Kotoma alimonokinike, etosomai Yesu akiro nueswamasi katutubet. (Luk 13:1-5) Ipedori jo da aitosom akiro nuiswamasi katutubetekon kanu ainakin itunga apupokin akiro nuka Ajakanut. Akaulo naka einer nuikamunitos epone loeutar etiai loka iboro aikear, engeso, eigur loka akwap, luipielito ikee, arai bo akiro ace da, ingit aingiset naeinakini itunganan aomoom. Ipedori jo aingit ebe: “Iwomit jo ebe ebuni kereka . . .  ainang?” arai bo “Inyoin bo iwomit ijo epedori aitemokin ationis naka . . . ?” Kosodi aimor ekokoro loiriamara keda akiro ngun. Arai ekoto itunganan ajenun nuipu, kitodik ngesi ebidio arai bo idiobore kotoma Oborowok Luka Aisisianakin. Naikokakinitor oni atiror itauon luka itunga katutubetewok, eswamata nu “kere kanuka akiro nukajokak.”​—1Kor 9:22, 23.

Anu bo akiro nueminakinitos itunga luka atutubetekon?