:1-21.

   Epone ani epedoratar Ikristayon atupakin aanyunet naka Yesu kowai lo apugan? (Yok. 6:15; Mat. 22:21; Rom. 12:2; 13:1-4)

Aitetemet 94

1. Inyoin bo epeganakinos iyakia korot ebongunete?

2. Kanukinyo anyarauna Yesu ikoku yenididi kosodi aisibwo kokiding naka iyakia?

3. Kopone ani ibusakinitor iyakia aisisiaun araun kwape idwe?

4. Kolapio luatupakinete idis, epone ani etoduna Yesu ebe emina ngesi idwe?

Angiseta nuiyatakina:

1. Kosiom Matayo 18:1-4.

   Kanukinyo etosoma Yesu aitupuseta kotoma aisisianakin? (Mat. 13:34, 36; Mk. 4:33, 34)

2. Kosiom Matayo 19:13-15.

   Inyoika iponesio luka idwe lu ibusakinit oni aisisiaun aitup arai ikoto oni adumun arerengusio nuka Ajakanut? (Sab. 25:9; 138:6; 1 Kor. 14:20)

3. Kosiom Marako 9:33-37.

   Anyoika abu Yesu isisianak ikesisiak kanu akoto aibosio nukapolou? (Mk. 9:35; Mat. 20:25, 26; Gal. 6:3; Pil 2:5-8)

4. Kosiom Marako 10:13-16.

   Opone ani araar Yesu loapatana adolokin, ido anyoika isisiaunete imakio kotoma anyunet ke? (Mk. 6:30-34; Pil. 2:1-4; 1 Tim. 4:12)

Aitetemet 95

1. Anyoin aingiset abu etunganan kingit Yesu, ido kanukinyo?

2. Inyo duc etapit Yesu aitosom isisianakina, ido anyoika nuidaunit oni aisisiaun nuikamunitos Iiyudayan ka Isamaritan?

3. Kaitetemet nainakini Yesu, inyo obu kotakanik Eyudayat etorit orot aibe Yeriko?

4. Inyo abu iswamaun kitoroto esasedoti lo Yudayat ka Elebit orot ngol?

5. Kotoma aputo, ingai ajai aingarakin Eyudayat loemusunguna?

6. Akaulo na Yesu adaun aketetemet, angiset ani abu ngesi ingit, ido epone ani abu etunganan kobongokina?

Angiseta nuiyatakina:

1. Kosiom Luka 10:25-37.

   1. Aboisit na arasakin abongokin, epone ani abu Yesu kingarakina etunganan loajeni ikisila aomoom ber ? (Luka 10:26; Mat. 16:13-16)

   2. Epone ani etosoma Yesu aitupuseta kanu aingarakin ikepupok aipikor aimuarit akekirot? (Luka 10:36, 37; 18:9-14; Tito 1:9)

Aitetemet 96

1. Inyo eswamaenenei Yesu ne alosenena Yesu anator akwap kere?

2. Akaulo na ikar iuni ageun ne ebatisaere Yesu, anyoika abu ngesi kolimok ikeyakia?

3. Lubo ngai itunga luejaasi toma aputo, ido inyo abu Yesu iswamaik aberu?

4. Kanukinyo esuruma abongokinet naka Yesu engarenok luka idiinin ileic?

5. Keapu Yesu ka ikeyakia Yeriko, inyo abu ngesi kiswamaik imudikiok lukican iarei?

6. Kanukinyo eswama Yesu aumonokineta?

Angiseta nuiyatakina:

1. Kosiom Matayo 15:30, 31.

   Aitodiar apedor naka Edeke anyoin naitodunitai kanejai Yesu, ido epone ani ibusakinitor ngin atiror aijen wok na iboro luisumunit Yawe kanuka akwap nakitetet? (Sab. 37:29; Isa. 33:24)

2. Kosiom Luka 13:10-17.

   Epone ani itodunitor aiswamaenen naka Yesu akeumonokineta nuepolok kana Sabato alakunio na eyangauni ngesi otunga ne Ipugaa nges kokar Elukumit? (Luka 13:10-13; Sab. 46:9; Mat. 12:8; Kol. 2:16, 17; Apu. 21:1-4)

3. Kosiom Matayo 20:29-34.

   Epone ani itodunitor aiwadikaet na ebe Yesu mam apoloikinit aswam kanu aingarakin itunga, ido inyo ipedori oni aisisiaun kane? (Ikis. 15:7; Yak. 2:15, 16; 1 Yok. 3:17)

Aitetemet 97

1. Kedolu Yesu ocalo loadit loayapiei ko Yerusalem anyoika abu ngesi kolimok ikesisian aswam?

2. Kotoma aputo, inyo abu kotakan keyapio Yesu Yerusalem?

3. Inyo apotu idwe ludidik iswamaata keanyutu kesi Yesu itangaleuni itunga lu amudukaka ka lu agwalagwalauna?

4. Anyoika abu Yesu kolimok isasedotin lu anyunyuras?

5. Epone ani ipedoria oni aputokin ka idwe lu eturitos Yesu?

6. Inyo apotu isisiak okotokinos ajenun?

Angiseta nuiyatakina:

1. Kosiom Matayo 21:1-17.

   1. Epone ani itirianere alomar naka Yesu Yerusalem kwape ekabaka kede epone lo abongununatar isilikaalei luka Rome luapolok luepikoritos ejie kolo? (Mat. 21:4, 5; Sek. 9:9; Pil. 2:5-8; Kol. 2:15)

   2. Anyoin asisiaunet epedorete atumunak aisisian kanejaasi isapa luka Isirael luapotu kijulurata Isabulin 118 nepe elomari Yesu Yerusalem? (Mat. 21:9, 15; Sab. 118:25, 26; 2 Tim. 3:15; 2 Pet. 3:18)

2. Kosiom Yokana 12:12-16.

   Apotu itunga lueturitos Yesu itosomata atenun nuka amusog, inyo etodiarit ngin? (Yok. 12:13; Pil. 2:10; Apu. 7:9, 10)

Aitetemet 98

1. Kotoma aputo, ani etunganan lo erai Yesu, ido luangai bo lu ejaas kangesi?

2. Anyoika apotu isasedotin kotamata aiswamaikin Yesu koyekalu, ido anyoika abu ngesi kolimok kesi?

3. Inyo apotu ikeyakia kingita Yesu?

4. Kanukinyo alimokina Yesu ikeyakia icie bore luepote aiswamaunun kakwap ne ipuga ngesi kwape Ekabaka kotoma akuj?

5. Anyoika abu Yesu kolim epote aiswamaun eroko ngesi itananga cut aronis kere kotoma akwap?

Angiseta nuiyatakina:

1. Kosiom Matayo 23:1-39.

   1. Karaida itodunitos aiwadikaeta ebe mam erono aitosom ikiroria lukadoketa kotoma aswam, inyoika itodunitos akiro nuka Yesu nuejaas Matayo 23:8-11 nuikamunitos ikiroria luadoketa kotoma atukot na Ikristayon? (Asw. 26:25; Rom. 13:7; 1 Pet. 2:13, 14)

   2. Inyo apotu Iparisayon itosomata kanu asimik itunga araun Ikristayon, ido epone ani itosomatar ingarenok luka idiinin aswamisio kwape kangul kapakio kanu? (Mat. 23:13; Luka 11:52; Yok. 9:22; 12:42; 1 Ses. 2:16)

2. Kosiom Matayo 24:1-14.

   1. Epone ani ikeunitere eipud lo atitinyikin kotoma Matayo 24:13?

   2. Anyoin apolou na akirot “awasia” kotoma Matayo 24:13? (Mat. 16:27; Rom. 14:10-12; 2 Kor. 5:10)

3. Kosiom Marako 13:3-10.

   Ani akirot kotoma Marako 13:10 naitodunit eipud loaisunyit alimonikin akiro nukajokak, ido epone ani etirorotor oni akiro nuka Yesu? (Rom. 13:11, 12; 1 Kor. 7:29-31; 2 Tim. 4:2)

Aitetemet 99

1. Kwape itodunitere kotoma aputo, kanukinyo ejaar Yesu ka iyakiake 12 agola nakokuju na egoropa?

2. Ingai bo etunganan loenyounit alosit, ido inyo elosi ngesi aswam?

3. Anyam naitegelikina anyoin abu Yesu kitegea akaulo na aleleng?

4. Esitoikit aleleng Isiraelin nueswauna anu, ido inyo isitoikit anyam naitegelikina na itupitok luka Yesu?

5. Akaulo na inyamat luka ejakait lu atibong anyoika abu Yesu kolimok atupik ke, ido inyo apotu kesi iswamaata?

Angiseta nuiyatakina:

1. Kosiom Matayo 26:14-30.

   1. Epone ani itodunitor Matayo 26:15 ebe aswamuke Yuda na abilakin Yesu abotet arai napeleikina?

   2. Anu alosikineta aarei nuitodolikinete aokot nuka Yesu nu abukorio? (Mat. 26:27, 28; Yer. 31:31-33; Pes. 1:7; Bur. 9:19, 20)

2. Kosiom Luka 22:1-39.

   In Kopone ani alomara Satan nejai Yuda? (Luka 22:3; Yok. 13:2; Asw. 1:24, 25)

3. Kosiom Yokana 13:1-20.

   1. Kotoma aiwadikaet na ejai Yokana 13:2, epedorio kerek aitoron Yuda kanu abu ngesi iswama, ido anyoika epederote ijanakinak luka Edeke aisisiaun kane? (Age. 4:7; 2 Kor. 2:11; Gal. 6:1; Yak. 1:13, 14)

   2. Anyoin asisianakin kotoma aswam ibore nabu Yesu koinak? (Yok. 13:15; Mat. 23:11; 1 Pet. 2:21)

4. Kosiom Yokana 17:1-26.

   Anyoin apolou na elipia Yesu ebe oraunos kere iketupitok ipe? (Yok. 17:11, 21-23; Rom. 13:8; 14:19; Kol. 3:14)

Aitetemet 100

1. Aibo apotu Yesu ka ikeyakia koloto akaulo na anyoun kagola nakokuju na egoropa; ido inyo abu ngesi kolimok kesi aswam?

2. Inyo abu Yesu kodum kebongu ngesi ne ajaasi ikeyakia, ido irwan adi apotu nu kiswamaunotor?

3. Luangai apotu kolomutu omanikor, ido inyo abu Yuda Isikariot iswama kwape itodunitor aputo?

4. Kanukinyo anuia Yuda Yesu; ido inyo abu Petero iswama?

5. Anyoika abu Yesu kolimok Petero, konye kanukinyo mam Yesu engisia Edeke aijukakin ngesi edio malaika?

Angiseta nuiyatakina:

1. Kosiom Matayo 26:36-56.

   1. Epone ani araar eipone lo ecoria Yesu ikesisiak anyunet najokan nejaasi imakio lu Kristayon lolo? (Mat. 20:25-28; 26:40, 41; Gal. 5:17; Pes. 4:29, 31, 32)

   2. Epone ani asesena Yesu luijiis kanu asurokinia yenice? (Mat. 26:52; Luka 6:27, 28; Yok. 18:36)

2. Kosiom Luka 22:39-53.

   Ne atakanuna emailaka nejaai Yesu komanikor loka Getesemane kanu aitogogong ngesi, itodunit kereka do na ebe ajai aiyun naka Yesu adisiar? Kitetem. (Luka 22:41-43; Isa. 49:8; Mat. 4:10, 11; Bur. 5:7)

3. Kosiom Yokana 18:1-12.

   Epone ani abu Yesu koyuara ikesisiak kane ajaas eketepegak ke, ido nuinyoika ipedori oni aisisiaun kotoma anyunet kana? (Yok. 10:11, 12; 18:1, 6-9; Bur. 13:6; Yak. 2:25)

Aitetemet 101

1. Ingai cut ibwokit alangir na ainakin Yesu etwani?

2. Inyo apotu iyakia iswamata ne ayangaratar engarenok luka idiinini Yesu?

3. Inyo abu kiswamaun kotogo loka Kaiapa, esasedoti lopeti?

4. Kanukinyo alomara Petero kinga kosodi aimony?

5. Akaulo na enyakunere Yesu nejai Pilato; anyoika apotu isasedotin luapolok kotaanutu?

6. Inyo abu kiswamaikin Yesu Naikanyet paaran, ido anyoin aisumunet abu ngesi koinak ekadiakanaran loebubuikitai osiepuke?

7. Aibo ejaun Aparadais na esumunit Yesu?

Angiseta nuiyatakina:

1. Kosiom Matayo 26:57-75.

   Opone ani etodunatar ikapolon lu ayaitos ekoti loka Iyudayan ebe aroko itaon kec? (Mat. 26:59, 67, 68)

2. Kosiom Matayo 27:1-50.

   Kanukinyo ipedoria oni alimun ebe aitoronikin nabu Yuda itodu mam arai nabeit? (Mat. 27:3, 4; Mk. 3:29; 14:21; 2 Kor. 7:10, 11)

3. Kosiom Luka 22:54-71.

   Anyoika nuipedori oni aisisiaun kotoma ainger nangeri Petero Yesu kakuare nabilakinere ngesi ebotet ka aikamunio? (Luka 22:60-62; Mat. 26:31-35; 1 Kor. 10:12)

4. Kosiom Luka 23:1-49.

   Epone ani abu Yesu kijauna arokisio nueswamanakinio ngesi kere; ido anyoika ipedori oni aisisiaun kane? (Luka 23:33, 34; Rom. 12:17-19; 1 Pet. 2:23)

5. Kosiom Yokana 18:12-40.

   Anyoika itodunit na ebe karaida abu akuriau etunganan ikamunite Petero, abu kolema ngin kosodi araun ekiakia lo ajok noi? (Yok. 18:25-27; 1 Kor. 4:2; 1 Pet. 3:14, 15; 5:8, 9)

6. Kosiom Yokana 19:1-30.

   1. Ani asesen nariana naikaminit lukakuan na ajaatar Yesu? (Yok. 2:1, 2, 9, 10; 19:23, 24; Mat. 6:31, 32; 8:20)

   2. Epone ani araatar akiro nu atwania do Yesu aikenyunet na aipikor, ka ebe, ka naetoduun ekeunit ngesi epugae loka Yawe? (Yok. 16:33; 19:30; 2 Pet. 3:14; 1 Yok. 5:4)

Aitetemet 102

1. Ingai bo aberu naejai toma aputo, luangai ikiliok iarei lu, ido aibo ejaasi kesi?

2. Kanukinyo alimokina Pilato Isasedotin aijukar isilikaalei aidar ates na edaikinitai Yesu?

3. Anyoika abu emalaika iswama tupuruc sek apaaran nauniet akaulo natwania Yesu, konye anyoika apotu isasedotin iswamata?

4. Kanukinyo abuonokinotor ace angor ne adolotor kesi ates naka Yesu?

5. Kanukinyo akeriaratar Petero ka Yokana aanyun ates naka Yesu, ido inyo apotu kesi kodumtu?

6. Inyo abu kotakanik akuan naka Yesu, konye inyo abu ngesi kiswama kanu aitodikin ikesisiak ebe ajari ngesi?

Angiseta nuiyatakina:

1. Kosiom Matayo 27:62-66 ka 28:1-15.

   Kapak na ajaruna Yesu, epone ani apotu isasedotin lukapolok, Iparisayon, ka imakio kodiakaratar asurokin emogo lokalaunan? (Mat. 12:24, 31, 32; 28:11-15)

2. Kosiom Luka 24:1-12.

   Epone ani itodunitotor nuiwadikatai kanu ajarun naka Yesu ebe eseseni Yawe angor kwape ajenak numunon? (Luka 24:4, 9, 10; Mat. 28:1-7)

3. Kosiom Yokana 20:1-12.

   Epone ani ingarakinitor oni Yokana 20:8, 9 anyun eipud lo atitinyikinit arai mam oni imisikinit ejok epone lo ejaar adwarasit nako Baibuli ailelebun? (Awa. 4:18; Mat. 17:22, 23; Luka 24:5-8; Yok. 16:12)

Aitetemet 103

1. Anyoika abu Mariam olimok etunganan lo aomit ngesi ebe arai akorion, konye inyo abu koinak ngesi amisikin ebe arai ngol cut Yesu?

2. Inyo abu kotakanik isisiak iarei lu ajaas alosit ocalo loka Emao?

3. Inyoin ibore yeni aumokin yen abu kotakan elimokisi isisiak lu iarei iyakia ebe aanyutu kesi Yesu?

4. Irwan adi kwana atakanikina Yesu atupitok ke?

5. Anyoika nu abu Tomas kolimu ne apupuna ngesi ebe aanyutu isisiak Ejakait, konye inyo abu kiswamaun akaulo na apaarasia akanyauni?

Angiseta nuiyatakina:

1. Kosiom Yokana 20:11-29.

   Enera do Yesu kotoma Yokana 20:23 ebe icorakinitai itunga aisioni adiakanareta? Itetem. (Sab. 49:2, 7; Isa. 55:7; 1 Tim. 2:5, 6; 1 Yok. 2:1, 2)

2. Kosiom Luka 24:13-43.

   Epone ani itemonokina oni etau wok tetere ijauni abeit naka Ebaibuli? (Luka 24:32, 33; Esr. 7:10; Mat. 5:3; Asw. 16:14; Bur. 5:11-14)

Aitetemet 104

1. Isisiak idi apotu koanyutu Yesu kotoma apak adiopet, ido anyoika abu ngesi kolimok kesi?

2. Inyoin bo Ajakanut naka Edeke, ido ikonakin bo aijar kakwap biai ne ipuga Yesu kwape Ekabaka adaun ikar elukumit?

3. Apaarasia adi adau Yesu itodinikin ikesisiak, ido erai kwana apak na ngesi aswam inyo?

4. Eroko Yesu enyouna ajalakin ikesisiak, inyo abu Yesu kolimok kesi aswam?

5. Inyo iswama kotoma aputo kana, ido epone ani araparor Yesu kane, ajaasi lu eteete?

Angiseta nuiyatakina:

1. Kosiom 1 Ikorinton 15:3-8.

   Kanukinyo enerar eyakia Paul komamei abuonokin nuikamunit ajarun naka Yesu, ido inyoika ibore luebeit Ikristayon ainer lolo komamei abuonokin? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Kosiom Aswamisio 1:1-11.

   Abu alimonokin konyanyar kiton ai kwape adwaritere kotoma Aswamisio 1:8? (Asw. 6:7; 9:31; 11:19-21; Kol. 1:23)

Aitetemet 105

1. Kwape itodunitor aputo na, inyo atakaniki atupitok ke Yesu luedareunitos ko Yerusalem?

2. Anyoin aumokinet napotu ipejok luepejoikitos Yerusalem kodumutu?

3. Inyo abu Petero kitatamik itunga?

4. Epone ani apotu itunga kojaunotor akaulo na apupokin Petero, ido inyo abu ngesi kolimok kesi aswam?

5. Itunga idi apotu ibatisaunos kapaaran naka Petekosit, 33 C.E.?

Angiseta nuiyatakina:

1. Kosiom Aswamisio 2:1-47.

   1. Epone ani itodunitotor akiro nuka Petero nuejaas Aswamisio 2:23, 36 ebe ateker naka Iyudayan kere amorit aitorono kanuka atwanare naka Yesu? (1 Ses. 2:14, 15)

   2. Epone ani einakinitor Petero anyunet najokan na aitetema akiro amisikin itosomai aiwadikaeta? (Asw. 2:16, 17, 29, 31, 36, 39; Kol. 4:6)

   3. Epone ani abu Petero itosoma ‘ilaceta luka Ajakanut naka akuj’ lusodit luesumunit Yesu ainakin ngesi? (Asw. 2:14, 22-24, 37, 38; Mat. 16:19)

Aitetemet 106

1. Inyo abu kotakanik Petero ka Yokana osawan lukapaaran adiopepaaran elosete kesi oyekalu?

2. Anyoika abu Petero kolimok etunganan lo agwalit, ido inyo abu Petero koinak ngesi yen apol etiai aitelekar isirigin?

3. Kanukinyo anyunyuratar engarenok luka ediini, ido inyo apotu kesi iswamaikisi Petero ka Yokana?

4. Anyoika abu Petero Kolimok engarenok luka ediini, ido aitukurianet anyoin apotu iyakia kodumutu?

5. Kanukinyo ajaatar engarenok luka ediini kede ekokote, konye inyo abu kotakan ipikakin iyakia aidaris irwan nakiaret?

6. Epone ani apotu iyakia obongokinatar keyaun kesi Aurianet?

Angiseta nuiyatakina:

1. Kosiom Aswamisio 3:1-10.

   Karaida mam oni Ipedori aswam aumonokineta lolo, epone ani ingarakinatar oni akiro nuka Petero nuiwadikatai Aswamisio 3:6 aitojok Akiro nuka Ajakanut? (Yok. 17:3; 2 Kor. 5:18-20; Pil. 3:8)

2. Kosiom Aswamisio 4:1-31.

   Ne itepegere oni kotoma alimonokin, opone ani ibusakinitor oni aputoor Ikristayon lusodit kolo? (Asw. 4:29, 31; Pes. 6:18-20; 1 Ses. 2:2)

3. Kosiom Aswamisio 5:17-42.

   Epone ani etodunatar itunga lumam eraasi Ajenak aiwomisionut kanu aswam na alimonokin ageun kolo kiton kwana? (Asw. 5:34-39)

Aitetemet 107

1. Ingai bo Sitepan, ido inyo engaranakinit Edeke ngesi aswam?

2. Anyoika abu Sitepan kolim nu ainaki engarenok luka ediini anyunyurikin?

3. Kiriasi itunga Sitepan kinga naka ere, inyo apotu kiswamaikisi ngesi?

4. Kotoma aputo kana, ingai bo atumunan loebwoi kosiep na ikotin?

5. Eroko ngesi etwana, anyoika abu Sitepan kilip Yawe?

6. Kotoma aputoor Sitepan inyo ibusakinit oni aswam ne iswamaikina ice oni ibore yen erono?

Angiseta nuiyatakina:

1. Kosiom Aswamisio 6:8-15.

   Anyoika aswamisio nuegalak nu etosomaata engarenok luka ediini kanu aisimik aswam na alimonokin naka Ajenak luka Yawe? (Asw. 6:9, 11, 13)

2. Kosiom Aswamisio 7:1-60.

   1. Inyo abu ingarak Sitepan apedor ayuar akiro nukajokak kanejai Aurianet, ido anyoika ipedori oni aisisiaun kanejai aanyunet ke? (Asw. 7:51-53; Rom. 15:4; 2 Tim. 3:14-17; 1 Pet. 3:15)

   2. Epone ani ibusakinitor oni esesen luitepegete aswam wok? (Asw. 7:58-60; Mat. 5:44; Luka 23:33, 34)

Aitetemet 108

1. Inyo abu Saul iswama akaulo na aarere Sitepan?

2. Ne alosio Saul orot aibe Damasiko, inyo ibore yen aumokin yen abu kotakanik ngesi?

3. Anyoika abu Yesu kolimok Saul aswam?

4. Anyoika aicoreta nuabu Yesu koinak Anania, ido epone ani apedora Saul akwenyun bobo?

5. Ekiror ani ajemunor do Saul, ido epone ani etosomaere ngesi?

Angiseta nuiyatakina:

1. Kosiom Aswamisio 8:1-4.

   Epone ani abu areio nadoikina atukot na Ekristayone naroko itet ingarakina awear aiyuun na Ekristayone, ido inyoin ibore eputos kangin yeniswama kapakio kanu? (Asw. 8:4; Isa. 54:17)

2. Kosiom Aswamisio 9:1-20.

   Anyoin aswam na atiakak irwanauni na Yesu ajaatar kanuka Saul? (Asw. 9:15; 13:5; 26:1; 27:24; Rom. 11:13)

3. Kosiom Aswamisio 22:6-16.

   Epone ani iputoroor ani kwape Anania, ido kanukinyo epolor ngin? (Asw. 22:12; 1 Tim. 3:7; 1 Pet. 1:14-16; 2:12)

4. Kosiom Aswamisio 26:8-20.

   Epone ani eraar aibelokin naka Saul araun Ekristayot aisinyokinet nejaasi ngul kere, lueroko luowakec iyuuna lolo? (Asw. 26:11; 1 Tim. 1:14-16; 2 Tim. 4:2; 1 Pet. 3:1-3)

Aitetemet 109

1. Ingai bo etunganan lo ekuko kotoma aputo na?

2. Anyoika abu emalaika kolimok Korunelio?

3. Inyo abu Edeke koinak Petero aanyun ne ajaar nges kuju oswii loka etogo ke Simon loajai Yopa?

4. Kanukinyo alimokina Petero Korunelio ebe, mam ibusakinit nges aisuded ka aima ngesi?

5. Kanukinyo aunokinitotor isisiak luaraas luyudan lu aupas ka Petero?

6. Anyoin aisisiaet na epol naibusakinit oni aisisiaun kotama apejo naka Petero nejaai Korunelio?

Angiseta nuiyatakina:

1. Kosiom Aswamisio 10:1-48.

   Anyoika nu itodunitos akiro nuka Petero nuejaas Aswamisio 10:42 kanu aswam na alimonokin akiro nukajokak nuka Ajakanut? (Mat. 28:19; Mk. 13:10; Asw. 1:8)

2. Kosiom Aswamisio 11:1-18.

   Ani ejautene lo abu Petero itodu ne edeleleuna akote naka Edeke kanuka Imo, ido epone ani ipedoria oni atupaar aanyunet ke? (Asw. 11:17, 18; 2 Kor. 10:5; Pes. 5:17)

Aitetemet 110

1. Ingai bo atumunan lo ejai aputo na, aibo iboio nges, ido ingai ekiror atotoke ka atataake?

2. Anyoika abu Timoteo kolim ne engisia Paul ngesi arai akoto ngesi aupakin kede Sila ka Paul alosit alimonokin itunga lu alwaka?

3. Aibo ne ageunere anyara atupitok luka Yesu Ikristayon?

4. Akaulo na Paul, Sila ka Timoteo anyoun kotoma Lystra, ibugai bo inyoika luapolok apotu kesi kipejonokisi?

5. Epone ani abu Timoteo kingarakina Paul, ido anyoika angiseta nuibusakinit atumunak aingitakin bonik?

Angiseta nuiyatakina:

1. Kosiom Aswamisio 9:19-30.

   Epone ani abu Paul itoduna acobeu ne etepegere ngesi kanu akiro nukajokak? (Asw. 9:22-25, 29, 30; Mat. 10:16)

2. Kosiom Aswamisio 11:19-26.

   Epone ani itodunitotor akiro nuiwadikatai Aswamisio 11:19-21, 26 ebe emoyo loka Yawe nges iteteni aswam na alimonikin?

3. Kosiom Aswamisio 13:13-16, 42-52.

   Epone ani itodunitotor Aswamisio 13:51, 52 ebe mam isisiak apotu ocamakis aitepegio aitonokok kesi? (Mat. 10:14; Asw. 18:6; 1 Pet. 4:14)

4. Kosiom Aswamisio 14:1-6, 19-28.

   Epone ani ingarakina oni akirot na ebe, ‘kibwaikis kesi akanin nuka Yawe lokiyuunito’ alemar adio aiyalongongo ne ijaar oni aingarakin nuitetiak? (Asw. 14:21-23; 20:32; Yok. 6:44)

5. Kosiom Aswamisio 16:1-5.

   Epone ani ikeunitor acamunio na Timoteo akepio, ajokis na ‘aswam iboro kere kanu akiro nuajokak’? (Asw. 16:3; 1 Kor. 9:23; 1 Ses. 2:8)

6. Kosiom Aswamisio 18:1-11, 18-22.

   Anyoika nu itodunit Aswamisio 18:9, 10 nukamunitos Yesu elopet kotoma aitete aswam na alimonokin, ido amunokina anyoin einakini na oni lolo? (Mat. 28:20)

Aitetemet 111

1. Kotoma aputo kana, ingai bo esapat lo eperi kokwap, ido inyo atakanikit ngesi?

2. Anyoika abu Paul iswama eayu ngesi ebe atwana esapat?

3. Aibo alosete Paul, Timoteo ka ngul lu aupasi kakes, ido inyo abu iswamaun kepaikisi kesi Mileto?

4. Aikwenyaret anyoin abu enabi Agabo koinak Paul, ido epone ani eswamaunor kwape eneritor enabi?

Angiseta nuiyatakina:

1. Kosiom Aswamisio 20:7-38.

   1. Epone ani ipedoria oni apaikin kilai kotoma aokot nuka itunga kere kwape abalar Paul kotoma Aswamisio 20:26, 27? (Esk. 33:8; Asw. 18:6, 7)

   2. Kanukinyo ibusakinitor imakio araut lu ‘ericitos akirot naka aiyuun kwape ejaar aisisianakin’ ne isisianakinatar kesi? (Asw. 20:17, 29, 30; Tito 1:7-9; 2 Tim. 1:13)

2. Kosiom Aswamisio 26:24-32.

   Epone ani abu Paul itosoma akeraut Eromayot aitodolikina akeswam na alimonokin naejaunit ngesi kanejai Yesu? (Asw. 9:15; 16:37, 38; 25:11, 12; 26:32; Luka 21:12, 13)

Aitetemet 112

1. Inyo abu kotakanin ataker najai Paul ne atorio osiep apujan na Kurete?

2. Anyoika abu Paul kolimok ngul luajaasi ataker?

3. Epone ani abilibilunor ataker?

4. Anyoika aicoreta nu abu esilikalet loapolon koinak itunga, ido itunga idi apotu kodolutu, neonit eyuara?

5. Ingai bo ekiror na apujan anapotu kesi kodulutu, ido inyo abu kotakanik Paul kibusuu akwap?

Angiseta nuiyatakina:

1. Kosiom Aswamisio 27:1-44.

   Epone ani itogogongoere amuno wok ebe adolitos akiro nuiwadikatai Obaibuli ne isomia oni alosit na Paul Rome? (Asw. 27:16-19, 27-32; Luka 1:3; 2 Tim. 3:16, 17)

2. Kosiom Aswamisio 28:1-14.

   Arai epedorete itunga lumam eyunitos luka Melita aijaun Paul ka ipaupake luajaasi ataker nabu obilibilun kede asianut naepol, inyobo do ibusakinit Ikristayon aitoduun, ido kopone ani? (Asw. 28:1, 2; Bur. 13:1, 2; 1 Pet. 4:9)

Aitetemet 113

1. Ingai abu Paul kolimonok ne araar ngesi eenat ko Rome?

2. Kotoma aputo kana, ingai bo epejonon loejai omesa, ido inyo ejai ngesi aswam kanuka Paul?

3. Ingai bo Epapurodito, ido inyo abu ngesi koyanga kanges ne abongora Pilipi?

4. Kanukinyo ewadika Paul ebalua nejaai opaperoke loedic Pilemon?

5. Inyo abu Paul kiswama kelacakin nges, ido inyo abu kotakanik ngesi kokau?

6. Ingai abu Yawe itosom aiwadik itaboi lukawasia luko Baibuli, ido anyoika elimokinit oni eitabo loka Apukokinio?

Angiseta nuiyatakina:

1. Kosiom Aswamisio 28:16-31 ka Ipilipin 1:13.

   Epone ani etosoma Paul akepak ne aenitere ngesi ko Rome, ido epone ani obu akeyuun namam eriangirianga otirora atukot na Ekristayone? (Asw. 28:23, 30; Pil. 1:14)

2. Kosiom Ipilipin 2:19-30.

   Anyoika akiro nuenerit Paul nuetodunitos akeiyalama nejai Timoteo ka Epapurodito ido epone ani ipedora oni atupakin akeanyunet? (Pil. 2:20, 22, 25, 29, 30; 1 Kor. 16:18; 1 Ses. 5:12, 13)

3. Kosiom Pilemon 1-25.

   1. Opone ani engaingaa Paul Pilemon aswam nuejokak, ido epone ani eraar na aanyunet ne ejaa imakio lolo? (Plm. 9; 2 Kor. 8:8; Gal. 5:13)

   2. Epone ani itodunitor akiro nuka Paul nu ejaas toma Pilemon 13,14 ebe apodokinit nges aomisio aluce kotoma atukot? (1 Kor. 8:7, 13; 10:31-33)

4. Kosiom 2 Timoteo 4:7-9.

   Kwape ka Paul, epone ani ipedoria oni ajaunor amun ebe iropi oni Yawe arai isalak oni iyuunit kiton awasia? (Mat. 24:13; Bur. 6:10)

Aitetemet 114

1. Kanukinyo inerar Ebaibuli nuka abalasin kokuju?

2. Ekiror ani emaikinitai ejie loka Edeke nepepe ka itunga luarokok kotoma akwap, ido anyoin alosikinet naka ejie kalo?

3. Kotoma aputo kana, ingai ingarekinit kotoma ojie, kanukinyo enapitor nges aboko, ido anyoin apolou na ekileng ke?

4. Kanu aitun aitetemeta 10, 15 kanukinyo mam oni iumokina ebe epedori Edeke amudiar itunga luarokok?

5. Epone ani itodikinitotor oni aitetemeta nu 33,36 ka 76 ebe ebuni Edeke amudiar itunga luarokok karaida ebalasi kesi ebe emaete ngesi?

Angiseta nuiyatakina:

1. Kosiom Apukokinio 19:11-16.

   1. Epone ani itacaunitotor aiwadikaeta cut ebe Yesu Kristo ngesi lo ibwanenit abalasit nakwangan? (Apu. 1:5; 3:14; 19:11; Isa. 11:4)

   2. Epone ani itogogongoritotor aokot nuebwasitai anapito naka Yesu ebe akeipikor erai nacut, ido ileleba? (Apu. 14:18-20; 19:13)

   3. Lungai ecepak ejaas toma ajoresio nu etupakinitos Yesu kotoma abalasin nukakwangak? (Apu. 12:7; 19:14; Mat. 25:31, 32)

Aitetemet 115

1. Ejautene enyoin itodunit Ebaibuli ibuni oni ainumunum kotoma akwap na erai Paradais?

2. Inyo isumunit Ebaibuli kanuka ngul luiboiete kotoma Paradais?

3. Iwori bo eanyuna Yesu ebe, aijulakinet naumokin na itodolikin?

4. Ne ajaar Yesu kwap ne, anyoika nu abu ngesi iswama aitodun nu ebuni ngesi aswam kwape Ekabaka loka Ajakanut naka Edeke?

5. Anyoika ebuni Yesu nepepe ka ikepugak aitodolikin cut neipugaatar kesi akwap kotoma akuj?

Angiseta nuiyatakina:

1. Kosiom Apukokinio 5:9, 10.

   Kanukinyo ipedora oni amunokin ebe ngul lu ipugaete akwap kotoma okar elukumit epote araun ikabakan ka isasedotin luepodokinitos nuwok ido itimooko? (Pes. 4:20-24; 1 Pet. 1:7; 3:8; 5:6-10)

2. Kosiom Apukokinio 14:1-3.

   Inyoin itodiarit akirot na ebe iwadikatai ekiror loka Papa ka ekiror loka Imerekek oreeta luka 144,000? (1 Kor. 3:23; 2 Tim. 2:19; Apu. 3:12)

Aitetemet 116

1. Inyo ibusakinit oni aijen arai ikoto oni aijar ikar kere?

2. Epone ani ipedoria oni aisisiaun nuikamunitos Edeke Yawe ka Yesu kwape itodiaritere kede ipese yen ka apaperoke kotoma aputo kana?

3. Enyoin eitabo ece lo itei ijo kotoma aputo kana, ido kanukinyo ibusakinitor ijo asiomenen nges duc?

4. Aidokokin toma aisisia nuikamunitos Yawe ka Yesu, inyo bobo ekotoi kanu oni adumun aijar namam edaun?

5. Aisisianakinet anyoin isisiau oni kotoma aitetemet 69?

6. Anyoika itodiarit anyunet najokan naka Samuel kotoma aitetemet 55?

7. Epone ani itupakina oni anyunet naka Yesu Kristo, ido arai iswama oni ngun, inyo ipedori oni do aswam kongaren?

Angiseta nuiyatakina:

1. Kosiom Yokana 17:3.

   Epone ani itodunitotor aiwadikaeta ebe adumunun aijen naikamunit Edeke Yawe ka Yesu Kristo edeparit aituunun akiro bon? (Mat. 7:21; Yak. 2:18-20; 1 Yok. 2:17)

2. Kosiom Isabulin 145:1-21.

   1. Anyoika ace kotoma akiro nuipu nuibusakinitor oni aiturenen Yawe? (Sab. 145:8-11; Apu. 4:11)

   2. Epone ani ejokar Yawe “nejaas itunga kere” ido epone ibusakinitor na aisukunyuun oni nejaai ngesi? (Sab. 145:9; Mat. 5:43-45)

   3. Arai emina etau wok Yawe, anyoika ebuni oni aswam? (Sab. 119:171, 172, 175; 145:11, 12, 21)