Ke maua na aogā mai na lehona fakate-Tuhi Paia
Hukehuke ma he faiaoga: Talohaga he hukehukega fakate-Tuhi Paia mai te tino na foki atua te polōhiua, pe fakatumu he tuhi talohaga i te matou tuātuhi initaneti, jw.org.
VAEGA MUAMUA
Faitau na palakalafa takitahi, fakatahi ma na fehili (A) ma na mau (E) ie e fakamamafa ai te manatu tāua. Matau na mau e fakailoga ke “faitau.”
VAEGA LUA
Ko na fakamatalaga (I) i lalo o te Hakilikili Loloto, e fakamalamalama mai ai na ulutala (O) ma he fakapukupukuga eō te talanoaga. Faitau na mau, tali na fehili, ma matamata na vitiō (U).
Iloilo na ata ma o latou fakamatalaga (F), ma mafaufau ki te auala e tali atu ai kafai e Leamai Ietahi Tino (G).
VAEGA MULIMULI
Otootoga ma na Fehili Autalu (L) fakaikuga o te lehona. Tuhi te aho na uma ai te lehona. Hini (M) he mea ke galue ki ei. Manatu Fakaopoopo (N) e maua ai ni fakamatalaga fakaopoopo ke faitau pe matamata koe ki ei.
Te auala e hakili ai na mau o te Tuhi Paia
Ko na mau o te Tuhi Paia e kamata i te tuhi (A), te matakupu (E), ma te fuaikupu pe ni fuaikupu (I). Mo he fakatakitakiga, Ioane 17:3 e fakahino atu ki te tuhi o Ioane, matakupu 17, fuaikupu 3.
