Ýehowa Şeýtanyň ýetiren ähli erbetligini düýbünden aýrar. Ýehowa Isany ýer ýüzüniň Patyşasy edip belledi. Isanyň hökümdarlygy astynda ýer ýüzi jennete öwrüler (Daniýel 7:13, 14; Luka 23:43).

Ýehowanyň wadalary:

• BOL IÝMIT BOLAR: «Ýer hasylyny berer; Hudaý, biziň Hudaýymyz bize ak pata berer». «Galla daglaryň başyna çenli ýurtda bol bolsun» (Zebur 67:6; 72:16).

• URUŞ BOLMAZ: «Geliň, Rebbiň işlerini görüň, Ol ýer ýüzünde harabalyklar döredýär. Ýeriň ujuna çenli uruşlary togtadýar» (Zebur 46:8, 9).

• ERBET ADAMLAR BOLMAZ: «Çünki ýaman iş edýänler kesilip taşlanar... Ýene az-kem sabyr et, erbet ýok bolar. Hawa, onuň ýerine seredersiň, ol ýokdur» (Zebur 37:9, 10)

• KESELÇILIK, HORLUKLAR WE ÖLÜM BOLMAZ: «Şonda körleriň gözi, kerleriň hem gulagy açylar. Şonda agsak adam keýik kimin böker, lalyň dili bolsa aýdym aýdar» (Işaýa 35:5, 6).

   «Hudaýyň Özi-de olaryň arasynda bolar. Ol olaryň gözlerinden ähli ýaşlaryny süpürer. Indi ne ölüm, ne ýas, ne agy, ne-de agyry bolar. Çünki öňki zatlar aradan aýryldy» (Ylham 21:3, 4).

Şeýtan we onuň jynlaryndan tapawutlylykda Ýehowa hiç haçan aldanok. Onuň wada beren ähli zady hökman ýerine ýeter (Luka 1:36, 37). Ýehowa seni söýýär we ýer ýüzünde gurjak jennetinde seniň hem ýaşamagyňy isleýär. Ýehowanyň Güwälerinden Hudaýyň Sözündäki ajaýyp hakykat barada köpräk gürrüň bermeklerini haýyş et. Eger sen hakykat boýunça ýaşap başlasaň, ýalanyň, yrymyň we bilimsizligiň gulçulygyndan boşarsyň. Wagty gelende, sen hatda ölümden hem günäden azat bolarsyň. Isa: «Siz hakykaty bilersiňiz, hakykat-da sizi azat eder» diýdi (Ýahýa 8:32).