Birinji Korinfliler 3:1—23
3 Doganlar, size hiç zat aýdyp bilmeýärin, sebäbi siz ruha eýermeýärsiňiz+. Gaýtam ten höweslerine eýerip, Mesihiň ýolunda çagalar ýaly ýöreýärsiňiz+.
2 Çaga ýaly bolandygyňyz üçin nahar däl-de, süýt berdim, sebäbi nahar iýer ýaly entegem ulalmadyňyz+.
3 Siz henizem şu dünýäniň höweslerine eýerip ýaşaýarsyňyz+. Eger göriplik edip, dawalaşýan bolsaňyz, şu dünýäniň adamlaryndan näme tapawudyňyz bar?+ Sizem olara meňzemeýärsiňizmi?
4 Biriňiz «Men Pawlusyň şägirdi», beýlekiňiz «Men Apollosyň+ şägirdi» diýseňiz, olardan tapawudyňyz barmy?
5 Apollos kim? Pawlus kim? Olar Hudaýyň tabşyryklaryny ýerine ýetirýän gullar ahyry+. Olar size Halypamyzyň şägirdi bolmaga kömek etdiler.
6 Men tohum ekdim+, Apollos suwardy+, ýöne ösdürýän Hudaýdyr.
7 Şonuň üçin tohumy ekene ýa-da suwarana däl-de, ösdürýän Hudaýa+ alkyş aýtmaly.
8 Tohumy eken bilen suwaran bile zähmet çekse-de*, hersi zähmetiniň hözirini görer+.
9 Biz Hudaýyň işdeşleri, siz bolsa onuň mellegi, guran öýi+.
10 Men Hudaýyň ýagşylygy bilen ökde ussa* kimin jaýyň düýbüni tutdum+. Başga biri bolsa onuň üstüni gurup başlady. Ýöne her kes jaýy nädip gurýandygyna üns bersin.
11 Hiç kim başga düýp tutup bilmez. Düýp — Isa Mesih+.
12 Bir adam şol düýbüň üstünde altyndan, kümüşden ýa-da gymmatbaha daşlardan gurýar, başga biri agaçdan, bededen ýa-da samandan gurýar.
13 Synagda hersiniň eden işi belli bolar. Işiň gowy ýa-da erbetdigi ot bilen synalar+.
14 Kimiňki ýanmasa, sylag alar.
15 Kimiňki ýansa, özi heläk bolmasa-da, köp zyýan çeker. Ol oduň ýalnyndan halas bolan adam kimin bolar.
16 Bilýän bolsaňyz, siz Hudaýyň ybadathanasy+, sizde Hudaýyň ruhy bar+.
17 Kim Hudaýyň ybadathanasyny ýumursa, Hudaý ony ýok eder. Sebäbi Hudaýyň ybadathanasy mukaddesdir, siz bolsa onuň ybadathanasysyňyz+.
18 Hiç kim özüni aldamasyn, şu dünýäde* kim akyllydyryn öýtse, akylsyz bolsun. Şonda ol paýhasly bolar.
19 Dünýäniň akyldarlygy Hudaý üçin akmaklykdyr. Sebäbi: «Ol akyldarlary öz duzagyna düşürýär»+ diýip ýazylgy.
20 Şeýle-de: «Ýehowa* akyldarlaryň oý-pikiriniň biderekdigini bilýär»+ diýilýär.
21 Hiç kim eden işine öwünmesin, sebäbi ähli zady Hudaý berendir.
22 Pawlus-da, Apollos-da, Kifa-da*+, dünýä-de, ýaşaýyş-da, ölüm-de, häzirki we gelejekki zatlar-da, garaz, ähli zatlar siziňkidir.
23 Siz bolsa Mesihiňki+, Mesih hem Hudaýyňkydyr.
