Mkaanem ma Aôndo na se akaa a kwagh a gbe se a mi u nôngon a mbamzeyol ken ayange a masejime ne cii. (2Ti 3:1, 16, 17) Nahan kpa, ashighe agen ka i gba u se ker akaawan a Bibilo sha ma zayol ugen jighilii. Ikyav i tesen yô, u ngu ormaren u ú lu keren kwaghwan u una wase u u yesen mbayev yôô? U ngu gumor u ka i taver we u eren kwagh u Yehova a soo yôô? U ngu zungwen ku u nomou shin kwase wou-wee? Aluer u za sha jw.org yô, u zua a ngeren shin uvidio mba vea wase u u zuan a kwaghwan u Bibilo sha zayol shon shin mbamzeyol mbagenev yô.—Anz 2:3-6.

Za sha jw.org za kighir sha ATESEN A BIBILO. (Nenge foto u sha 1.) Una bughun yô, tsua itinekwagh i u soo la. Gayô kighir sha ITYAKERADA > NGEREN MBA I DUEN A MI HANMA SHIGHE YÔ maa tsua itinekwagh i u soo la. (Nenge foto u sha 2.) U fatyô u zuan a akaa ne sha JW Library^® * kpaa. Aluer u za sha ajiir ne u za nenge atineakaa la tseegh kpa alaghga u zua a kwagh u injaa. Kwagh ugen u una wase u yô, ka u za keren ma itinekwagh sha jw.org ape i nger ér ker la.

Za ker atineakaa a a dondo ne hen ijiir i keren kwagh la, nahan tsua ngeren mba alaghga u soo u ôron yô.

• Er a yese mbayev yô

• Ityesen i akaa cii gbaduen tsô

• Shighe u ikyar u a saa ku yô