I асырдакы ёлбашчылык маслахаты Иерусалимдәки ресуллардан ве яшулулардан ыбаратды. Олар месх эдилен месихчилериң әхли йыгнакларына ёлбашчылык эдип, ваҗып карарлары кабул эдйәрдилер (Ресулларың ишлери 15:2). Олар Мукаддес Язгылар эсасында маслахатлашып, Худайың рухуның гөркезмесине эерйәрдилер ве бирагыздан карара гелйәрдилер (Ресулларың ишлери 15:25). Шу гүнлерем Ёлбашчылык маслахатының агзалары оларың гөрелдесине эерйәрлер.

Худай олар аркалы ниетини амала ашыряр. Ёлбашчылык маслахатында гуллук эдйән месх эдилен доганлар Худайың Сөзүне чуңңур хормат гойярлар. Оларың дурмушы ве рухы меселелерде бай теҗрибеси бар. Олар бүтиндүнйә доганлык билен баглы меселелери чөзмек үчин, хер хепде душушярлар. I асырда болшы ялы, олар йыгнаклара хат үсти билен, айланян гөзегчилер ве бейлеки доганлар аркалы Мукаддес Язгылара эсасланан гөркезмелери берйәрлер. Бу болса Худайың халкына бир пикирде болмага ве агзыбир ишлешмәге ярдам эдйәр (Ресулларың ишлери 16:4, 5). Ёлбашчылык маслахаты рухы иймитиң тайярланмагына гөзегчилик эдйәр, вагыз ишини угрукдыряр ве җогапкәр доганларың белленмеги барада алада эдйәр.

Худайың рухуның гөркезмесине эерйәрлер. Ёлбашчылык маслахаты Әлемиң Хөкүмдары Ехова ве йыгнагың Башы Иса әхли затда гулак асярлар (1 Коринтослылар 11:3; Эфеслилер 5:23). Олар өзлерини Худайың халкының ёлбашчылары хасапламаярлар. Олар бейлеки месх эдилен месихчилер билен билеликде «Гузы (Иса) нирә гитсе, Онуң ызына дүшйәрлер» (Ылхам 14:4). Ёлбашчылык маслахаты бизиң олар үчин эдйән догаларымызы гыммат сайярлар.

• I асырдакы ёлбашчылык маслахатына кимлер дегишлиди?

• Шу гүнлер Ёлбашчылык маслахаты Худайың гөркезмесине нәдип эерйәр?