Karaida eroko Yawe keinakina ikisila luikamunitos aima aputosia, ajeni Yakob ebe ekoto Yawe itunga aima ngesi bon. (Any 20:3-5) Aso, akaulo Yawe alimokin ngesi abongor Betel, abu Yakob kicorak itunga kere luaupasi kanges alemar aputosia nuka idekesio. Kosodi Yakob acakar aputosia ngun aimoriarit itetio luanapitos itunga kakikec, kanuka aticepak ayuwarit kes. (Age 35:1-4) Komam abuonokin, abu Yawe kiyalamikin kanu abu Yakob iswama.

Epone bo ani lolo ipedoria oni aijaikin Yawe aima naebeit ngesi bon? Nuepolok kakere nuibusakinit oni aswam, ngesi aisac aima aputosia ka ecudet. Imoriaritos nu oni alemar cut idiobore yenegongakina keda ecudet ka oni acoit iboro luimina oni kotoma aitelelio. Kwape aanyunet, ingitakin ber jo ebe: ‘Alelakinit kereka eong aisiom iitabon ka asesen ibidion luitodiete akiro nuka ajokin, aputosia nuka ecudet keda amuronut? Erai kereka aitelelioka naitodunit ebe mam ecudet, eipiedane arai bo nat aiken erai ibore yenerono?’ Ekoto oni aisac idiobore kere yenelait Yawe.​​—Sab 97:10.

KOSESENATA EBIDIO “KITEPEGATA SATAN,” KOSODETE ABONGONOKIN AINGISETA NU:

• Ani bo ationis naabu esisian naanyaritai Palesa kodum?

• Kanukinyo ejokunar itunganan adumun aingarakinio kaneejaasi imakio arai esuronokinete ajokin nges arai bo esisianike?

• Inyoika bo iboro luibusakinit ngul luekotosi ayuwara kaneejai Yawe aisac?

• Inyoin bo abu Palesa kiswama

• Inyoika bo iboro katutubetekon luibusakinit ijo ainac luikamanara ka ajokin?