AIJAR KWAPE IKRISTAYON

Ingarak Itunga Lumam Ijaanakinete Edeke Ajenun Lokasubanikec

KOBOLIAK

Imina kereka jo ajalakin alimonokin ngul lumam epodokinitos akiro nuka ediini, ido koomite jo ebe mam kes aticepak ecamunete? Arai ikoni nen, iitunite ebe itunga luipu karaida ngul lumam epodokinitos akiro nuka ediini, aimoriarit ngul lumam iyuunitos ebe ejai Edeke, epedorete araun Ajenak Luka Yawe. Idila duc ebe, ibore yenakotosi kesi nges aingarakinio amisiikin ebe ejai Edeke.—Rom 1:20; 10:14.

KOSESENATA EBIDIO KIITUNITE—ITUNGA LUEMAMEI AIYUUN EPEDORETE ADUKUN AIYUUN!—ITUNGA LUMAM EPODOKINITOS EDIINI, KOSODETE ABONGOKIN AINGISET NA:

Epone bo ani ingarakinia aanyunet naka Tommaso jo ajaut keda aomisio nuajokak nailimonokinia jo ngul lumam epodokinitos akiro nuka ediini?

Abongokinetekon

Epone loiswamaet

Karai elimoki jo itunganan ebe mam ngesi iyuunit Edeke, korai yenisiana, yenicobe ido itodik nges ebe ipodokinit jo epone loepupio ngesi kanuikamunitos ngun. (2Tim 2:24) Itetemoto akiro nuaticepak eminakinete nges. Ecamunit kereka ngesi yes aimor akiro nuengarakisi itunga luipu aiyuun ebe ejai Edeke? Arai ecamunit, itosom iitabon ka ibidion luinomunitai kanu alosikinet angin. Eyatakin aburocua naebala Was Life Created? keda The Origin of Life—Five Questions Worth Asking toma Oborowok Luka Aisisianakin tetere epatana adumun.

Kageunet, aticepak ikurianar jo aimor abeit keda itunganan yenimam iyuunit ebe ejai Edeke. Kanuinyo mam jo ingitunia aingarakinio kaneejai onac arai inac naemisiarit kotoma alimonokin? Iitunite ebe, epedori Yawe aingarakin oni adolokin itauon luka ngul lukelosikinito aijar namam edaun karaida aticepak ageunet, mam kes iyuunitos ebe ejai Edeke.—Asw 13:48.

AIJARAWOK NAKA EKRISTAYONE KA ALIMONOKIN–EITABO LOKA AIRAIMUNUNETA