Petsa: Agosto 9-11, 2019

Lokasyon: Municipal Stadium ng Legia Warsaw at Torwar Hall sa Warsaw, Poland

Wika ng Programa: English, Polish

Pinakamataas na Bilang ng Dumalo: 32,069

Bilang ng Nabautismuhan: 190

Bilang ng mga Delegado Mula sa Ibang Bansa: 6,892

Mga Sangay na Imbitado: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States

Karanasan: Isinulat ni Mr. Kamil Kaźmierkiewicz, general manager ng Four Points ng Sheraton Warsaw Mokotów (isa sa mga hotel na tinuluyan ng mga delegado): “Napakadali ninyong kausap—sana mas marami pa kaming maging kliyente na mabait at positibo gaya ninyo. Kitang-kita ko na nagmamahalan kayo at nagkakaisa. . . . Saludo ako sa napakahusay na pagkakaorganisa ng event na ito.”

Sinabi rin ni Mr. Kamil Lubański, may-ari ng KL Team, ang kompanya na nagpadala ng mga bus na ginamit sa kombensiyon: “Sa simula pa lang, nakita ko nang masarap na katrabaho ang mga Saksi ni Jehova. Nakikipagtulungan sila at professional. Napakagaling ng pagkakaorganisa sa malaking event na ito. May malalaki kaming kliyente, kasama na ang gobyerno, na gumawa rin ng mga event dito sa bansa at sa iba pang bansa sa Europa. Pero bihirang-bihira ang mga kliyenteng handang-handa at napakaorganisado gaya ninyo. Walang ibang masabi ang mga drayber at iba pa naming empleado tungkol sa inyong mga Saksi ni Jehova, puro magaganda lang. Sana makatrabaho ulit namin kayo.”