Zebur 88:1—18
Karun ogullarynyň aýdymy+. Aýdymçylaryň ýolbaşçysyna. Mahalot*. Nobatma-nobat aýtmaly. Ezrahlardan Hemanyň aýdymy+. Maskil*.
88 Halasgär Hudaýym Ýehowa!+Uzakly gün seni çagyrýaryn,Gijelerine huzuryňa gelýärin+.
2 Dogalarymy kabul et+,Kömek sorap edýän dilegimi eşit+.
3 Jebir-jepadan ýaňa janymdan* doýdum+,Mazaryň* gyrasynda durun+.
4 Ölüleriň hataryna goşuldym+,Alaçsyz, biçäre adam boldum+.
5 Ölüleriň arasyna atylan,Mazarda ýatan jeset deý,Meni ýada salmadyň,Kömegiňden mahrum etdiň.
6 Meni çuňňur guýa taşladyň,Garaňky ýere, düýpsüz çuňluga atdyň.
7 Gaharyň egnimden basýar+,Möwç urýan tolkunlaryň gark edýär. (Sela)
8 Dostlarymy menden daşlaşdyrdyň+,Meni olara ýigrenji etdiň,
Gurbatym ýok gaçara, düşdüm men duzaga.
9 Aglamakdan gözlerim küteldi+.
Ýehowa, elimi göge galdyryp,Her gün seni çagyrýaryn+.
10 Sen gudratyňy ölülere görkezermiň?
Ölen adam turup, seni wasp edermi?+ (Sela)
11 Heläkçilik mekanynda* wepaňy,Gabyrda wepaly söýgiňi* wagyz ederlermi?
12 Tümlükde gudratyňy,Unudylan ýurtda adalatyňy jar ederlermi?+
13 Ýehowa, kömek sorap dileg edýärin!+Her säher dogalarym huzuryňa baryp ýeter+.
14 Ýehowa, meni näme üçin taşladyň?+
Menden näme üçin ýüzüňi sowýarsyň?+
15 Çagalykdan bäri gözüm dertden açylmady,Ölüm ýassygynda ýatyryn+,Jebir çekdirdiň, ysgyn-mydarym galmady.
16 Lowlaýan gazabyň başyma indi+,Howp-hatar meni howsala saldy.
17 Olar her gün sil deý başyma inýär,Her tarapdan* üstümi basýar.
18 Dost-ýarlarymy menden aýyrdyň+,Tümlük ýalňyz ýoldaşym boldy.
