Ka i gba u or u eren anumbe nana za hemen u karen iyol sha er nana fa u eren anumbe tsembelee yô. Kape se kpa i gbe u se nôngo kwagh kpoghuloo se za hemen u tsaase mkav wase u ken ishima je la. (Heb 5:14) Shin er ashighe agen ka i lu se ape dondon kwagh u mbagenev nahan kpa, gba keng u se er tom a mkav wase u tsuan kwagh iyol yase. Sha ci u nyi? Sha ci u hanma wase nana va ôr kwagh u nan iyol i nan.—Ro 14:12.

Sea er batisema anyom a kar kpishi je kpa, ka u se hen ser hanma kwagh u se tsough u eren cii una lu u vough ga. Saa se suur sha Yehova man Mkaanem nam kua nongo na ve se tsua kwagh u vough ye.—Yos 1:7, 8; Anz 3:5, 6; Mt 24:45.

NENGE VIDIO I “LU NEN A IMO I WANG KEN ISHIMA” LA, MAA NA MLUMUN SHA MBAMPIN MBA VE DONDO NE:

• Ka nyi yange gba u Emma una tsua?

• Er nan ve i gbe u se palegh u ôron mbagenev mhen wase sha akaa a i gbe u hanma or nana tsua a ishima i nan u eren laa?

• Ka kwaghwan u injaa u nyi orgen vea kwase na yange ve wa Emma?

• Ka hana Emma yange zua a kwaghwan u wase un sha zayol na laa?