AGOSTO 10, 2022
RUSSIA

UPDATE—NAHATULAN ANG KAPATID | Masayang Nakapagtiis si Viktor Shayapov Dahil sa Pagpapahalaga

I-PLAY

Noong Nobyembre 7, 2022, hinatulan ng Nikolskiy District Court of the Penza Region si Brother Viktor Shayapov at pinatawan ng dalawang-taóng suspended prison sentence. Hindi pa siya makukulong sa ngayon.

Time Line

Agosto 19, 2021

Sinampahan ng kasong kriminal. Inakusahan na nakikibahagi sa ekstremistang mga gawain
Pebrero 5, 2022

Hinarang ng pulis. Ni-raid ang bahay niya at hinalughog nang araw ding iyon. Na-detain at dinala sa Penza na 740 kilometro ang layo
Pebrero 6, 2022

Inilagay sa temporary detention center
Pebrero 8, 2022

Pinalaya sa temporary detention at na-house arrest
Marso 28, 2022

Nagsimula ang paglilitis

Profile

Viktor Shayapov

Ipinanganak: 1989 (Kamenka, Moscow Region)

Maikling Impormasyon: Dating mekaniko ng kotse. Nagsagawa ng alternative civilian service sa post office imbes na maglingkod sa militar

Napangasawa si Yekaterina noong 2010

Nagba-Bible study na si Yekaterina sa mga Saksi ni Jehova nang makilala niya si Viktor. Dahil lohikal na nasagot ang mga tanong ni Viktor tungkol sa pagdurusa ng mga tao, nagpa-Bible study na rin siya. Nabautismuhan sila noong 2008

Personal na mga Komento

Ano ang nakatulong sa iyo na manatiling positibo sa mahirap na panahong ito?

Nakikita ko ang kabaitan ni Jehova kahit sa maliliit na bagay, gaya ng masarap na pagkain, mga ibong lumilipad, o ihip ng hangin. At lagi ko siyang pinapasalamatan sa kabaitan niya. Kapag ginagawa ko ito, nakakapagpokus ako sa positibong mga bagay at lagi kong naaalala na mahal ako ni Jehova.

Nakatulong din sa akin na magkaroon ng tamang pananaw ang halimbawa at mga tip ng isang kaibigan na nakaranas din ng ganito. Ipinaalala niya sa akin na huwag isiping biktima ako. Kasi kung matatakot tayo, gagamitin iyon ng mga kaaway natin para kontrolin tayo.

Nakatulong din sa akin na makapagtiis ang Filipos 1:29: “Dahil bukod sa pribilehiyo ninyong manampalataya kay Kristo, binigyan din kayo ng pribilehiyo na magdusa para sa kaniya.” Ipinaalala sa akin ng mga salitang ito ang napakagandang pribilehiyo ko na magpatotoo sa ganitong paraan.

Nagpapasalamat tayo sa tapat na pag-ibig ni Jehova. Nagbibigay ito ng kapayapaan na magbabantay sa puso at isip natin kapag may pagsubok.—Filipos 4:7.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE