^א [Alep] 3  Ako ang taong nakakita ng pagdurusa dahil sa hampas ng poot niya.  ² Itinaboy niya ako at pinalakad sa dilim, hindi sa liwanag.+  ³ Paulit-ulit niya akong hinahampas buong araw.+ ^{ב [Bet]  4} Inubos niya ang laman at balat ko;Binali niya ang mga buto ko.  ⁵ Kinubkob niya ako; pinalibutan niya ako ng nakalalasong halaman+ at ng paghihirap.  ⁶ Pinaupo niya ako sa madidilim na lugar, gaya ng mga taong matagal nang patay. ^{ג [Gimel]  7} Pinalibutan niya ako ng pader, para hindi ako makatakas;Iginapos niya ako ng mabigat na kadenang tanso.+  ⁸ At kapag sumisigaw ako at humihingi ng tulong, hindi niya pinakikinggan* ang panalangin ko.+  ⁹ Hinarangan niya ng tinabas na mga bato ang daan ko;Ginawa niyang liko-liko ang landas ko.+ ^{ד [Dalet] 10} Inaabangan niya akong gaya ng oso, gaya ng leon na nagtatago.+ ¹¹ Nalihis ako ng daan dahil sa kaniya at pinagluray-luray niya ako;*Ginawa niya akong tiwangwang.+ ¹² Binaluktot* niya ang búsog niya, at ginawa niya akong puntirya ng mga palaso niya. ^{ה [He] 13} Pinatama niya sa mga bato ko ang mga palaso* mula sa lalagyan niya. ¹⁴ Naging katatawanan ako ng lahat ng bayan, ang laman ng awit nila sa buong araw. ¹⁵ Binusog niya ako ng mapapait na bagay at pinainom ng ahenho.+ ^{ו [Waw] 16} Binasag niya ang mga ngipin ko sa pamamagitan ng graba;Pinasubsob niya ako sa abo.+ ¹⁷ Pinagkaitan mo ako ng kapayapaan; nalimutan ko na kung ano ang mabuti. ¹⁸ Kaya sinabi ko: “Naglaho na ang karilagan ko, at hindi na ako umaasa kay Jehova.” ^{ז [Zayin] 19} Alalahanin mong nagdurusa ako at wala akong tahanan;+ alalahanin mo ang ahenho at ang nakalalasong halaman.+ ²⁰ Tiyak na maaalaala mo ito at yuyuko ka para sa akin.+ ²¹ Naaalaala ko ito sa puso ko; kaya matiyaga akong maghihintay.*+ ^{ח [Het] 22} Dahil sa tapat na pag-ibig ni Jehova kaya hindi pa tayo nalilipol,+Dahil walang hanggan ang awa niya.+ ²³ Ang mga iyon ay bago sa bawat umaga;+ ang katapatan mo ay sagana.+ ²⁴ “Si Jehova ang bahagi ko,”+ ang sabi ko, “kaya matiyaga akong maghihintay sa kaniya.”+ ^{ט [Tet] 25} Mabuti si Jehova sa umaasa sa kaniya,+ sa taong patuloy na humahanap sa kaniya.+ ²⁶ Mabuting maghintay nang tahimik*+ sa pagliligtas ni Jehova.+ ²⁷ Mabuti sa isang tao na magdala ng pasanin sa panahon ng kabataan niya.+ ^{י [Yod] 28} Maupo siyang mag-isa at manatiling tahimik kapag inilagay ng Diyos ang pasaning iyon sa kaniya.+ ²⁹ Isubsob niya ang bibig niya sa mismong alabok;+ baka sakaling may pag-asa pa.+ ³⁰ Iharap niya ang pisngi niya sa nananakit sa kaniya; tanggapin niya ang lahat ng pang-iinsulto. ^{כ [Kap] 31} Dahil hindi tayo habang panahong itatakwil ni Jehova.+ ³² Kahit na pinagdusa niya tayo, maaawa siya sa atin dahil sagana ang kaniyang tapat na pag-ibig.+ ³³ Dahil wala sa puso niya na pahirapan o saktan ang mga anak ng tao.+ ^{ל [Lamed] 34} Ang tapakan at durugin ang lahat ng bilanggo sa lupa,+ ³⁵ Ang pagkaitan ng katarungan ang isang tao sa harap ng Kataas-taasan,+ ³⁶ Ang dayain ang isang tao sa kaso niya—Hindi kinukunsinti ni Jehova ang ganitong mga bagay. ^{מ [Mem] 37} Kaya sino ang makapagsasabi ng isang bagay at makagagawa nito kung hindi si Jehova ang nag-utos nito? ³⁸ Mula sa bibig ng Kataas-taasanAy hindi parehong lumalabas ang masasamang bagay at ang mabubuting bagay. ³⁹ Bakit magrereklamo ang isang tao sa ibinunga ng kasalanan niya?+ ^{נ [Nun] 40} Suriin natin at siyasatin ang landasin natin,+ at manumbalik tayo kay Jehova.+ ⁴¹ Itaas natin ang ating puso at mga kamay sa Diyos na nasa langit:+ ⁴² “Nagkasala kami at nagrebelde,+ at hindi mo pa kami pinatatawad.+ ^{ס [Samek] 43} Sa galit mo ay hinadlangan mo ang paglapit namin;+Tinugis mo kami at pinatay nang walang awa.+ ⁴⁴ Hinarangan mo ng ulap ang lumalapit sa iyo, para ang panalangin namin ay hindi makarating sa iyo.+ ⁴⁵ Ginawa mo kaming dumi at basura sa gitna ng mga bayan.” ^{פ [Pe] 46} Ibinuka ng lahat ng kaaway namin ang bibig nila laban sa amin.+ ⁴⁷ Pangingilabot at hukay ang inabot namin,+ pagkatiwangwang at pagkawasak.+ ⁴⁸ Bumubukal ang tubig mula sa mga mata ko dahil sa pagbagsak ng anak na babae ng bayan ko.+ ^{ע [Ayin] 49} Lumuluha ang mga mata ko nang tuloy-tuloy, walang tigil,+ ⁵⁰ Hanggang sa tumingin si Jehova mula sa langit+ at makita ang nangyayari. ⁵¹ Ang mga mata ko ay nagdulot sa akin ng pighati dahil sa lahat ng anak na babae ng lunsod ko.+ ^{צ [Tsade] 52} Hinahabol akong parang ibon ng mga kaaway ko nang walang dahilan. ⁵³ Pinatahimik nila ako sa hukay; pinagbabato nila ako. ⁵⁴ Lumubog ako sa tubig, at nasabi ko: “Katapusan ko na!” ^{ק [Kop] 55} Tinawag ko ang pangalan mo, O Jehova, mula sa kailaliman ng hukay.+ ⁵⁶ Dinggin mo ang tinig ko; huwag mong isara ang tainga mo sa paghingi ko ng tulong, ng saklolo. ⁵⁷ Lumapit ka nang araw na tumawag ako sa iyo. Sinabi mo: “Huwag kang matakot.” ^{ר [Res] 58} Ipinagtanggol mo ang kaso ko, O Jehova, tinubos mo ang buhay ko.+ ⁵⁹ Nakita mo, O Jehova, ang kamaliang ginawa sa akin; pakisuyong bigyan mo ako ng katarungan.+ ⁶⁰ Nakita mo ang lahat ng paghihiganti nila, ang lahat ng pakana nila laban sa akin. ^{ש [Sin] o [Shin] 61} Narinig mo ang pandurusta nila, O Jehova, ang lahat ng pakana nila laban sa akin,+ ⁶² Ang sinasabi ng mga kaaway ko at ang ibinubulong nila laban sa akin buong araw. ⁶³ Tingnan mo sila; nakaupo man sila o nakatayo, hinahamak nila ako sa mga awit nila! ^{ת [Taw] 64} Pagbabayarin mo sila, O Jehova, sa mga ginagawa nila. ⁶⁵ Patitigasin mo ang puso nila bilang sumpa mo sa kanila. ⁶⁶ Sa galit mo ay tutugisin mo sila at lilipulin sa silong ng langit ni Jehova.