Kanukinyo ibusakinitor jo aitam aimor aomisiokon keda auriakakon? (Awa 23:26) Naarai ijaikinit Yawe kes aswam naka aidar keda aingarenikin jo. (Sab 127:3, 4) Etionikini kesi aingarakin arai mam jo ilimokini kes akiro nuipodokinit jo keda aiyalongongokon. Ido, ibuni jo atwaniar akiro nuatakanito kes kotoma apolounikec nuepedorete aingarakin jo. Erono kereka aililingar epone loipupia jo? Mam cut​—bon ebe mam jo iuta aibwait ibore yenaronon.​—Awa 3:32.

Epone bo ani ipedoria jo einer keda auriakakon? Kotam aseun apak naajokan kanukon keda kanukec. Arai etiono aswam ngun, ipedori jo aiwadikakin idiope kakesi ebaluwa kanu aimor keda kesi epone loipupia jo. Do bo do arai ekotosi kesi einer akiro numam jo iminakinit? Kiitu ebe ekotosi kesi aingarakin jo. Ekoto jo ayait auriakakon kwape ipapero mere lukasurup. Iswama jo kagogong einer kailajaara keda auriakakon, ibuni jo aimedaun kotoma aijarakon​—aijar namam edaun!​—Awa 4:10-12.

KOSESENATA EBIDIO AIJAR NAKA ATUMUNIKA​—EPONE BO ANI APEDORIA EONG EINER KEDA AURIAKAKA? KOSODETE ABONGONOKIN AINGISETA NUTA:

• Inyoin bo abu Esther keda Partik kojenutu kanuikamunito awatekec?

• Anyoika bo nuipedori jo aisisiaun kaneejai aanyunet naka Yesu?

• Epone bo ani itodunitotor auriakakon ebe epodokinitos kesi jo?

• Anu bo aicoreta nuka Ebaibuli nuepedorete aingarakin jo ainer keda auriakakon?