Ýermeýa 6:1—30
6 Benýamin ogullary, Iýerusalimden çykyň,Gaçybatalgada gizleniň.
Tekoýada+ surnaý çalyň+,Beýt-hakeremde ot ýakyp, duýduryş beriň!
Sebäbi demirgazykdan betbagtçylyk, uly heläkçilik gelýär+.
2 Sion owadan we näzik gelne meňzeýär+.
3 Çopanlar sürüleri bilen gelip,
Daş-töwereginde çadyrlaryny diker+.Olaryň hersi öz sürüsini bakar+.
4 «Iýerusalime garşy söweşe taýýarlanalyň!
Aýaga galalyň, gündiziň günortany hüjüm edeliň!»
«Waý halymyza! Gün ýaşyp barýar,Öýlänki kölege süýşüp barýar!»
5 «Turalyň, onuň üstüne gije çozalyň,Berk diňlerini weýran edeliň»+.
6 Serkerdebaşy Ýehowa şeýle diýýär:
«Agaçlary kesiň,Iýerusalimiň daşyna gabaw depesini galdyryň+.
Şäherde diňe zalymlyk edilýär+,Şäher hasabat bermeli bolar.
7 Guýynyň sowuk suwdan doly bolşy ýaly,Şäher hem erbetlikden doludyr.
Zalymlyk we weýrançylyk şäherde höküm sürýär+.Nirä seretsem, kesel we betbagt adamlary görýärin.
8 Eý Iýerusalim, akylyňa aýlan,Ýogsam seni ýigrenip, ýüz döndererin+.Seni haraba, ilatsyz ýurda öwrerin»+.
9 Serkerdebaşy Ýehowa şeýle diýýär:
«Üzümiň iň soňky salkymynyň ýygnalyşy ýaly,Duşmanlar hem Ysraýylyň aman galanlaryny ýygnarlar.
Sen-de üzümi ýygnaýan adam ýaly, olary ýygna».
10 «Kime aýdaýyn? Kime duýduraýyn?
Kim meni diňlär?
Olaryň gulaklary gapyldy*, hiç zat eşitmeýärler+.
Ýehowanyň sözünden şatlyk tapmaýarlar,Gaýtam sözüniň üstünden gülýärler+.
11 Ýehowa ýaly, menem gaharlanýaryn,Dymmakdan halys ýadadym»+.
Hudaý maňa diýdi: «Gazabyňy köçedäki çagalaryň,Topar-topar bolup oturan ýaşlaryň üstüne dök+.
Är-aýallar, ýaşulular we garrylar,Olaryň ählisi ýesir düşerler+.
12 Olaryň öýi, mellegi, aýallary başgalaryň eline berler+.
Sebäbi men halka jeza bererin — muny Ýehowa aýdýar.
13 Olaryň uludan-kiçisine çenli haram gazanç edýärler+,Pygamberleri, ruhanylary hilegärlik edýärler+.
14 Halkymyň ýarasyny* çala bejerýärler.Hiç hili parahatlyk bolmasa-da:
„Parahatlyk, parahatlyk!“ diýýärler+.
15 Olar ýigrenji işlerine utanýarlarmy?
Asla utanmaýarlar,
Utanç-haýany bilmeýärler+.
Şonuň üçin olar ýykylanlaryň arasynda bolarlar,
Men jeza berenimde büdrärler». Muny Ýehowa aýdýar.
16 Ýehowa şeýle diýýär:
«Ýoluň çatrygynda durup syn ediň.
Gadymy ýodalary soraň,Haýsy ýoluň gowudygyny bilip, şondan ýöräň+,Janyňyz rahatlyk tapar».
Emma olar: «Biz aýdan ýoluňdan ýöremeris» diýdiler+.
17 «Meniň bellän garawullarym+:„Surnaýyň sesine üns beriň!“+ diýip duýdurdylar».
Halk bolsa: «Surnaýyň sesine üns bermeris» diýdiler+.
18 «Şonuň üçin diňläň, eý milletler!
Eý adamlar,Iýerusalime näme boljagyny biliň.
19 Ýer ýüzi, diňläň!
Men halkyň üstüne heläkçilik ibererin+,Guran duzaklaryna özlerini düşürerin.Sebäbi olar sözlerime üns bermediler,Kanunymdan* ýüz öwürdiler».
20 «Şebadan getiren ladanyňyzy*,Uzakdan getiren ýakymly ysly gamşyňyzy näme edeýin?
Gurbanlyklaryňyz maňa ýaramaýar,Ýakma gurbanlyklaryňyzy kabul etmerin»+.
21 Ýehowa şeýle diýýär:
«Halka badak ataryn*,Olar büdräp ýykylarlar.Atalar öz ogullary bilen,Goňşular öz ýakyny bilen heläk bolarlar»+.
22 Ýehowa şeýle diýýär:
«Demirgazykdan bir halk geler,Ýeriň aňry ujundan bir beýik millet aýaga galar+.
23 Olaryň elinde naýza we ýaý bardyr,
Zalym hem rehimsizdir,
Sesleri deňziň güwwüldisi ýalydyr.Olar atlanyp gelýärler+.
Sion gyzy, olar seniň üstüňeBir adam ýaly nyzama düzülip gelýärler».
24 Biz olar hakda eşitdik,
Gollarymyzyň güýji gaçdy+.Gaýgy-alada üstümizden basdy,Çaga dogurýan aýal ýaly azap çekdik+.
25 Şäherden çykmaň,Ýollarda ýöremäň.Sebäbi duşman ýaraglydyr,Ähli ýer howpludyr.
26 Eý halkymyň gyzy,Jul* geýip+, kül üstünde otur.
Ýeke perzendiň ýasyny tutýan ýaly zaryn-zaryn agla+,Sebäbi heläkleýji üstümize duýdansyz geler+.
27 «Zergäriň kümşi arassalaýşy ýaly, senem* halky arassala.Halkymy barla,Edýän işlerine ünsli seret.
28 Olaryň ählisi kesirdir+,Töhmet atyp gezýändir+.
Ýürekleri mis hem demir ýaly gatandyr,Ählisi ýoldan çykandyr.
29 Zergär kümşi arassalamak üçin jan etdi,Hatda körükleri* ýanyp gitdi.
Emma tagallasy biderek boldy,
Otdan diňe gurşun çykdy+.Halkdan erbetleri aýryp bilmedi+.
30 Ýehowa hem olary taşlady+,Milletler olara „taşlanan kümüş“ diýerler».
Çykgytlar
^ Sözme-söz: sünnetlenmedi.
^ Ýa-da: döwügini.
^ Ýa-da: Görkezmämden.
^ Sözme-söz: büdredýän daş goýaryn.
^ Ýagny Ýermeýa.
^ Zergärleriň metaly eretmek üçin ýel berip, kömri körükdirýän guraly.
