Işaýa 15:1—9
-
Mowaba çykarylan höküm (1—9)
15 Mowaba çykarylan höküm+:
Mowabyň Ar şäherinden+ ses-üýn çykanok,Ol bir gijäniň içinde weýran boldy.
Mowabyň Hir şäherinden+ ses-üýn çykanok,Ol bir gijäniň içinde weýran boldy.
2 Halk aglap, buthana we Dibona+ tarap ýokary çykýar,Seždegählerde* perýat edýär.
Mowap Nebo+ we Medeba+ üçin aglaýar,
Her kes saçyny syrýar+, sakgalyny gyrkýar+.
3 Olar jul* geýip, köçelerde oturýarlar,
Jaýyň üçeginde, şäher meýdançasynda* perýat edýärler,Olar aglaý-aglaý aşak düşýärler+.
4 Heşbon we Elgala+ nalyş edýär,Sesleri Ýahaza+ çenli baryp ýetýär.
Mowap esgerleri gygyryşýarlar,
Halk gorkudan ýaňa titreýär.
5 Mowap üçin ýüregim gan aglaýar.
Onuň gaçgaklary Sogara+ we Eglat-şelişýa+ gaçýarlar.
Olar aglaşyp, Luhite tarap ýokary galýarlar.Betbagtçylykdan ýaňaHoronaýym ýolunda perýat edýärler+.
6 Nemrim suwlary gurady,Ýaşyl meýdan saraldy,Al-ýaşyl otlar soldy, olardan nam-nyşan galmady.
7 Olar galanja baýlygyny alyp,Derek jülgesinden geçýärler.
8 Halkyň perýadyndan ýaňa Mowap lerzana gelýär+.
Olaryň ahy-nalasy Eglaýyma,Ahy-nalasy Beýer-elime eşidilýär.
9 Dimon suwlary gana boýaldy,Dimonyň başyna mundanam agyr betbagtçylyk indererin:
Mowapdan gaçanlaryň,Ýurtda aman galanlaryň üstüne arslan ibererin+.
