KWAGHHENEN U SHA 20
Kure Kwaghôron Wou sha Inja
Orpasenkwagh 12:13, 14
NGEREN U SAVEN: Er u lu kuren iliam you la, wase mba u lu lamen a ve la ve lumun kwagh u u lu ôron la shi ve dondo kwagh u ve hen la.
ER U ER KWAGH NE YÔ:
-
Mkaanem ma kuren iliam you la ma zua sha kwagh u ú lu ôron la jimin cii. Kimbir atôakaa a vesen kua itinekwagh you gayô hide ôr a sha gbenda ugen.
-
Ôr kwagh sha gbenda u ua mgbegha mba u lu lamen a ve la u eren ma kwagh yô. Tese mba u lu lamen a ve la kwagh u vea er yô, man er i hii ve i gbe u vea er kwagh shon la kpaa. Ôr kwagh sha gbashima shi tese wer u na jighjigh a kwagh u u lu ôron la.
-
Kure kwaghôron wou tiônôô man sha gbenda u taver ga. De kera duen a atôakaa a vesen agen ga. Ôr kwagh kpuaa er i gbe u u ôr la, sha er u mase wasen ve ve er kwagh u u lu ôron la yô.
