መዝሙር 82:1-8
ናይ ኣሳፍ መዝሙር።+
82 ኣምላኽ ኣብ መለኮታዊ ኣኼባ* ይቐውም፣+ኣብ ማእከል ኣማልኽቲ* ኸምዚ ኢሉ ይፈርድ፦+
2 “ክሳዕ መዓስ ኢኹም ብዓመጻ እትፈርዱ፡+ንእኩያትሲ እተዳልዉ፧+ (ሴላ)
3 ንትሑትን ንዘኽታምን* ተጣበቑሎም።*+
ንረዳኢ ኣልቦን ንነዳይን ፍትሒ ኣውጽኡሎም።+
4 ንትሑትን ንድኻን ኣናግፍዎም፣ካብ ኢድ እኩያት ኣድሕንዎም።”
5 ኣይፈልጡን፡ ኣይርድኡን እውን እዮም፣+ኣብ ጸልማት ይመላለሱ ኣለዉ፣ኵሉ መሰረታት ምድሪ ይናወጽ ኣሎ።+
6 “ኣነ፡ ‘ኣማልኽቲ* ኢኹም፣+ኵላትኩም ደቂ እቲ ልዑል ኢኹም።
7 ግናኸ፡ ከም ሰብ ክትሞቱ፡+ከም ዝዀነ መስፍን እውን ክትወድቁ ኢኹም’ ኢለ።”+
8 ኦ ኣምላኽ፡ ኵሎም ኣህዛብ ናትካ እዮም እሞ፡ተንስእ፡ ንምድሪ ፍረዳ።+
እግረ ጽሑፍ
^ ወይ፡ “ኣብ ኣኼባ እቲ መለኮት (ኣምላኽ)።”
^ ወይ፡ “ከም ኣምላኽ ዝበሉ።”
^ ወይ፡ “ፍረዱሎም።”
^ ወይ፡ “ኣቦ ንዘይብሉን።”
^ ወይ፡ “ከም ኣምላኽ ዝበልኩም።”
