VEGHER U SHA 4
Tor u Iserael u Hiihii zan zan Myem ve Uikyangen ken Babilon
Saulu yange hingir tor u Iserael u hiihii. Kpa Yehova venda un, man i tsua Davidi sha u a̱ lu tor sha ityough nagh. Se fa akaa kpishi sha kwagh u Davidi. Er lu wanye la, a nôngo ityav a ikyôror Goliati. Ken hemen yô a yevese sha ishigh ki Tor Saulu u lu gban un iyuhwe la. Shi kwase u doonashe Abigail yange un u eren ibumekwagh.
U dondon yô, se hen akaa kpishi sha kwagh u wan u Davidi u nomso Solomon, un u yange kar tema tor u Iserael sha ityough ki Davidi la. Utor mba Iserael mba hiihii mba utar mbara cii hanmô ve nan hemen anyom 40. Er Solomon kpe kera yô, I pav Iserael hingir ityartor ihiar, tartor u ken imbusutarimese man u ken imbusutariyan.
Tartor u ikwe 10 u ken imusutarimese la yange u tsa anyom 257 cii ve Mbaashiria va tim ú ye. Tsô anyom nga karen 133 ken hemen yô, tartor u ikwe ihiar u ken imbusutariyan la kpaa i tim ú. Hen shighe ne yô i kôr Mbaiserael i yem a ve uikyangen ken Babilon. Nahan Vegher u sha UNYIIN ne yisa shighe kuma anyom 510 a akaaeren a mbayiase, hen shighe shon ne akaa a kpilighyol kpishi e̱r kar sha ashe ase.
KEN VEGHER NE
ITYOUGH 56
Saulu—Tor u Iserael i Hiihii
Lu Aôndo tsua un sha hiihii la ye, kpa va venda un ken masejime, se fatyô u henen kwagh u injaa ken kwagh u er Saulu la.
ITYOUGH 57
Aôndo Tsua Davidi
Ka nyi Aôndo yange nenge a mi ken Davidi, kpa profeti Samuel yô nenge a mi ga?
ITYOUGH 58
Davidi man Goliati
Davidi nôngo ityav a Goliati, lu sha mzu tseegh ga, kpa kua sha ikyagh ki numugh ki utaha kigen.
ITYOUGH 59
Er I Hii Ve I Lú u Davidi Una Yevese Keng Yô
Yange doo Saulu a Davidi sha hiihii la, kpa ken masejime va gba Davidi iyuhe je soo u wuan un. Sha ci u nyi?
ITYOUGH 60
Abigail man Davidi
Abigail yange kaa ér nom na ka ibumeor, nahan kpa kwagh shon war uma u nom na hen anshighe kpuaa.
ITYOUGH 61
I Na Davidi Tor
Davidi yange tese ér un kuma u lun tor u Iserael sha akaa a yange er man a a venda u eren la.
ITYOUGH 62
Mzeiyol ken Ya u Davidi
Davidi yange er kwaghbo u vesen môm, nahan hingir u un vea tsombor na cii vea ya ican anyom imôngo.
ITYOUGH 64
Solomon Maa Tempel
Er Solomon lu orfankwagh nahan kpa, yange i mee un er ibumekwagh shi lu kwaghbo kpaa.
ITYOUGH 67
Yehoshafati Na Yehova Jighjigh
A er nan shoja vea lu zan ityav ve, mbawan atsam vea kar a hemen ve a kwagh u nôngon ityav a mi shio?
ITYOUGH 68
Mbayev Nomso Uhar Mba Ve Hide Ve Lu Uma La
Or u nan kpe nahan shi nana fatyô u hiden lun uma je kpa? Kwagh vande eren nahan!
ITYOUGH 71
Aôndo Er Ityendezwa I Paradiso
Paradiso u hiihii la yange lu di kpuaa tsô; u ngun ne una samber sha tar cii.
ITYOUGH 73
Tor u Iserael u Dedoo u Masejime
Tor Yoshia yange taver ishima er kwagh ugen shighe u lu gumor la.
ITYOUGH 74
Or u Á Cian Kwagh Ga La
Yeremia yange hen ér un ngu wanye yum, un kuma u lun profeti ga, kpa Aôndo yô, nenge ér una fatyô u eren tom u profeti.
ITYOUGH 75
Mbayevnomso Unyiin ken Babilon
Yange ve za hemen u eren kwagh u vough, shin er i pav ve a icombor ve nahan kpaa.
ITYOUGH 76
I Tim Yerusalem
Er nan ve Aôndo yange de ér Mbababilon mba ve lu mbaihyomov mba Mbaiserael la ve tim Yerusaleme?
