U ôr Iyoukura mba i gber ken inyom ne la vighe vighe kpa? Yô, nenge ase wea fatyô u nan mlumun sha mbampin mban yô:

Doo u se eren kwagh a Mbakristu mba i shigh ve mkurem la nena?

Ka se wuese jighjigh ve u nan la, nahan kpa se mba soon kwagh ve ka za karen ikyaa inya ga. Ka se palegh ieren i “kuhwan ior” la. (Yuda 16, ngeren u shin kpe.) Shi se mba sendegh pinen ve mbampin sha kwagh u ishimaverenkeghen ve i yemen sha la ga.—w20.01, peeji 29.

Ka nyi ia wase u u lun a vangertiôr wer Yehova fa u we?

Bibilo tese ér yange fa u shi nenge a we cii ve i mar u ye. Ongo mbamsen ou. Ngu a fa kwagh u u lu henen ken ishima la kua er ishima i lu u ker la kpaa cii. (1 Kron. 28:9; Anz. 27:11) A urugh we va a mi hen a na.—w20.02, peeji 12.

Ka hanma shighe nahan i gbe u se lam, man ka hanma shighe nahan i gbe u se lu ving-ni?

Ka se ôr mbagen kwagh u Yehova saan saan. Shi ka se bugh zwa se ôr kwagh zum u se nenge or pende ishigh u za gban ken kwaghbo yô. Shi mbatamen ka vea nenge ér gba u a wa anmgbian u nomso shin u kwase kwagh yô, ve er nahan. Se mba pinen ser i ôr se er i lu eren tom wase ken ityar i i cir tom wase la ga, (shi se mba tee akaa la se mba ôron) mbagen ga. Se mba pasen akaamyer ga.—w20.03, peeji 20-21.

Ikyomon i i er kwagh u i ken Yoel ityough 2 la kaha a i ken Mpase ityough 9 la nena?

Yoel 2:20-29 kaa ér Aôndo zenda ikyomon la kera shi tôndo zwa ér una “hide” a akaa a ikyomon shon i vihi la. Abeen kera yô, una haa jijingi na. Avegher a kwaghôron u profeti ne nahan yange kure sha mi shighe u ior i Babilon va ta num sha Iserael kua zum u shighe la kar yô. Mpase 9:1-11 di ôr kwagh u mba i shigh ve mkurem mba sha ayange ase ne, mba lun er ikyomon nahan, mba ve lu yôôn ijirôron i Aôndo sha botar ne yô. Tom ve ne u na mba ve lu suen tar ne la cii tema kpe ve iyol ga.—w20.04, peeji 3-6.

Ka an nan lu tor u ken imbusutarimese sha ayange nee?

Ka Russia man ityar i i suen un la. Ugomoti mban hemen ken ityar i ior mba Aôndo ve lu ker kpishi yô, ve cir tom u pasen kwagh shi ve tese sha ieren ve ér ve kôr Mbashiada ihyom. Tor u ken imbusutarimese ne ngu nôngon shin hendan kwagh a tor u ken imbusutariyan la kpoghuloo.—w20.05, peeji 13.

Ka aeren ataankaranyiin a i ter ken Mbagalatia 5:22, 23 la tseegh a lu avegher a “ityamegh ki jijingi” yee?

Ei. Icighan jijingi ngu a wase se u lun a aeren a dedoo agen kpaa, er perapera nahan. (Ef. 5:8, 9)—w20.06, peeji 17.

Aluer u ngu kpurun akaangeren gayô ufoto ou shin akaa agen sha Intanet yô, ka kwaghbo u nyi una fatyô u duen ken kwagh nee?

Alaghga kwagh u u ver sha Intanet la una na mbagen vea nenge ér u ngu or u maren iyol shin wan igbongor, vea nenge ér u ngu or u hiden a iyol ijime ga.—w20.07, peeji 6-7.

Ka nyi Mbakristu mba ve eren tom u pasen kwagh vea fatyô u henen ken ior mba ve fe ishu kôron tsembelee?

Mbakôronishu ka ve za ape vea zua a ishu kua hen shighe u ve nenge ér ishu ia lu la kpaa. Ka i tsaase ve, ve fa u yaren ikyôr a ikyav mbi injaav. Shi ka ve taver ishima ve er tom ve ken mbamlu kposo kposo. Se kpa se fatyô u eren nahan ken tom wase.—w20.09, peeji 5.

Ka sha nyi igbenda nahan se wase mba se henen Bibilo a ve la, Yehova una seer doon ve ishima?

Se fatyô u taver ve ishima ser ve ôron Bibilo hanma iyange shi ve tôôn shighe ve henen sha kwagh u ve ôr la. Shi se fatyô u tesen ve u eren msen.—w20.11, peeji 4.

Kwagh u i kaa ér: ‘Ka sha Kristu di ior cii vea hide a lu uma’ la, kua unô kpaa?—1 Kor. 15:22.

Apostoli Paulu yange lu kaan ér mba va nderen hanma orumace u nan kpe cii ga. “Ior cii” mba lu ôron kwagh ve la kua Mbakristu mba i shigh ve mkurem ‘mba i tsegha ve sha u ve̱ lu ken mzough vea Kristu Yesu, shi i yila ve ér ve lu uicighanmbaiorov la.’ (1 Kor. 1:2; 15:18)—w20.12, peeji 5-6.

Ka nyi mba i shigh ve mkurem vea za er zum u a va ‘gema ve er or ka nan pelegh ishe nahan, sha shighe u a mase tôngon busa’ laa?—1 Kor. 15:51-53.

Vea er tom vea Kristu imôngo u hemen ior sha gbough ku iyôgh. (Mpa. 2:26, 27)—w20.12, peeji 12-13.