Shighe u se ôr Bibilo yô, se fatyô u seer tôvon sha kwagh u se ôr la ken akaa kposo kposo a a wasen se u tôvon sha kwagh la, sha er se hemba kaven tsembelee yô. Nahan kpa, doo u se ôron Bibilo sha ci u seer fan i tseegh ga. A gba u se keren akaainjaa sha kwagh u aeren a Yehova a aa na una seer doon se ishima yô. Kwagh u una wase se u eren nahan yô, hanma wase nana fatyô u pinen iyol i nan ér, ‘Kwagh u Bibilo i ôr ne tesem nyi sha kwagh u Yehova?’

Ikyav i tesen yô, u fatyô u seer timen sha igbenda i Yehova a tese ér un ngu a dooshima man kwaghfan man tahav, shi un eren kwagh sha mimi yô. Nahan kpa, ka aeren a ne tseegh Yehova a lu a mi ga, ngu a aeren a doon agen kpaa. Ka han u za ve u seer fan kwagh u aeren na shono?

Nenge Takerada u Tôvon sha Kwagh ú Mbashiada mba Yehova sha itinekwagh i “Yehova Aôndo” la, maa nenge itinekwagh i kiriki i i nger ér “Aeren a Yehova” la. Nahan hemba veren ishima sha aeren a Yehova a u nenge a mi ken kwagh u u ôr ken Bibilo la.