Ú Umbur Kpa?

Ú ôr Iyoukura mba i sember duen a mi la vighe vighe kpa? Yô, de se nenge wea fatyô u nan mlumun sha mbampin mban yô:

• Ka akaa atar a nyi aa wase se u hendan a isharen i eren kwagh sha anyighe laa?

Akaa shon yô, ka: (1) Lu a mcie u cian Yehova sha gbenda u vough la. (1 Pet. 3:12) (2) Lu a imoshima i Bibilo i tsaase i la. (3) Nôngo kpoghuloo kwagh a kuman we.—4/15, peeji 6-7.

• Er nan ve se fe ser u tôôn mcivir u Aôndo beelee ga la tese ér hanma shighe yô, se tôôn iyol yase gede gede shi se tswer iemberyolough ga?

Se fatyô u henen sha ikyav i Yesu la. Yange a ya iwer vea mbagenev ken ajiir a kundun iyol. Se fa ser yange tôôn iyol na gede gede shin eren asenge ga ze. Sha nahan yô, yange i doo mbagenev u lun vea na kua mbayev je kpaa?—4/15, peeji 10.

• Aluer nom vea kwase mar mbayev man ka lun inja er kera mba kôôsôô er yange ve vanden lun la ga yô, vea er nena?

Gba u nom una pase kwase na ér a doo un ishima, kwase kpa nahan. Nom nana fatyô u nôngon kpoghuloo sha er kwase u nan una hen ér nan kera doo nan ishima ga ze yô. Shi gba u ve uhar cii vea fa u lamen ayol a ve sha kwagh u ugbayol vev shi vea pasen er i lu ve ken ishima la.—7/1, peeji 30-31.

• Kanyi kon u olev u i er kwagh u ú ken Mbaromanu ityough 11 la u til sha mini?

Kon u olev la gba zua vea vegher u kiriki u vor u Aberaham, u̱ a lu Iserael u ken jijingi la. Yehova ngu er mishe nahan, man Yesu di ngu er itine i kon u olev u sha injakwagh ne nahan. Shighe u Mbayuda mba sha marami kpishi venda Yesu la, i ver atôatyev a a hingir mbananjighjigh la sha ityough vev, nahan iyenge i mba ve lu vegher u kiriki u vor u Aberaham la, maa iv sha mi.—5/15, peeji 22-25.

• Ka loho u dedoo u hemban cii u nyi se fatyô u ôron mbaatsaneve?

Loho u dedoo shon yô, ér: Aôndo tsua Yesu ver un Tor. Ka un a lu orhemen u vough u una kar a ibanave kera ye. Sha ci u nyi? Sha ci u ka u una hemen uumace cii shi ngu a tahav mbu eren akaa cii shi zungu mbaatsanev mhôônom shi una fatyô u karen a kwagh u a ve a ibanave la kera, ka ieren i wan iyol yase ikyo tseegh, i i mar se a mi la je la.—7/1, peeji 7.

• Tsombor u Yesu yange una soo yô ma tser la kpa ngu ken nagh ku ipaan kuraa?

Ei. Shin er Yesu yange una soo yô, ma ver vor u uumace ubiliôn ubiliôn mba lun vough nahan kpa, tsombor u yange ma fatyô u tseren ne ngu ken nagh ku ipaan kura ga. Ka uma u Yesu u vough la tseegh a zough vea uma u Adam la ye. (1 Tim. 2:6)—6/15, peeji 13.

• Mbakristu vea tese ér ve ungwa kwaghwan u i nger ken Aerenakaa 20:29, 30 sha kwagh u mbatesen mba aiev la nena?

Mba nyer a mbatesen mba aiev ken uya vev shin mba sughun ve kpaa ga. (Rom. 16:17; 2 Yoh. 9-11) Mbakristu mba palegh ityakerada i mba vendan mimi kua ajiir a sha televishen a ve pasen ilyoho ve la kua ajiir a sha Intanet a á lu a atesen a ve la.—7/15, peeji 15-16.