Ekoto Satan ijo angicenen aanyununeta. Luipu iswanaete asuban nejaas lukatwak kanu aidar kes kotoma atiokisio. Iswamaete kes nu naarai ekuriaka apedorosia nuka imusimun. Engapete emusika. Emasete ka aisut awatekec “ekia” loeomitos kes ebe epedori aidar kes. Ingadaete ice itunga iboro lu ecamunitos kes ebe ejaai apedor na aidar kes toma ore. Ice ebokikino kwap. Ice itunga itosomaete “ilwitia” naraai iyunitos kes ebe eyaunete arereng kotoma obiasara, aingito ka osupane.

Akoni ayuwara najokan kama ejai Satan nges aitaraun Yawe epapero kon. Epol Edeke Yawe ka ikemalaikan apedor adepar Satan ka akejokin. (Yakob 2:19; Apukokinio 12:9) Ekapakina Yawe aitoduun akegogong kanu ikepapero​—ngul lu emunokina nges cut.​—2 Aisiitonokin 16:9.

Ebala Akirot naka Edeke: ‘Siri iŋic aanyununeta.’ Etubokinit Yawe aingic aanyununeta ka amuronot naraai aswamisio nu epikakinete idio kere apedor naka Satan ekejodijodon.​—Ilebin 19:26.