Işaýa 59:1—21
59 Halas etmez ýaly Ýehowanyň eli ejiz däldir+,Eşitmez ýaly gulagy agyr däldir+.
2 Günä edip, özüňiz Hudaýdan daşlaşdyňyz+.
Ol sizden ýazyklaryňyz sebäpli ýüz öwürdi,Sizi eşitmek islemedi+.
3 Elleriňiz gana boýaldy+,Barmaklaryňyz günä bulaşdy.
Agzyňyzdan mekirlik pürkülýär,Diliňizden ýalançylyk dökülýär+.
4 Adalatyň tarapyny tutýan ýok+,Kazynyň öňünde hakykaty aýdýan ýok.
Olar boş zatlara bil baglaýar+, biderek gepleýär.
Olar diňe erbetlik hakda pikir edýär,Adamlara hemişe ýamanlyk edýär+.
5 Zäherli ýylanyň ýumurtgasyny basyrýar,Möýüň kerebini dokaýar+.
Olaryň ýumurtgasyny iýen adam öler,Basyran ýumurtgasyndan alahöwren çykar.
6 Dokan kerebinden eşik tikip bolmaz,Eden işleriniň peýdasy bolmaz+.
Olaryň elleri zalymlyk, gollary zorluk edýär+.
7 Aýaklary erbetlik etmäge ylgaýar,Bigünä gany dökmäge howlugýar+.
Oý-pikirleri pislikdir,Ýollary weýrançylykdan, heläkçilikden doludyr+.
8 Olar parahatlyk ýollaryny bilmeýärler,Ýodalarynda adalatlylyk ýokdur+.
Özlerine egri ýollary çekdiler,Olardan ýöreýänler parahatlyk görmez+.
9 Şol sebäpli adalatlylyk bizden uzakda,Dogruçyllyk bizden daşda.
Ýagtylyga garaşdyk, emma daş-töweregimiz garaňkylyk,Nura garaşdyk, ýöne tümlükde ýöredik+.
10 Körler kimin diwardan ýapyşyp ýöredik,Gözsüz kimin sermeleşip gezdik+.
Günortan çagy garaňky gijede gezýän ýaly büdreýäris.Pälwanlaryň ýanynda jesede meňzeýäris.
11 Ählimiz aýy kimin gygyrýarys,Gumry kimin gurruldap, zaryn-zaryn aglaýarys.
Adalata garaşdyk, ýöne görmedik,Gutulyşa garaşdyk, emma gelmedi.
12 Saňa garşy köp gozgalaň turuzdyk+.Günälerimiz muňa şaýatlyk edýär+.
Gozgalaň turuzdyk, günä etdik,Olaryň hijisini unutmadyk+.
13 Günäli işlere baş goşup, Ýehowadan ýüz öwürdik,Hudaýymyza ýeňsämizi öwürdik.
Zulum-sütem, gozgalaň hakda gürrüň açdyk+.Ýüregimiz mekirlikden doldy, dilimiz ýalan ýagdyrdy+.
14 Adalat yza çekildi+,Dogruçyllyk gaçdy+.Hakykat şäher meýdançasynda* büdredi,Dogruçyllyk baryp bilmedi.
15 Hakykat zym-zyýat boldy+,Ýamanlykdan el çeken talandy.
Ýehowa muny görüp gynandy,Sebäbi adalat ýokdy+.
16 Ol kömege ýetişýän adamyň ýokdugyny gördi.Töwellaçynyň ýokdugyna haýran galdy.Şonda goly bilen halas etdi,Adalaty* biline berk guşady.
17 Ol dogruçyllygy sowut kimin,Gutulyşy* tuwulga kimin geýdi+.
Ar alyş donuny egnine atdy+,Yhlas lybasyny geýdi.
18 Olara eden işine görä, şeýle paý berer+:
Duşmanlarynyň başyndan gazabyny inderer,
Ýagylaryny jezalandyrar, adalara hakyny berer+.
19 Günbatardakylar Ýehowanyň adyndan,Gündogardakylar şöhratyndan gorkarlar.Sebäbi Ýehowa joşup akýan derýa kimin,Ruhy bilen şarlap akýan derýa kimin geler.
20 «Siona, Ýakubyň toba eden nesline+Halasgär*+ geler»+. Muny Ýehowa aýdýar.
21 Ýehowa şeýle diýýär: «Olar bilen baglaşan ähtim şudur+. Siziň üstüňize inderen ruhum, agzyňyza salan sözlerim häzirem, gelejekde-de siziň diliňizden, ogullaryňyzyň we agtyklaryňyzyň dilinden düşmez». Muny Ýehowa aýdýar.
