Hoşeýa 4:1—19
4 Eý ysraýyl halky, Ýehowanyň sözüni diňläň,Sebäbi ýurduň ilaty bilen Ýehowanyň dawasy bar+.Ýurtda ne hakykat, ne-de söýgi* bar,Olar Hudaýy hem tanamaýar+.
2 Ýalandan ant içmek, aldamak+, ganhorlyk+,Ogurlyk, zynahorlyk+ köpelip,Gan sil bolup akýar+.
3 Şonuň üçin ýurt ýas tutar+,Halk güýç-gurbatdan gaçar.Çöl haýwanlary, asman guşlary,Hatda deňiz balyklary gyrlar.
4 «Halk ruhany bilen dawalaşýan adam ýaly kesirdir+.Indi hiç kim dawalaşmasyn, başgalary ýazgarmasyn+.
5 Sen gündiziň güni büdrärsiň,Pygamber-de gije ýöreýän ýaly ýykylar.
Seniň ejeň janyny alaryn.
6 Meni tanamaýandygy üçin halkym ýok ediler.
Siz hem meni tanamak islemediňiz+.Siz indi meniň ruhanym bolmarsyňyz.Meniň kanunymy ýatdan çykaranyňyz üçin+,Men hem siziň ogullaryňyzy unudaryn.
7 Ruhanylaryň sany artdygyça, köp günä etdiler+.
Men olary at-abraýdan düşürip, masgara ederin*.
8 Ruhanylar halkymyň günäsinden eklenýär.Olaryň günä etmegini isleýär.
9 Ruhanylaryň başyna gelen, halkyň hem başyna geler.Olaryň saýlan ýollary üçin hasabat soraryn,Eden işlerini egni bilen çekerler+.
10 Olar iýerler, ýöne doýmazlar+,
Olar zyna ederler, emma köpelmezler+.Sebäbi Ýehowa hormat goýmadylar.
11 Zynahorlyk, köne we täze şerap,Akyl-huşy* alýandyr+.
12 Halkym agaç butlaryndan maslahat soraýar.Hasasy* näme aýtsa, şony-da edýär.Ahlaksyz pikirler olary ýoldan çykarýar,Zynahorlyk edip, Hudaýyna tabyn bolmaýar.
13 Daglaryň depesinde gurbanlyk berýärler+,Baýyrlarda, dub, stiraks* agaçlarynyň aşagynda,Her bir uly agajyň+ kölegesinde,Gurbanlyk ýakýarlar.
Gyzlaryňyz ahlaksyzlyk,Gelinleriňiz zyna edýärler.
14 Men gyzlaryňyzyň ahlaksyzlyk,Gelinleriňiziň zyna edendigi üçin jeza bermerin.
Sebäbi erkekleriňiz ahlaksyz aýallaryň yzyna düşýär,Buthanadaky ahlaksyzlar* bilen gurbanlyk berýärler.Düşünjesiz halk+ bolsa heläk bolar.
15 Eý Ysraýyl, sen zyna edýärsiň+,Emma Ýahuda beýle günä bulaşmasyn+.
Gilgala+ girmäň, Beýtawene+ barmaň.„Ýehowa diri şaýatdyr!“ diýip ant içmäň+.
16 Ysraýyl baş bermeýän öküz kimin boldy+.
Ýehowa olary tokly bakýan ýaly otluk meýdanda bakarmy?
17 Efraýym butlara baglanyp galdy+.
Ony öz ýoluna goýberiň!
18 Ol içgisini* gutaryp,Azgynçylyga baş goşýar.
Häkimleri bihaýa işleri halaýar+.
19 Şemal ony ganatlarynda alyp gider,Beren gurbanlyklary üçin masgara bolar».
Çykgytlar
^ Ýa-da: wepaly söýgi.
^ Başga manysy: Olar meni şöhratlandyrmaýarlar, gaýtam masgara edýärler.
^ Sözme-söz: Ýüregi.
^ Ýa-da: Palçynyň hasasy.
^ Hoşboý ysly, ak gülli agaç.
^ Buthanadaky käbir aýallar we erkekler butlara sežde edenlerinde ahlaksyzlyk edýärdiler.
^ Ýa-da: bugdaýdan ýasalan piwosyny.
