ABONGONOR
AISISIAET NA 7
Ainyikokinit
Aicoretait: ‘Mam inyeikinitos aisisianakin ka alimonokin.’—Asw. 5:42.
Nuabu Paul Kiswama
1. Kosesen EBIDIO, arai bo kosiom Aswamisio 19:8-10. Kosodi abongokin aingiseta nuetupakinete:
Anyoika bo Nuisisiauni Oni Kaneejai Paul?
2. Ekoto oni aitwasam awokopak ka agogong kanu abongonor neejaasi itunga ka aitegear aisisia keda kes Ebaibuli.
Koputo Paul
3. Okapakina abongor neejai itunganan kotoma apak naeseunit ngesi. Ingitakin ber ijo: ‘Iwori bo apedoria eong abongor neejai ngesi? Iwori bo ejaar nges apak einer keda eong ido akai?’ Okapakina abongor neejai itunganan ngin kosawan luitutubit ngesi karaida mam ngin erai apak naikotor ijo abongor.
4. Kingitu itunganan apak naipedoria ijo ainerakin keda nges bobo. Kanginipak naingetakinia ijo einer kanges, kotam ajenun apak naipedoriata ainerakin bobo. Kokapakina airiamun keda nges kosawan ka aiboisit naicamanara yesi.
5. Kojaatar keda amun. Sirikisunyak atemar ebe itunganan yenecicing ajaut ore keda yenepol aswam ebe mam ekoto ainyikokin aisisia. (1 Kor. 13:4, 7) Kejaa ngun da, kinyikok abongonor neejai itunganan ngin konye kiitunite aitwasam akonipak ejok.—1 Kor. 9:26.
