PASEN KWAGH SHA GBASHIMA | SEER ZUAN A MSAANYOL KEN TOM U PASEN KWAGH
Wase Mba U Henen Bibilo a Ve la Ve̱ Vaan Mbamkombo
Mbamkombo mba tiônnongo ka vegher u vesen ken mcivir u mimi. (Ps 22:22) Mba ve kohol imôngo u civir Yehova la ka i saan ve iyol shi a ver ve doo doo kpaa. (Ps 65:4) Mbahenen Bibilo ka vea zaan mbamkombo hanma shighe yô ve hemba vesen ken jijingi fele fele.
U wase mba u henen Bibilo a ve la nena ve, vea hii u van mbamkombo? De gbe uwer u lôhôn ve ga. Tese ve vidio i Ka Nyi I Eren hen Iyou i Tartor? la. Ôr ve akaa a dedoo a vea va mbamkombo ve vea zua a mi yô. (lff ityough 10) U fatyô u ôron ve akaa a vesen a u hen ken mkombo yô, gayô sav ôron ve akaa a á hen ken mkombo u van la. Na ve ityakeda i se henen ken mkombo la. Shi wase ve sha akaa agen kpaa. Alaghga ajiir a ve gba ica, nahan aluer u wase ve sha kwa hiihii la u van mkombo yô a doo kpen kpen.—1Ko 14:24, 25.
NENGE VIDIO I WASE MBA U HENEN BIBILO A VE LA VE̱ VAAN MBAMKOMBO LA, MAA NA MLUMUN SHA MBAMPIN MBA VE DONDO NE:
-
Neeta er nena ve a lôhô Jade mkombo ken Iyou i Tartor?
-
Or u se henen Bibilo a nan ka nana vaan mbamkombo yô i saan se iyol sha ci u nyi?
-
“Mimi je Aôndo ngu a ven”
Jade yange va mkombo sha kwa hiihii nahan lu un nena?
